Վարարակ, Գերուսչայ, Գորիս, Զանգեզուրի գետ, Զանկյազոր, Զանկյազուրի գետ, Կորես, Զագեձոր, Զագեձորի գետ, Վարարակի ջուր, Վարարակն, գետ ՀայաստանիՍյունիքի մարզում, Որոտանի ձախ վտակը։ Սկիզբ է առնում Սյունիքի բարձրավանդակիՄեծ Իշխանասար լեռնագագաթի հարավարևելյան լանջից՝ 2750 մ բարձրությունից։ Մինջ Բուռուն գյուղը գետահովիտը համեմատաբար լայն է, իսկ Գորիս քաղաքից սկսած մտնում է զառիվներ ու խոր ձորի մեջ և Քարահունջ գյուղից հարավ միանում Որոտանին[1]։ Երկարությունը 29 կմ է[2], ջրհավաք ավազանը՝ 146 կմ²։ Սնումը խառն է. ստորերկրյա (76%), ձնաանձրևային (24%), վարարումը՝ ապրիլ-մայիսին։ Տարեկան միջին ծախսը 0,95 մ³/վ է։ Ջրերն օգտագործվում են ոռոգման և էներգետիկ նպատակներով։ 10-րդ դարի կեսերին գետի վրա կառուցվել է համանուն ջրանցքը։ Ջրերն օգտագործվում են հիմնականում որոգման համար։
↑Հայաստանի Հանրապետության Ֆիզիկաաշխարհագրական օբյեկտների համառոտ տեղեկատու-բառարան, Երևան, «Գեոդեզիայի և քարտեզագրության կենտրոն ՊՈԱԿ», 2007, էջ 117 — 150 էջ։
Այս հոդվածի կամ նրա բաժնի որոշակի հատվածի սկզբնական տարբերակը վերցված էՀայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 3, էջ 166)։
