Գայթակղության ծով

Վիքիպեդիայից՝ ազատ հանրագիտարանից
Գայթակղության ծով
անգլ.՝ Serenity
Երկիր ԱՄՆ
Ժանրթրիլեր, դրամա և ֆանտաստիկ ֆիլմ
Թվականհունվարի 25, 2019, մարտի 1, 2019, հունվարի 25, 2019 և մայիսի 2, 2019
Լեզուանգլերեն
ՌեժիսորՍթիվեն Նայթ
ՊրոդյուսերԳրեգ Շապիրո
Սցենարի հեղինակՍթիվեն Նայթ
ԴերակատարներՄեթյու Մակքոնահի, Էն Հեթուեյ, Ջեյսոն Քլարք, Դայան Լեյն, Ջիմոն Հոնսու և Ջերեմի Սթրոնգ
ՕպերատորՋես Հոլ
ԵրաժշտությունԲենջամին Ուոլֆիշ
ՄոնտաժԼաուրա Ջենինգս
Պատմվածքի վայրԿարիբյան ավազան
ԿինոընկերությունԳլոբալ ճանապարհային ժամանց
Տևողություն106 րոպե
Բյուջե25 000 000 $
Շահույթ14 454 622 $
Պաշտոնական կայքէջ

«Գայթակղության ծով» (անգլ.՝ Serenity), ամերիկյան թրիլլերը, որի սցենարի հեղինակը, ռեժիսորն ու պրոդյուսերը Սթիվեն Նայթն է[1]։ Ֆիլմում նկարահանվել են Մեթյու Մաքքոնահին, Էնն Հեթեուեյը, Դայան Լեյնը, ինչպես նաև Ջեյսոն Քլարկը և Ջիմոն Հոնսուն։

Սյուժե[խմբագրել | խմբագրել կոդը]

Ֆիլմի իրադարձություններն սկսվում են Պլիմուտ արևադարձային կղզում։ Բեյքեր Դիլլը փոքր նավ ունի և հարուստ հաճախորդներին զվարճացնում է ձկնորսությամբ։ Բեյքերը Իրաքյան պատերազմի վետերան է և կոնտուզիայի պատճառով վատ է հիշում անցյալը։ Մի օր նրա կյանքում հայտնվում է նախկին կինը՝ Կարենը։ Նա խնդրում է իր նոր ամուսնուց՝ Ֆրենկից, որը բռնակալ և հարբեցող է, փրկել իրեն և Բեյքերի հետ իրենց ընդհանուր որդի Պատրիկին։ Բեյքերը պետք է կազմակերպի դժբախտ պատահար ձկնորսության ժամանակ։ Նա սկզբում մերժում է, բայց որոշ ժամանակ անց համաձայնում է։

Պատրիկը փորձառու ծրագրավորող է, որն ամբողջ օրը համակարգչով խաղեր է մշակում։ Ֆիլմի սյուժեն ծավալվում է արևադարձային կղզում, և կենտրոնական կերպարը ստեղծվել է պատերազմի ժամանակ զոհված հոր՝ Ջոն Մեյսոնի (Բեյքեր Դիլլ) հիշողությունների հիման վրա։ Շուտով Բեյքերը սկսում է գիտակցել իրեն որպես համակարգչային խաղի կերպար, և այն ամենը, ինչ տեղի է ունենում շուրջը, այս խաղի արհեստական ինտելեկտի աշխատանքի արդյունքն է։ Ընդ որում, խաղի կանոններով չի կարելի սպանել հերոսներին։ Բեյքերը փոխում է կանոնները, Ֆրենկին տանում է նավի վրա և կարգավորում, որ նա ընկնի տախտակամածիծ։

Գործողությունները վերադառնում են իրական աշխարհ։ Ոստիկանության հաղորդագրության մեջ ասվում է, որ Պատրիկը դանակով հարվածել է խորթ հորը։ Վերջում Պատրիկը մտադիր է ստեղծել նոր խաղ, որում կարող է հանդիպել իր հորը։

Դերասանական կազմ[խմբագրել | խմբագրել կոդը]

Արտադրություն[խմբագրել | խմբագրել կոդը]

