Գուրգեն Միրզոյան (կոմպոզիտոր)

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տե՛ս՝ Գուրգեն Միրզոյան (այլ կիրառումներ)
Գուրգեն Հովհաննեսի Միրզոյան
Ծնվել է1892 մայիսի 20
Թիֆլիս
ԵրկիրՀայաստան Հայաստան
Մահացել էնոյեմբերի 27, 1976(1976-11-27) (տարիքը 84)
Երևան
Մասնագիտությունկոմպոզիտոր
խմբավար
մանկավարժ:
ԿրթությունՆերսիսեան դպրոց և Թբիլիսիի Վանո Սարաջիշվիլիի անվան պետական կոնսերվատորիա
Պարգևներ«Պատվո նշան» շքանշան և Հայկական ԽՍՀ արվեստի վաստակավոր գործիչ

Գուրգեն Հովհաննեսի Միրզոյան (1892, մայիսի 20, Թիֆլիս - 1976, նոյեմբերի 27, Երևան), հայ կոմպոզիտոր, խմբավար, մանկավարժ։ ՀԽՍՀ արվեստի վաստակավոր գործիչ (1950

Կենսագրություն[խմբագրել | խմբագրել կոդը]

Սովորել է Ներսիսյան դպրոցում, աշակերտել Գրիգոր Սյունուն: 1924 թվականին ավարտել է Թիֆլիսի կոնսերվատորիան, դասատուներ՝ Մ․ Մ․ Իպոլիտով-Իվանով (ստեղծագործություն), Քրիստափոր Քուշնարյան (պոլիֆոնիա)։ 1937-1939 թվականներին ղեկավարել է Հայֆիլհարմոնիայի ժողովրդական գործիքների նվագախումբը, մասնակցել Մոսկվայում Հայ արվեստի և գրականության առաջին տասնօրյակին։ 1941-1943 թվականներին եղել է Ռոմանոս Մելիքյանի անվան ուսումնարանի տեսական առարկաների դասատու, 1950-1958 թվականներին՝ նաև ուսումնական մասի վարիչ։ Միրզոյանի նախաձեռնությամբ երաժշտական ուսումնարանում կազմակերպվել է արևելյան գործիքագիտության և գործիքավորման դասընթաց։ Գրել է սիմֆոնիկ («էսքիզ», «Սյուիտ», 1944), դաշնամուրային («Մանրապատումներ», 1947, «Պրելյուդներ», 1949) երկեր, լարային կվարտետ (1950), կոնցերտ թառի (1954), ֆանտազիա քամանչայի (1956), ստեղծագործություններ ժող․ գործիքների նվագախմբի համար, երգեր, խմբերգեր։

Պարգևներ[խմբագրել | խմբագրել կոդը]

  • Պատվո նշան շքանշան
  • ՀԽՍՀ արվեստի վաստակավոր գործիչ
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 618 CC-BY-SA-icon-80x15.png