Գյուրբեյ Իլերի

Գյուրբեյ Իլերի թուրքերեն՝ Gürbey İleri
Ծնվել է	փետրվարի 13, 1988(1988-02-13) (36 տարեկան)
Ծննդավայր	Ստամբուլ, Թուրքիա
Կրթություն	Beykent University?
Քաղաքացիություն	Թուրքիա
Մասնագիտություն	դերասան

Գյուրբեյ Իլերի (թուրքերեն՝ Gürbey İleri) (փետրվարի 13, 1988(1988-02-13), Ստամբուլ, Թուրքիա), կինոյի և հեռուստատեսության թուրք դերասան և մոդել։ Առավել հայտնի է դարձել նկարահանվելով Հոյակապ դար հեռուստասերիալում, որտեղ մարմնավորել է Շեհզադե Մեհմեդի դերը։

Կենսագրություն

Գյուրբեյ Իլերին ծնվել է 1988 թվականին Ստամբուլում։ Երիտասարդ տարիքում հաջողությամբ ավարտել է դերասանական վարպետության կուրսերը։ Ավարտել է Բեյքենթի համալսարանը։ Առաջին ճանաչումը ստացել է Քերեմի դերով, որը նա մարմնավորել է «Հետին շարք» հեռուստասերիալում։ 2008 թվականին նկարահանվել է «Կանգ առ» լիամետրաժ ֆիլմում, որտեղ մարմնավորել է Բերքինի դերը։ 2012 թվականին հրավիրվել է նկարահանվելու Շեհզադե Մեհմեդի դերում, որը նա մարմնավորել է Հոյակապ դար հեռուստասերիալում։ Այդ դերի համար նա գիրացել է 8 կիլոգրամով և սկսել է զբաղվել սպորտով։ Գյուրբեյը տված հարցազրույցներից մեկում նշել է, որ շատ հպարտ է, որ նկարահանվելու է Հալիտ Էրգենչի հետ։ Վերջինս մարմնավորել է Սուլեյման I Քանունու դերը։

Անձնական կանք

Հանդիպել է դերասանուհի Էզգի Էյուբօղլուի հետ։ Նրանք ծանոթացել են 2011 թվականին՝ «Իմ սիրտը ընտրել է քեզ» հեռուստասերիալի նկարահանումների ժամանակ։ 2013 թվականին երկու տարվա հարաբերություններից հետո զույգը բաժանվել է։

Ֆիլմագրություն

Տարի		Հայերեն անվանում	Բնօրինակ անվանում	Դեր
2007-2013	ս	Հետին շարք	Arka Sıradakiler	Քերեմ
2008	ֆ	Կանգ առ	Ayakta Kal	Բերքին
2011	ֆ	Իմ սիրտը ընտրել է քեզ	Kalbim Seni Seçti	Քաան
2012-2013	ս	Հոյակապ դար	Muhtesem Yüzyil	Շեհզադե Մեհմեդ
2014-2015	ս	Այն օրը, երբ գրվել է իմ ճակատագիրը	Kaderimin Yazildigi Gun	Քերեմ

Ծանոթագրություններ

Վիքիպահեստն ունի նյութեր, որոնք վերաբերում են «Գյուրբեյ Իլերի» հոդվածին։