Գոհար Աթոյան

Գոհար Աթոյան
Ծնվել է	ապրիլի 24, 1957
Ծննդավայր	Երևան, Հայկական ԽՍՀ, ԽՍՀՄ
Մահացել է	հուլիսի 25, 2000 (43 տարեկան)
Մահվան վայր	Երևան, Հայաստան
Կրթություն	Կրկեսային և էստրադային արվեստի պետական ուսումնարան
Քաղաքացիություն	Հայաստան և ԽՍՀՄ
Մասնագիտություն	կրկեսի դերասան և աճպարար

Գոհար Գարեգինի Աթոյան (ապրիլի 24, 1957(1957-04-24), Երևան, Հայկական ԽՍՀ, ԽՍՀՄ - հուլիսի 25, 2000(2000-07-25), Երևան, Հայաստան), կրկեսի հայ դերասանուհի, առաջին հայ կին աճպարարը^[1]։

Կենսագրություն[խմբագրել | խմբագրել կոդը]

Ծնվել է Երևանում 1957 թվականի ապրիլի 24-ին։ Սովորել է Երևանի Մ.Գորկու անվան թիվ 4 դպրոցում։ Այն ավարտելուց հետո մեկնել է Մոսկվա, որտեղ ընդունվել է Մ.Ն.Ռումյանցևի անվան էստրադա-կրկեսային արվեստի ուսումնարան։ Աշխատել է Հայհամերգում։ Հովհաննես Յաղջյանի ղեկավարած «Փարվանա» համերգախմբի^[1] (երգ, ասմունք, կրկեսային համարներ) կազմում հյուրախաղերով շրջել ԽՍՀՄ-ի տարբեր քաղաքներում՝ հանդես գալով աճպարարական համարներով։

Մամուլում[խմբագրել | խմբագրել կոդը]

«Երեկոյան Երևան» օրաթերթն 1982 թվականի սեպտեմբերի 16-ի համարում անդրադառձել է Գոհար Աթոյանի ելույթներին^[1].

...երիտասարդ աճպարար Գոհար Աթոյանի փայլուն ելույթները անտարբեր չեն թողնում ոչ փոքր, ոչ տարեց հանդիսատեսին։ Հայ կրկեսի պատմության մեջ առաջին կին աճպարարի «կախարդական» ձեռքերը հրաշքներ են գործում, ամեն անգամ հիացմունք առաջացնելով։