Որովայնամզի բորբոքում

Որովայնամզի բորբոքում
Տեսակ	հիվանդության կարգ և ախտանիշ կամ նշան
Հիվանդության ախտանշաններ	փսխում, abdominal tenderness? և սրտխառնոց
Բժշկական մասնագիտություն	աղեստամոքսաբանություն
ՀՄԴ-10	K65
	Peritonitis Վիքիպահեստում

Որովայնամզի բորբոքում, պերիտոնիտ, զարգանում է որովայնի որևէ օրգանի հիվանդության, վնասվածքի և վիրաբուժական միջամտության բարդության, երբեմն՝ ախտաբանական առաջնային օջախից վարակի տարածման հետևանքով։ Պատճառներն են՝ որդանման ելունի սուր բորբոքումը, ստամոքսի և 12-մատնյա աղիքի խոցի ծակվելը, աղիքների անանցանելիությունը, վնասվածքների ու վիրավորումների ժամանակ որովայնամզի ամբողջականության խախտումը և այլն։ Հարուցիչներն են կոկերը և աղիքային ցուպիկը։ Ըստ պրոցեսի տարածվածության որովայնազմի բորբոքումը լինում է սահմանափակ և տարածուն, ըստ ընթացքի՝ սուր և քրոնիկական, ըստ արտաքիրտի բնույթի՝ շճային, թարախային, ֆիբրինային, նեխական։

Սուր տարածուն որովայնիզմի բորբոքումը բնորոշվում է արագ զարգացող ծանր ընթացքով, հաճախ պատճառ դառնում մահացության։

Սուր սահմանափակ որովայնազմի բորբոքման դեպքում առաջանում են որովայնամզի կպումներ։ Բորբոքային օջախի շրջանում լինում են ցավեր, տեղային փքվածություն և որովայնի մկանների լարում։

Որովայնամզի սուր թարախային բորբոքման վաղ շրջանում լինում են որովայնի ցավեր, հիվանդը գրգռված է, որովայնի մկանները՝ լարված, ընդբախումը՝ ցավոտ և այլն։ Բորբոքային պրոցեսի զարգացման հետ հիվանդի դիմագծերը սրվում են, աչքերը փոս ընկնում (այսպես կոչված, Հիպոկրատի դեմք), պուլսը հաճախանում է, մաշկը դառնում է խոնավ, լեզուն՝ չոր, փառակալած, ջերմությունը բարձրանում է։ Անուշադրության մատնելիս կլինիկական ընթացքը չափազանց ծանրանում է, առաջանում է օրգանիզմի ընդհանուր թունավորում և սուր որովայն։

Քրոնիկական որովայնիզմի բորբոքումը (սովորաբար տուբերկուլոզի ժամանակ) լինում է հազվադեպ և ընթանում է որովայնի խոռոչում արտաքիրտի կուտակումով կամ զանգվածային կպումների առաջացմամբ։

Բուժումը

Սուր տարածուն որովայնիզմի բորբոքման դեպքում՝ վիրահատություն, իսկ սահմանափակի և քրոնիկականի ժամանակ՝ հիմնական պատճառի վերացում, որովայնիզմի բորբոքման պատճառ հանդիսացող հիվանդությունների ժամանակին ախտորոշում և բուժում։

Ծանոթագրություններ

↑ ^1,0 ^1,1 ^1,2 Disease Ontology — 2016.

Վիքիպահեստն ունի նյութեր, որոնք վերաբերում են «Որովայնամզի բորբոքում» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 8, էջ 649)։

Սա Բժշկության մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։

[_c153b4e5cb3dbd30-1] 1,0 ^1,1 ^1,2 Disease Ontology — 2016.

[1]