Բելյաևի փողոց (Դոնի Ռոստով)
| Բելյաևի փողոց ռուս.՝ Улица Беляева | |
|---|---|
| Երկիր |  Ռուսաստան |
| Գտնվում է | Դոնի Ռոստով |
| Երկարություն | 380 ± 1 մետր |
| Սկիզբ | Օրբիտալնայա |
| Ավարտ | Հայկական փողոց |
| Անվանվել է | Պավել Բելյաև |
| Փոստային ինդեքս | 344114 |
| OpenStreetMap-ում | |
| Յանդեքս Քարտեզներում | |
| Գուգլ Քարտեզներում | |
Բելյաևի փողոց (ռուս.՝ Улица Беляева), փողոց Ռուսաստանի Դաշնության Դոնի Ռոստով քաղաքի Վորոշիլովյան շրջանում։ Գտնվում է հյուսիսային բնակելի թաղամասում` Օրբիտալնայա փողոցի և Հայկական փողոցի միջև։
Անվանում[խմբագրել | խմբագրել կոդը]
Փողոցը կոչվել է ի պատիվ խորհրդային տիեզերագնաց, Խորհրդային Միության հերոս Պավել Իվանովիչ Բելյաևի[1]։ Հայրենական մեծ պատերազմի մասնակից, գնդապետ Պավել Իվանովիչ Բելյաևը տիեզերք է թռել 1965 թվականի մարտի 18-19-ին «Վոսխոդ-2» տիեզերանավով։ Եղել է տիեզերանավի հրամանատար։ Մահացել է 44 տարեկանում` 1970 թվականի հունվարի 10-ին որովայնամզի բորբոքումից։ Նրա անունով Ռուսաստանի Դաշնության տարբեր քաղաքներում (Վլադիվոստոկ, Վոլոգդա, Չերեպովեց, Պերմ, Կամենսկ-Ուրալսկի և այլն) անվանված են փողոցներ[2]։
Աշխարհագրություն[խմբագրել | խմբագրել կոդը]
Սկսվում է Օրբիտալնայա փողոցից (լինելով Օբսերվատորնայա փողոցի շարունակություն) և ավարտվում Հայկական փողոցի հետ հատվելով։ Փողոցի երկարությունը 380 մետր է։ Հատող փողոցներ չունի։ 2009 թվականին թիվ 114 փոստային բաժանմունքի մոտակայքում, փողոցի վրայով կառուցվել է վերգետնյա հետիոտնային անցումային կամուրջ[3]։
Կառուցապատում[խմբագրել | խմբագրել կոդը]
Փողոցում գտնվում են բնակելի թաղամասերի տիպային ճարտարապետությանը բնորոշ շենքեր։
Տրանսպորտ[խմբագրել | խմբագրել կոդը]
Ամբողջ երկայնքով փողոցն ունի երկկողմանի երթևեկություն` յուրաքանչյուր ուղղությամբ երկու գոտի։ Հասարակական տրանսպորտից փողոցում երթևեկում է թիվ 38 երթուղային տաքսին։
Ուշագրավ շենքեր և կառույցներ[խմբագրել | խմբագրել կոդը]
- Շենք 22, Դոնի Ռոստովի թիվ 114 փոստային բաժանմունք[4]
Ծանոթագրություններ[խմբագրել | խմբագրել կոդը]
- ↑ «Улицы Ростова». Արխիվացված է օրիգինալից 2014 թ․ սեպտեմբերի 24-ին. Վերցված է 2017 թ․ մարտի 31-ին.
- ↑ «Беляев, Павел Иванович. Сайт «Герои страны»». Վերցված է 2017 Ապրիլ 1-ին.
- ↑ Для борьбы с дорожными пробками власти Ростова планирует построить тоннель и два моста(չաշխատող հղում)
- ↑ Отделение почтовой связи Ростов-на-Дону 114