Բրյուգգեն (Բերգեն)

Վիքիպեդիայից՝ ազատ հանրագիտարանից
Jump to navigation Jump to search
WorldHeritageBlanc.svg
Բրյուգգեն
Bryggen (no)*
ՅՈՒՆԵՍԿՕ-ի համաշխարհային ժառանգություն

Bryggen, Bergen3.JPG
Երկիր Նորվեգիա Նորվեգիա
Տիպ մշակութային
Չափանիշներ III
Ցանկ ՅՈՒՆԵՍԿՕ֊ի ցանկ
Աշխարհամաս** Եվրոպա
Ընդգրկման պատմություն
Ընդգրկում 1979  (3-րդ նստաշրջան)
Համար 59
##Բրյուգգեն (Բերգեն) (Նորվեգիա)
Locator Dot2.gif
* Անվանումը պաշտոնական անգլերեն ցանկում
** Երկրամասը ըստ ՅՈՒՆԵՍԿՕ-ի դասակարգման
Համաշխարհային UNESCO logo.svg ժառանգություն

Բրյուգգեն (նորվ.՝ Bryggen i Bergen), հայտնի է նաև որպես Tyskebryggen, իրենից ներկայացնում է առևտրական շենքերի համալիր, որոնք գտնվում են Բերգենի կենտրոնում, առափնյա հատվածում։ 1979 թվականին Բրյուգգենը ընդգրկվել է ՅՈՒՆԵՍԿՕ֊ի համաշխարհային ժառանգության ցանկում[1]։

Անվանում[խմբագրել | խմբագրել կոդը]

Բրյուգգեն անվանումն առաջացել է նորվեգերեն «brygge» ― «նավամատույց, նավահանգիստ» բառից․ «Tyskebryggen»-ը թարգմանվում է որպես «գերմանական նավահանգիստ»։

Պատմություն[խմբագրել | խմբագրել կոդը]

Բերգեն քաղաքը հիմնադրվել է 1070 թվականին[2]։ 1360 թվականին Բերգենում ստեղծվեց Գանզայական միության ներկայացչություն (գրասենյակ) և քաղաքը դարձավ առևտրական կարևոր կենտրոն։ Վարչական շենքերում տեղավորվում էին Եվրոպայի շատ երկրների, հատկապես Գերմանիայի կլերկները։ Պահեստները լցվում էին ապրանքներով, մասնավորապես, Հյուսիսային Նորվեգիայի ձկով, ինչպես նաև Եվրոպայի հացահատիկով։

Իր ողջ պատմություն ընթացքում Բերգենը ենթարկվել է բազմաթիվ հրդեհների, որովհետև, ավանդաբար, տների մեծամասնությունը կառուցված էր փայտից։ Ներկայումս Բրյուգգենի շենքերի մեկ քառորդը կառուցվել է մինչ 1702 թվականը, իսկ ավելի հին պահեստներն ու վարչական շենքերն հրդեհվել են։ Բրյուգգենի մնացած մասը հիմնականում բաղկացած է ավելի երիտասարդ կառույցներից, չնայած կան քարե նկուղներ, որոնք թվագրվում են 15-րդ դարին։

Բրյուգգենի թանգարան[խմբագրել | խմբագրել կոդը]

Կառույցների որոշ մասը ոչնչացվել է 1955 թվականի հրդերի արդյունքում։ Հետագայում այդ տարածքը օգտագործվել է Բրյուգգենի թանգարանի կառուցման համար, որը բաղկացած է հնագիտական հուշարձանների համալիրից, ինչպես նաև որոշ հին փայտե տներից։

Բրյուգգենի թանգարանում պահվում են 1955 թվականին գտնված փայտի և ոսկորի վրա փորագրված ռունական մակագրությունները (մոտ 670 իր), որոնք ստացել են բրյուգգյան գրություններ անվանումը[3]։

Ներկա վիճակ[խմբագրել | խմբագրել կոդը]

Այսօր Բրյուգգենի շենքերում տեղակայված են բազմաթիվ զբոսաշրջային և հուշանվերների խանութներ, ինչպես նաև ռեստորաններ, սրճարաններ և թանգարաններ։ 1955 թվականի հրդեհից հետո պահպանված շատ կառույցներ այժմ օգտագործվում են որպես նկարչական ստուդիաներ։


Բրյուգգենի համայնապատկեր
Բրյուգգենի համայնապատկեր

Ծանոթագրություններ[խմբագրել | խմբագրել կոդը]

  1. «Bryggen - UNESCO World Heritage Centre»։ whc.unesco.org (անգլերեն)։ Վերցված է 2015-11-28 
  2. Bergen – historie
  3. Aslak Liestol, 'The Runes of Bergen: Voices from the Middle Ages', Minnesota History, 40. 2 (1966), 49-58.
Welterbe.svgՀամաշխարհային ժառանգությունը ՆորվեգիայումFlag of Norway.svg

Բրյուգգենի նավաշինարան  • Ուրնեսի ստավկիրկա  • Հանքափորային Ռյորուս քաղաք  • Ալտայի ժայռային պատկերներ  • Վեգայի արշիպելագ  • Դուգա Ստրուվե  • Գեյրանգեր և Ներյոյ ֆյորդեր