Գրիգոր Ազիզյան (նկարիչ)

Գրիգոր Ազիզյան
Ծնվել է	հունվարի 1, 1923
Ծննդավայր	Արմավիր, Կուբանի մարզ, ՌԽՖՍՀ, ԽՍՀՄ
Վախճանվել է	հունվարի 1, 2003 (80 տարեկան)
Մահվան վայր	Երևան, Հայաստան
Քաղաքացիություն	Հայաստան
Կրթություն	Երևանի պետական գեղարվեստա-թատերական ինստիտուտ (1953)
Մասնագիտություն	նկարիչ
Պարգևներ

Անվան այլ կիրառումների համար տե՛ս՝ Գրիգոր Ազիզյան (այլ կիրառումներ)

Գրիգոր Մինասի Ազիզյան (հունվարի 1, 1923(1923-01-01), Արմավիր, Կուբանի մարզ, ՌԽՖՍՀ, ԽՍՀՄ - հունվարի 1, 2003(2003-01-01), Երևան, Հայաստան), հայ նկարիչ, ՀԽՍՀ վաստակավոր նկարիչ (1985)։ ԽՍՀՄ նկարիչների միության անդամ։ Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ», 1941-1945) մասնակից։

Կենսագրություն

Մասնակցություն Երկրորդ աշխարհամարտում

1942 թվականի հունվարին Ազիզյանը եղել է մերձմոսկովյան ռազմաճակատում 1030-րդ գնդի գումարտակներից մեկի կապավոր։ Հետո նրանց գունդը տեղափոխվել է Ստալինգրադ։ Մարտերում, սեպտեմբերի 22-ին Ազիզյանը երկու ձեռքից վիրավորվել է և տեղափոխվել Ալթայի երկրամասի Կեմերովո քաղաքի հոսպիտալ։ Ապաքինվելուց հետո, 1943-1944 թվականներին Ազիզյանը ծառայել է 490-րդ առանձին հրաձգային գնդի վաշտերից մեկում, այնուհետև տեղափոխվել է լենինգրադյան ռազմաճակատ, որպես 450-րդ առանձին կապի վաշտի հեռախոսավար և սակրավոր։ Պատերազմն ավարտել է Էստոնիայում։ Հաղթանակից երկու տարի անց՝ 1947 թվականին զորացրվել է բանակից։ Պարգևատրվել է մի շարք շքանշաններով ու մեդալներով^[1]։

Ստեղծագործական ուղի

1953 թվականին ավարտել է Երևանի պետական գեղարվեստա-թատերական ինստիտուտը։

Ազիզյանի արվեստը շեշտված քնարականությամբ առավել ցայտուն է դրսևորվել մոնումենտալ բնույթի բնանկարներում, թեմատիկ-կոմպոզիցիոն պատկերներում։ Ստեղծել է հաստոցային բնույթի կտավներ, նատյուրմորտներ, դիմանկարներ^[2]։

Ստեղծագործություններ

1963 - «Կարբիդագործներ»
1964 - «Գարունը Սանահինում»^[3]
1967 - «Նորակառույցը»
1972 - «Աղբյուր Մալիշկայում»^[4]
1972 - «Նատյուրմորտ»
1981 - «Լենայի դիմանկարը»
1981 - «Կնոջս դիմանկարը»
1967 - «Ամպամած օր»
1971 - «Ձմեռն Աղվերանում»
1975 - «Հայրենի լեռներում»
1979 - «Գեղարդ»
1979 - «Սեգ սարեր»
1979 - «Ռուսական զորքերի մուտքը Հայաստան»
1980 - «Աշնանային սարեր»
1982 - «Ամառ»^[5]
2002 - «Խոր վիրապ»

Անհատական ցուցահանդեսներ

1984 թվականին անհատական ցուցահանդես է ունեցել Երևանում։

Ծանոթագրություններ

↑ Մուսաները չլռեցին։ Հայաստանի մշակույթի գործիչները 1941-1945 թթ. հայրենական մեծ պատերազմում, զոհված հայ արվեստագետներ։ Գիրք I. - Եր.: Խորհրդային գրող, 1989 թ., 392 էջ:
↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.
↑ Ազիզյան Գրիգոր Մինասի, «Գարունը Սանահինում»
↑ Ազիզյան Գրիգոր Մինասի, «Աղբյուր Մալիշկայում»
↑ Ազիզյան Գրիգոր Մինասի, «Ամառ»

Արտաքին հղումներ

Գրիգոր Ազիզյան, կտավներ

[1] Մուսաները չլռեցին։ Հայաստանի մշակույթի գործիչները 1941-1945 թթ. հայրենական մեծ պատերազմում, զոհված հայ արվեստագետներ։ Գիրք I. - Եր.: Խորհրդային գրող, 1989 թ., 392 էջ:

[2] Ով ով է. Հայեր. Կենսագրական հանրագիտարան, հատոր առաջին, Երևան, 2005.

[3] Ազիզյան Գրիգոր Մինասի, «Գարունը Սանահինում»

[4] Ազիզյան Գրիգոր Մինասի, «Աղբյուր Մալիշկայում»

[5] Ազիզյան Գրիգոր Մինասի, «Ամառ»

[1]

[2]

[3]

[4]

[5]