Բուռն ամառային գիշերներ (ֆիլմ)

Վիքիպեդիայից՝ ազատ հանրագիտարանից
Jump to navigation Jump to search
Picto infobox cinema.png
Բուռն ամառային գիշերներ
անգլ.՝ Hot Summer Nights
Բուռն ամառային գիշերներ (ֆիլմ).jpg
ԵրկիրFlag of the United States.svg ԱՄՆ
Ժանրդրամա և ռոմանտիկ ֆիլմ
Թվականհուլիսի 27, 2018
Լեզուանգլերեն
ՌեժիսորElijah Bynum?
ՊրոդյուսերDan Friedkin?
ԴերակատարներՄայկա Մոնրո, Տիմոտի Շալամե[1], Alex Roe?[1], Ուիլյամ Ֆիչտներ[1], Թոմաս Ջեյն[1], Մայա Միտչել[1], Էմորի Կոեն և Ջեք Քեսի
ՕպերատորJavier Julia?
ԵրաժշտությունWill Bates?
ՄոնտաժԴեն Զիմերման և Tom Costantino?
Պատմվածքի վայրՄասաչուսեթս
Տևողություն120 րոպե
Պաշտոնական կայքէջ

«Բուռն ամառային գիշերներ» (անգլ.՝ Hot Summer Nights), ամերիկյան դրամատիկ ֆիլմ՝ թողարկված 2017 թվականին։ Ֆիլմի պրեմիերիան տեղի է ունեցել 2017 թվականի մարտի 13-ին SXSW փառատոնի ժամանակ։ Ֆիլմը սահմանափակ վարձույթի է հանվել 2018 թվականի հուլիսի 27-ին։

Սյուժե[խմբագրել | խմբագրել կոդը]

1991 թվական։ 13-ամյա դեռահաս Դենիել Միդդլթոնի հայրը մահանում է։ Տղան ծանր է տանում հոր կորուստը և սկսում է փակվել ինքն իր մեջ։ Ժամանակի մեծ մասը Դենիելն անցկացնում էր տանը՝ զբաղվելով մեդիտացիայով։ Մայրը, տեսնելով նրա ապրումները, որոշում է ամռանը Դենիելին ուղարկել մորաքրոջ մոտ։ Մորաքույրը ապրում էր ոչ այնքան մեծ առողջարանային քաղաքում, որը գտնվում էր Քեյփ-Քոդ թերակղզում։ Այդտեղ Դենիելը գումար է վաստակում՝ աշխատելով որպես խանութի վաճառող։

Մի անգամ նրա մոտ է գալիս Հանթեր Ստրոուբերին, որը տեղական խուլիգան էր։ Նա խնդրում է Դենիելին թաքցնել մարիխուանան իրեն հետապնդող ոստիկաններից։ Այս դեպքից հետո տղաները դառնում են ընկերներ։ Հանթերը գումար էր վաստակում «խոտեր» վաճառելով։ Դենիելը խնդրում է իրեն նույնպես վերցնել այդ բիզնեսում աշխատելու համար։ Նա հեշտությամբ է ընտելանում այդ գործին և անգամ սկսում է ծրագրեր մշակել ավելի շատ փող աշխատելու համար։ Այդ ժամանակ մի ավազակ է հայտնվում Դեքս անունով, որը խոստանում է նրանց մատակարարել ապրանքներ այնքան քանակությամբ, որքանը կարող էին փողի վերածել։ Նրանց գործը էլ ավելի է առաջ գնում, և ընկերները հարստանում են։

Բացօթյա կինոթատրոնում Դենիելը պատահաբար ծանոթանում է տեղի ամենացանկալի աղջկա՝ Մաքքեյլայի հետ։ Այդ ծանոթության մասին նա պատմում է Հանթերին, որը բացատրում է Դենիելին, որ Մաքքեյլան իր քույրն է և որ նա թույլ չի տա մոտենալ նրան։ Բացի այդ՝ Դենիելը իմանում է, որ Հանթերը և քույրը կռված են մոր մահվան պատճառով, և նրանք վաղուց չեն խոսում իրար հետ։ Ամեն դեպքում Դենիելը սկսում է հանդիպել Մաքքեյլայի հետ, որն իր հերթին խնդրում էր հեռու մնալ իր եղբորից, որն զբաղվում էր թմրանյութերի գործով։

Դենիելը հանդես է գալիս նոր գաղափարներով ընդլայնելու իր և Հանթերի բիզնեսը։ Նա առաջարկում է վաճառել կոկաին արդեն իմանալով, թե որտեղից կարելի էր ձեռք բերել։ Հանթերը կտրականապես դեմ է լինում դրան, բացի այդ դա դուր չէր գա նրանց գլխավորին՝ Դեքսին։ Այս պարագայում Դենիելը որոշում է գործել միայնակ։ Նա գործարքի է գնում կոկաինի որոշակի խմբաքանակ գնելու համար, բայց այնտեղ նրան խաբում են։ «Փոշի» նա չի ստանում, իսկ փողերը իրենից վերցնում են։ Դեքսին պարզ է դառնում, որ իր մարդիկ, որոնք մարիխուանա էին վաճառում, արդեն ցանկանում էին կոկաինի գործով զբաղվել։ Նա մեկնում է քաղաք, որպեսզի պատժի նրանց։ Դեքսը Հանթերին գտնում է և սպանում։ Դենիելը այդ ժամանակ փորձում էր Մաքքեյլային գտնել։

Ֆիլմի ամբողջ պատմությունը պատմվում է մի երեխայի անունից, որը հայտնվում է միայն ֆիլմի վերջում։

Դերերում[խմբագրել | խմբագրել կոդը]

  • Տիմոտի Շալամե՝ Դենիել «Դեննի» Միդդլթոն
  • Մայկա Մոնրո՝ Մաքքեյլա «Քեյ» Ստրոուբերի
  • Թոմաս Ջեյն՝ սերժանտ Ֆրենկ Ստրոուբերի
  • Ալեքս Ռոու՝ Հանթեր Ստրոուբերի
  • Մայա Միտչել՝ Էմի Քելհուն
  • Էմորի Քոեն՝ Դեքս
  • Ուիլյամ Ֆիչտներ՝ Շեպ
  • Ջեք Քեսի՝ Պոնիտեյլ

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 ČSFD (չեխերեն) — 2001.

Արտաքին հղումներ[խմբագրել | խմբագրել կոդը]