2017 թվականի հունվարի վերջին հայտարարվել էր, որ Մեթյու Մաքքոնահին և Էնն Հեթեուեյը բանակցություններ են վարում՝ նկարահանվելու ֆիլմում, որի ռեժիսորը և սցենարի հեղինակը լինելու է Սթիվեն Նայթը։ Հայտնի է դարձել նաև, որ IM Global ընկերության ներկայացուցիչ Գրեգ Շապիրոն և Գայ Հիլին համատեղ ծրագրեր են մշակում և ֆինանսավորում նախագիծը[2]։ 2017 թվականի ապրիլի կեսերին ֆիլմի դերասանական կազմին միացել է Ջեյսոն Քլարկը՝ ստանալով հերոսուհու հարուստ ամուսնու՝ Էնն Հեթեուեյի դերը[3]։ Մայիսին հայտարարվել է, որ հերոսի աղջկան՝ Մեթյու Մաքքոնահիին, կմարմնավորի Ումա Թուրմանը, սակայն դերասանուհին դուրս է մնացել նախագծից գրաֆիկի վերաբերյալ կոնֆլիկտի պատճառով։ Այդ նույն ժամանակ հայտնի է դարձել, որ կինոնկարում դեր է ստացել Ջիմոն Հոնսուն[4]։ 2017 թվականի հուլիսին հայտարարվել է ֆիլմի եզրափակիչ դերասանակազմը, որում ընդգրկված էին Մեթյու Մակքոնահին, Էնն Հեթեուեյը, Դայան Լեյնը (փոխարինել է Թուրմանին), Ջեյսոն Քլարկը, Ջիմոն Հոնսուն և Ջերեմի Սթրոնգը[5][6]։

Ֆիլմի հիմնական նկարահանումները սկսվել են 2017 թվականի հուլիսի վերջին Մավրիկիոս կղզում։

Շուկայավարում[խմբագրել | խմբագրել կոդը]

Ֆիլմի առաջին օրիգինալ թրեյլերը համացանցում հայտնվել է հունիսի սկզբին[7], իսկ տեղայնացված տարբերակը՝ հունիսի վերջին[8]։ Երկրորդ օրիգինալ թրեյլերը հասանելի է դարձել նոյեմբերի վերջին[9], իսկ տեղայնացված տարբերակը՝ 2018 թվականի դեկտեմբերի 5-ին[10]։

Քննադատություն[խմբագրել | խմբագրել կոդը]

Ֆիլմը ցածր գնահատականներ է ստացել քննադատների կողմից։ Rotten Tomatoes կայքում այն ունի 20% դրական ակնարկ 186 վերանայման հիման վրա՝ 10-ից 4 միջին գնահատմամբ[11], իսկ Metacritic-ում՝ 100-ից 37՝ հիմնված 38 ակնարկի վրա[12]։

2020 թվականի փետրվարին հայտարարվել են «Ոսկե ազնվամորի» մրցանակաբաշխության հավակնորդները։ Մեթյու Մաքքոնահին ընդգրկվել է «վատագույն դերասան» անվանակարգում, իսկ Էնն Հեթուեյը՝ «վատագույն դերասանուհի», երկուսն էլ` այս ֆիլմում դերի համար[13]։

Ծանոթագրություններ[խմբագրել | խմբագրել կոդը]

  1. ↑ Simonpillai, Radheyan (2019 թ․ հունվարի 24). «Review: Serenity is a ridiculous neo-noir mess». NOW magazine. Արխիվացված օրիգինալից 2019 թ․ ապրիլի 19-ին.
  2. ↑ Matthew McConaughey & Anne Hathaway To Seek ‘Serenity’ In Steven Knight-Helmed Thriller — EFM
  3. ↑ Jason Clarke in Talks to Join Matthew McConaughey, Anne Hathaway in ‘Serenity’ (EXCLUSIVE)
  4. ↑ Uma Thurman & More Finding ‘Serenity’ With Steven Knight, IM Global — Cannes
  5. ↑ Interstellar Stars McConaughey and Hathaway Reunite in Serenity Photo
  6. ↑ 'Wind River': Elizabeth Olsen, Jeremy Renner Praise Taylor Sheridan in Directorial Debut
  7. ↑ Anne Hathaway, Matthew McConaughey mess with your head in mysterious Serenity trailer
  8. ↑ Дублированный трейлер фильма Море соблазна
  9. ↑ SERENITY :: OFFICIAL TRAILER #2 — In Theaters January 25
  10. ↑ МОРЕ СОБЛАЗНА | Второй трейлер | В кино с 24 января
  11. ↑ «Serenity (2019)» (անգլերեն). Վերցված է 2019 թ․ փետրվարի 23-ին.
  12. ↑ «Serenity» (անգլերեն). Metacritic. Վերցված է 2020 թ․ փետրվարի 9-ին.
  13. ↑ «Названы претенденты на «Золотую малину»». ՌԻԱ Նովոստի. Վերցված է 2020 թ․ փետրվարի 9-ին.

Արտաքին հղումներ[խմբագրել | խմբագրել կոդը]

Թեմատիկ կայքեր
Ստացված է «https://hy.wikipedia.org/w/index.php?title=Գայթակղության_ծով&oldid=9612973» էջից