Բոբի խորտկարանը (անգլ.՝ Bob’s Burgers), ամերիկյան հեռուստատեսային անիմացիոն սիթքոմ, ստեղծել է Լորեն Բոչարդը FOX հեռուստաընկերության համար։ Այս շոուն պատմում է մի մարդու մասին, ով պատրաստում է համբուրգերներ։ Չնայած հաճախակի հանդիպող անհաջողություններին՝ Բոբն ու նրա ընտանիքը հավատում են, որ հաջողությունն անխուսափելի է։
Շոուն պատմում է մի ընտանիքի մասին, ովքեր աշխատում են համբուրգեր-ռեստորանում։ Իրենց կյանքի ընթացքում նրանք հաճախակի հայտնվում են հետաքրքիր իրավիճակներում։
Ռոբերտ (Բոբ) Բելչեր- Լինդայի ամուսինը և Թինայի, Ջինի, Լուիզի հայրը։ Նա ունի ռեստորան, որտեղ պատրաստում են համբուրգերներ։
Լինդա Բելչեր - Բոբի կինը և Թինայի, Ջինայի, Լուիզի մայրը։ Նա հագնում է կարմիր շապիկ և կապույտ ջինս։
Թինա Բելչեր - Բելչերների ավագ երեխան է։ Նա շատ անշնորհք է, դրա համար էլ Լուիզան համարում է, թե նա տառապում է աուտիզմ հիվանդությամբ։ Նա կրում է ակնոց, կապույտ շապիկ, մուգ կապույտ կիսաշրջազգեստ[4]։
Ջին Բելչեր - ընտանիքի միակ որդին է։ Նա սիրում է նվագել դաշնամուր։ Նա հագնում է դեղին շապիկ և կապույտ կիսատաբատ։
Լուիզա Բելչեր - Բելչերների կրտսեր երեխան է։ Նա ունի հումորի արտասովոր զգացում։ Նա հագնում է կանաչ զգեստ և վարդագույն գլխարկ՝ նապաստակի ականջներով։