Բուսականությամբ ծածկված լճակը (նկար)

Վիքիպեդիայից՝ ազատ հանրագիտարանից
Jump to navigation Jump to search
Picto infobox artiste.png
Բուսականությամբ ծածկված լճակը
Wassilij Dimitriewitsch Polenow 004.jpg
տեսակ գեղանկար
նկարիչ Վասիլի Պոլենով
տարի 1879
բարձրություն 80 սանտիմետր
լայնություն 124,7 սանտիմետր
գտնվում է Տրետյակովյան պատկերասրահ
հավաքածու Տրետյակովյան պատկերասրահ

«Բուսականությամբ ծածկված լճակը» (ռուս.՝ Заросший пруд), ռուս նկարիչ, Պետերբուրգի Գեղարվեստի ակադեմիայի իսկական անդամ, ՌԽՖՍՀ ժողովրդական նկարիչ Վասիլի Պոլենովի նկարը: Կտավը հեղինակը վրձնել է 1879 թվականին: Յուղաներկով կտավի չափերն են՝ 80 × 124,7 սմ[1] կամ, այլ աղբյուրների համաձայն՝ 77 × 121,8[2][3]: «Բուսականությամբ ծածկված լճակը» ստեղծագործությունն այսօր պահպանվում և ցուցադրվում է Տրետյակովյան պատկերասրահում (Մոսկվա, Ռուսաստանի Դաշնություն):

Պատմություն[խմբագրել | խմբագրել կոդը]

«Բուսականությամբ ծածկված լճակը» ստեղծագործությունն առաջին անգամ հանրության համար ցուցադրության է ներկայացվել 1879 թվականին Գեղարվեստական շրջիկ ցուցահանդեսների ընկերության 7-րդ ցուցահանդեսին[4]: Այս կտավի հետ ցուցադրվել է նաև «Տատիկի այգի ստեղծագործությունըն»:

Նկարում պատկերված տեսարանը վրձնելու համար հեղինակը հիմնվել է մի շարք էտյուդների վրա, որոնք նկարել է 1877 թվականին, երբ ամառն անցկացնում էր Կիևից ոչ հեռու գտնվող Պետրուշկի գյուղում[5]:

Նկարագիր[խմբագրել | խմբագրել կոդը]

Վասիլի Պոլենովը իր այս կտավում նկարել է փոքրիկ կամրջակ և լճակի մի հատված: Դիմացի պլանում հեղինակը վրձնել է լճակի ափը՝ կանաչ խոտերով ու երիցուկներով պատված: Հետին պլանում գտնվում է մութ անտառը: Ամենամութ վայրում, անտառի մեջ, ստվերում դրված է մի նստարան: Նստարանին մի կին է նստած: Նկարի մեծ մասը, այդ թվում և լճակի մակերևույթը պատված է բուսականությամբ: Հիմնականում կանաչի տարբեր գուներանգներով է աշխատել Վասիլի Պոլենովը: «Բուսականությամբ ծածկված լճակը» նկարի վերին ձախ անկյունում երևում է եկնագույն երիկինքը՝ ամպերով ծածկված[6]:

Մեկնաբանություններ[խմբագրել | խմբագրել կոդը]

Պոլենովի արվեստի հետազոտող Թամարա Յուրովան նկարի մասին արտահայտվել է հետևյալ կերպ[7][8].

Aquote1.png Նկարում երևում է Պոլենով-կոլորիստի բարձր վարպետությունը: Նկարը գրեթե ամբողջությամբ կառուցված է կանաչ գույնի աստիճանավորումով: Կանաչի նուրբ գուներանգները ստեղծում են բացառիկ գեղեցկություն ու հարուստ երանգավորում:
- Թամարա Յուրովա
Aquote2.png


Ծանոթագրություններ[խմբագրել | խմբագրել կոդը]

  1. Государственная Третьяковская галерея — каталог собрания / Я. В. Брук, Л. И. Иовлева. — Москва: Красная площадь, 2006. — Т. 4: Живопись второй половины XIX века, книга 2, Н—Я. — С. 102—103. — 560 с. — ISBN 5-900743-22-5
  2. «Василий Дмитриевич Поленов — Заросший пруд (1879)» (HTML)։ rodon.org։ Արխիվացված օրիգինալից-ից 2012-10-03-ին։ Վերցված է 18.08.2012 
  3. «Поленов Василий Дмитриевич — Заросший пруд, 1879» (HTML)։ www.art-catalog.ru։ Վերցված է 18.08.2012 
  4. «Василий Дмитриевич Поленов — Заросший пруд (1879), Государственная Третьяковская галерея, Москва» (HTML)։ www.artprojekt.ru։ Արխիվացված օրիգինալից-ից 2012-10-03-ին։ Վերցված է 18.08.2012 
  5. «Заросший пруд (1879)» (HTML)։ www.polenov.su։ Արխիվացված օրիգինալից-ից 2012-10-03-ին։ Վերցված է 18.08.2012 
  6. «Василий Поленов — Галерея картин и рисунков художника — Заросший пруд» (HTML)։ Сайт о Василии Дмитриевиче Поленове — vasily-polenov.ru։ Արխիվացված օրիգինալից-ից 2012-10-03-ին։ Վերցված է 19.08.2012 
  7. М. И. Копшицер։ «Поленов (глава третья)» (HTML)։ www.tphv-history.ru։ Արխիվացված օրիգինալից-ից 2012-10-03-ին։ Վերցված է 19.08.2012 
  8. Т. В. Юрова Василий Дмитриевич Поленов. — Москва: Искусство, 1961. — 166 с.