Գոլկոնդա (կտավ, Մագրիտ)

Գոլկոնդա
տեսակ	գեղանկար
նկարիչ	Ռենե Մագրիտ
տարի	1953
բարձրություն	80 սանտիմետր
լայնություն	100,3 սանտիմետր
ուղղություն	բելգիական սյուրռեալիզմ
նյութ	յուղաներկ
գտնվում է	Մենիլ հավաքածու
հավաքածու	Մենիլ հավաքածու
պատկերված են տղամարդ, շենք, երկինք, փոքրիկ կաթսա, վերարկու, պատուհան և վարագույր
կայք
Ծանոթագրություններ

«Գոլկոնդա» (ֆր.՝ Golconde), բելգիացի նշանավոր սյուրռեալիստ նկարիչ Ռենե Մագրիտի նկարներից։ Կտավը հեղինակը վրձնել է 1953 թվականին։

Նկարագիր

Նկարում պատկերված են անձրևող տղամարդիկ։ Նրանք գրեթե միանման են, բոլորը սև վերարկու են հագել և կատելոկ կոշտ գլխարկներ դրել։ Թվում է, թե նրանք անձրևի կաթիլների նման թափվում են երկինքից, կամ հելիումով լի փուչիկների նման բարձրանում վեր, կամ էլ ուղղակի երկնքում անշարժ կանգնած են։ Հետևում երևում են կարմիր կտուրներով շինություններ և հիմնականում անամպ երկինք, ինչն էլ ապացուցում է այն փաստը, որ տղամարդիկ անձրևի նման չեն թափվում։

Մագրիտը հենց այսպիսի արվարձանային միջավայրում էր ապրում և նույն ոճով էր հագնվում։ Կատելոկ գլխարկը նրա նկարների մեծ մասին բնորոշ առարկաներից է։ Այն պատկերված է շատ նկարներում, ինչպես օրինակ`«Մարդու զավակում»։

Մեկնաբանություն

Նկարը կարելի է մի քանի կերպ մեկնաբանել։ Հնարավոր է, որ Մագրիտը ցանկացել է ցույց տալ անհատին ամբոխից բաժանող սահմանը։ Չնայած որ այս մարդիկ նույն կերպ են հագնված և այն տպավորությունն է, թե նույն մարդն է պատկերված, ավելի մանրամասն ուսումնասիրելիս հնարավոր է տարբերակիչ հատկանիշներ գտնել։

Գոլկոնդան Հնդկաստանի Տելիգանա նահանգի ավերված մայրաքաղաքն է։ Այն 14-րդ դարի կեսերից մինչև 17-րդ դարի վերջերը հայտնի էր որպես ադամանդի արդյունաբերության կարևորագույն կենտրոն։ Օքսֆորդի անգլերեն բառարանում «գոլկոնդա» բառը հարստության հանքավայր բացատրությունն ունի։

Կա վարկած, որ նկարի աջ մասում գտնվող ծխնելույզի մոտ պատկերված տղամարդը Մագրիտի սիրելի ընկեր բանաստեղծ Լուի Սկուտեներն է։ Հենց նա էլ առաջարկել է նկարի այդպիսի անվանումը։

Արտաքին հղումներ

• Interview with Charly Herscovici Արխիվացված 2000-08-16 Wayback Machine(անգլ.)
• In Rushdie's new book, Two Years Eight Months and Twenty-Eight Nights: "In the Menil Collection gallery in Houston, Texas, a shrewd curator named Christof Pantikrator suddenly understood for the first time the prophetic nature of Rene Magritte's masterwork, Golconda, ... ." Page 161-162.(անգլ.)