Բոինգ 707-ի ավիավթար Քերեջում

Վիքիպեդիայից՝ ազատ հանրագիտարանից
Jump to navigation Jump to search
Բոինգ 707-ի ավիավթար Քերեջում
2019 Saha Airlines Boeing 707 crash 03.jpg
Ընդհանուր տեղեկություններ
Տեսակինքնաթիռի խորտակում
Թվականհունվարի 14, 2019
ՎայրՔերեջ, , Flag of Iran.svg Իրան
Թռիչքի վայրՄանաս միջազգային օդանավակայան և Բիշքեկ
Զոհվածներ15
Վիրավորներ1
Օդանավ
Կենդանի մնացած1
Կոորդինատներ: 35°43′15.000000098791″ հս․ լ. 50°55′37.000000098389″ ավ. ե. / 35.72083333336077260° հս․. լ. 50.92694444447177204° ավ. ե. / 35.72083333336077260; 50.92694444447177204
2019 Saha Airlines Boeing 707 crash Վիքիպահեստում

Boeing 707-ի ավիավթար Քերեջում, դեպի Իրանի Քերեջ քաղաքում գտնվող «Պայամ» միջազգային օդանավակայան ուղևորվող օդանավի ավիավթար՝ 2019 թվականի հունվարի 14-ին: Ինքնաթիռում գտնվող 16 ուղևերներից 15-ը ավիավթարի ժամանակ զոհվեց[1][2]:

Չվերթ[խմբագրել | խմբագրել կոդը]

Ինքնաթիռն իրականացնում էր միջազգային բեռնափոխադրման չվերթ, որը Բիշքեկի միջազգային «Մանաս» օդանավակայանից միս էր տեղափոխում Քերեջի[3] «Պայամ» միջազգային օդանավակայան: Իրանական կողմը հայտարարում է, որ օդանավը պատկանում է Ղրղզստանում գրանցված ավիաընկերություններից մեկին: Բիշքեկի «Մանաս» միջազգային օդանավակայանի ղեկավարությունը, սակայն, հերքել է այս տեղեկությունները` պնդելով, որ կործանված Boeing-ը գտնվել է իրանական «Payam Air» ավիաընկերության հաշվեկշռում:

Ինքնաթիռը վթարային վայրէջք կատարեց տեղական ժամանակով առավոտյան 8:30, «Ալ-Ֆաթհ» ավիաբազայում, ընդ որում՝ որոշ աղբյուրներ հավաստիացնում են, որ ինքնաթիռն այնտեղ սխալմամբ[3] է վայրէջք կատարել: Boeing 707-ի համար պահանջվում է 2500 մ երկարությամբ թռիչքուղի, իսկ «Ալ-Ֆաթհ»-ում այդ գիծը կազմում է 1300 մետր: Նաև հաղորդվում էր անբարենպաստ եղանակային պայմանների մասին:

Ինքնաթիռը դուրս է եկել թռիչքուղու սահմաններից, մխրճվել է պատի մեջ և կանգ է առել տան[3] հետ բախումից: Վթարի պահին տունը դատարկ է եղել, ինքնաթիռի ներսում գտնվողներից զատ՝ ոչ ոք չի տուժել[4]:

Զոհեր[խմբագրել | խմբագրել կոդը]

Ինքնաթիռում գտնվող տասնվեց մարդուց տասնհինգը զոհվել է[5]:Փրկվել է միայն ինքնաթիռի բորտինժեները[6], ով ինքնուրույն կարողացել է դուրս գալ վթարված ինքնաթիռից, իսկ հիվանդանոց է տեղափոխվել ծայրահեղ ծանր վիճակում[7][8]:

Հետաքննություն[խմբագրել | խմբագրել կոդը]

Փրկարարները հայտնաբերել են ինքնաթիռի սև արկղը և այն հանձնել են մասնագետներին՝ վերծանման համար[3]:

Միջազգային արձագանք[խմբագրել | խմբագրել կոդը]

2019 թվականի հունվարի 15-ին ՀՀ վարչապետ Նիկոլ Փաշինյանը ցավակցական հեռագիր է հղել Իրանի նախագահ Հասան Ռոհանիին՝ այդ երկրի Ալբորզ նահանգում ինքնաթիռի կործանման կապակցությամբ, որը մարդկային զոհերի պատճառ է դարձել: Վարչապետի պաշտոնական կայքէջի հաղորդմամբ՝ Փաշինյանը ցավակցություն ու զորակցություն է հայտնել Իրանի նախագահին և բարեկամ ժողովրդին՝ զոհվածների հարազատներին ու մերձավորներին մաղթելով համբերություն, ուժ և կորով, իսկ վիրավորներին՝ շուտափույթ ապաքինում[9][10]: Իրանի նախագահ Հասան Ռոհանիին ցավակցական հեռագիր է հղել նաև ՀՀ նախագահ Արմեն Սարգսյանը[11]: Ավիավթարի արդյունքում իրանցի ժողովրդին և Իրանի նախագահին ցավակցական հետագիր է հղել նաև Ղրղզստանի նախագահ Սոորոնբայ Ժեենբեկովը[12]:

Ծանոթագրություններ[խմբագրել | խմբագրել կոդը]

  1. Թեհրանի մերձակայքում Boeing 707 օդանավ է կործանվել
  2. Boeing-707 потерпел крушение под Тегераном
  3. 3,0 3,1 3,2 3,3 «СМИ: спасатели извлекли девять тел погибших из-под обломков упавшего в Иране самолета»։ 2019-01-14։ Վերցված է 2019-01-16 
  4. «Боинг-707» разбился в Иране
  5. [https://www.belta.by/world/view/v-irane-izvlekli-tela-pogibshih-v-rezultate-aviakatastrofy-boeing-707-332579-2019/ В Иране извлекли тела погибших в результате авиакатастрофы Boeing 707 Читать полностью: https://www.belta.by/world/view/v-irane-izvlekli-tela-pogibshih-v-rezultate-aviakatastrofy-boeing-707-332579-2019/ При любом использовании материалов активная гиперссылка на belta.by обязательна]
  6. [https://gordonua.com/news/worldnews/pri-krushenii-boeing-707-v-irane-vyzhil-odin-chlen-ekipazha-659297.html При крушении Boeing 707 в Иране выжил один член экипажа Больше читайте тут: https://gordonua.com/news/worldnews/pri-krushenii-boeing-707-v-irane-vyzhil-odin-chlen-ekipazha-659297.html]
  7. «СМИ: бортинженер упавшего в Иране самолета выжил»։ 2019-01-14։ Վերցված է 2019-01-16 
  8. Авиакатастрофа в Иране: обнаружен один выживший
  9. Փաշինյանը ցավակցել է Ռոհանիին ավիավթարի կապակցությամբ
  10. Նիկոլ Փաշինյանը ցավակցական հեռագիր է հղել Իրանի նախագահ Հասան Ռոհանիին
  11. Արմեն Սարգսյանը ցավակցական հեռագիր է հղել Իրանի նախագահ Հասան Ռոհանիին
  12. Сооронбай Жээнбеков выразил соболезнования президенту Ирана в связи с авиакатастрофой

Արտաքին հղումներ[խմբագրել | խմբագրել կոդը]