Գարուն, ամառ, աշուն, ձմեռ․․․ և նորից գարուն (ֆիլմ)

Վիքիպեդիայից՝ ազատ հանրագիտարանից
Picto infobox cinema.png
Գարուն, ամառ, աշուն, ձմեռ․․․ և նորից գարուն
봄여름가을겨울 그리고 봄
Երկիր Flag of South Korea.svg Հարավային Կորեա
Flag of Germany.svg Գերմանիա
Ժանր դրամա[1][2][3][4]
Թվական 2003
Լեզու կորեերեն
Ռեժիսոր Կիմ Կի Դուկ[5][1][2][4]
Պրոդյուսեր Karl Baumgartner
Սցենարի հեղինակ Կիմ Կի Դուկ
Դերակատարներ Կիմ Կի Դուկ[5][6][3], Seo Jae-kyeong, Պակ Չինա[4], Kim Yeong-min[5][4], Choi Min և Ji Dae-han[4]
Մոնտաժ Կիմ Կի Դուկ
Տևողություն 103 min րոպե
Պաշտոնական կայքէջ

«Գարուն, ամառ, աշուն, ձմեռ․․․ և նորից գարուն» (կոր.՝ 봄여름가을겨울 그리고 봄 Пом, ёрым, каыль, кёуль, кыриго пом), Հարավ Կորեացի ռեժիսոր Կիմ Կի Դուկի գեղարվեստական ֆիլմը։

Բովանդակություն[խմբագրել | խմբագրել կոդը]

Լեռնային խաղաղ վայրում, որտեղ կյանքը ենթարկվում է բնության ռիթմին, լճի մակերեսին գտնվում է պագոդան։ Նրա բնակիչներն են ծեր վանական բժիշկը և նրա երիտասարդ սանը։ Թեև Բարձրագույն Ճշմարտությունից ծերունուն բաժանում է միայն մահկանացու շերտը, սակայն նա ի զորու չէ կանխել սպասվելիք իրադարձությունները, այնպես, ինչպես ոչ ոք չի կարող կանգնեցնել տարվա եղանակների հերթափոխը։ Այդպես անցնում են գարունը, ամառը, աշունը, ձմեռը, և նորից գալիս է գարուն։

Գարուն[խմբագրել | խմբագրել կոդը]

Ուսուցիչը դաստիարակում է տասը տարեկան տղային։ Սովորեցնում է, թե ինչպես պետք է տարբերակել բուժիչ և թունավոր խոտաբույսերը։ Մի անգամ տղան չարաճճիություն է անում և քար կապում ձկան, գորտի և օձի վրա։ Կենդանիներից երկուսը սատկում են։ Վանականը, փորձելով հասկացնել տղային իր արարքի դաժանությունը, նրա մեջքին քար է կապում՝ միաժամանակ ասելով, որ գլխավոր պատիժը լինելու է նրա ներսում։

Ամառ[խմբագրել | խմբագրել կոդը]

Տղան արդեն մեծացել է, դարձել պատանի։ Մի կին ուսուցչի մոտ է բերում իր հիվանդ դստերը։ Վանականն սկսում է բուժումը, իսկ նրա սանը աչքը չի հեռացնում գեղեցիկ հյուրից։ Սկզբում պատանու ուշադրությունը մերժվում է աղջկա կողմից, սակայն ի վերջո նրանց միջև առաջանում է սիրային կապ։ Ծերունին յուրովի է արձագանքում դրան՝ նշելով, որ կատարվել է այն, ինչ պետք է կատարվեր, սակայն աղջկան ուղարկում է տուն։ Պատանին ևս լքում է ուսուցչին։

Աշուն[խմբագրել | խմբագրել կոդը]

Ծերունին ամսագրից տեղեկանում է, որ 30-ամյա մի տղամարդ խանդի հողի վրա սպանել է կնոջը և փախուստի դիմել։ Նա հասկանում է, որ մարդասպանն իր աշակերտն է, ով շուտով վերադառնում է ճգնավորության։ Ուսուցիչը նրան տանջանքների է ենթարկում, մասնավորապես, ստիպում է տախտակամածի վրա փորագրել զայրույթը մեղմող բուդդայական սուտրա։ Այդ ժամանակ հանցագործին ձերբակալելու նպատակով գալիս են ոստիկանները։ Ուսուցիչն ասում է, որ տղամարդը նախ պետք է ավարտի աշխատանքը։ Վերջինս աշխատում է ամբողջ գիշեր և ավարտելով ուժասպառ ընկնում գետնին։ Ուսուցիչը և ոստիկանները սուտրայի բառերը գունավորում են։ Աշակերտին տանելուց հետո ուսուցիչը ինքնահրկիզում է իրականացնում։

Ձմեռ[խմբագրել | խմբագրել կոդը]

Պատիժը կրելուց հետո աշակերտը, ով արդեն հասուն տղամարդ է, վերադառնում է պագոդա։ Նա հայտնաբերում է ֆիզիկական վարժությունների կատարման մասին տետրը և սկսում կատարել։ Նրա մոտ է գալիս դեմքը կապած մի կին՝ բերելով իր երեխային։ Գիշերը կինը հեռանում է և խեղդվում լճում։ Տղամարդը սառույցից քանդակում է Բուդդայի արձանը, իսկ մյուսը, որն իրեն էր մնացել իր ուսուցչից, բարձրացնում է լեռան վրա։

Ճգնավորի դերը կատարել է ռեժիսոր Կիմ Կի Դուկը։

Նորից գարուն[խմբագրել | խմբագրել կոդը]

Կղզում նորից գարուն է։ Վանականն զբաղվում է նոր աշակերտի դաստիարակությամբ։ Նա այնպիսին է, ինչպիսին ինքն էր։ Տղան գնում է այն վայրը, որտեղ մանուկ հասակում խաղում էր վանականը և տանջում կրիային՝ ծիծաղելով այնպես, ինչպես տղան ֆիլմի սկզբում։

Գեղարվեստական առանձնահատկություններ[խմբագրել | խմբագրել կոդը]

Սյուժեի բոլոր մասերն իրականում զարգանում են տարվա այն եղանակին, որը նշված է։

Պարգևներ և Награды и номинации[խմբագրել | խմբագրել կոդը]

  • 2003 - մրցանակ «Հանդիսատեսի համակարանք» Սան Սեբաստիանի կինոփառատոնի ժամանակ
  • 2003 - մրցանակ «European Film Awards»-ում «Միջազգային ֆիլմ» կատեգորիայում
  • 2003 - հինգ մրցանակ Լոկարնոյի կինոփառատոնում
  • 2004 - Գրան պրի Pacific Meridian միջազգային երկրորդ կինափառատոնի ժամանակ լավագույն լիամետրաժ ֆիլմի համար
  • 2006 - «Բոդիլ» մրցանակ լավագույն ոչ ամերիկյան ֆիլմի համար

Երաժշտություն[խմբագրել | խմբագրել կոդը]

Ֆիլմի ավարտին հնչող «Չոնսոն արիրան» երգը կատարում է Կիմ Յոնիմը։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]