Jump to content

Բեթմեն։ Կարմիր գլխարկի տակ

Վիքիպեդիայից՝ ազատ հանրագիտարանից
 Այս հոդվածը կարող է վիքիֆիկացման կարիք ունենալ Վիքիպեդիայի որակի չափանիշներին համապատասխանելու համար։
Դուք կարող եք օգնել հոդվածի բարելավմանը՝ ավելացնելով համապատասխան ներքին հղումներ և շտկելով բաժինների դասավորությունը, ինչպես նաև վիքիչափանիշներին համապատասխան այլ գործողություններ կատարելով։
Բեթմեն։ Կարմիր գլխարկի տակ
անգլ.՝ Batman: Under the Red Hood
Տեսակմուլտֆիլմ
Ժանրֆիլմ սուպերհերոսների մասին, մարտաֆիլմ, քրեական ֆիլմ, դրամա և միստիկ ֆիլմ
Թեմավրեժ և վերակենդանացում
Գործողության վայրՍարաևո և Գոթեմ Սիթի
Հիմնված էBatman: Under the Hood?[1], A Death in the Family?[1] և Բեթմեն
Շարքի մասն էDC Universe Animated Original Movies? և Batman in film?
ՌեժիսորBrandon Vietti?[2]
ՍցենարիստJudd Winick?
ՀնչյունավորումՋենսեն Էքլս, Ջոն Դի Մագիո, Նիլ Պատրիկ Հարիս, Ջեյսոն Այզեքս, Ուեյդ Ուիլյամս, Բրյուս Թիմ, Վինսենթ Մարտելա, Գերի Քոուլ, Քելլի Հու, Ֆիլ Լամար, Քևին Մայքլ Ռիչարդսոն, Բրյուս Գրինվուդ և Ջիմ Փիդոք
ՊրոդյուսերԲրյուս Թիմ, Ալան Բրնեթ, Սեմ Ռեջիստթեր, Բենջամին Մելնիկեր և Մայքլ Ուսլան
ԵրաժշտությունՔրիստոֆեր Դրեյք
Երկիր ԱՄՆ
Լեզուանգլերեն
ԸնկերությունWarner Home Video, Warner Premiere, DC Comics և Warner Bros. Animation
ԴիստրիբյուտորWarner Home Video և Նեթֆլիքս
Տևողություն75 րոպե
ՇարքDC Universe Animated Original Movies? և Batman in film?
Թվական2010 և հուլիսի 27, 2010[3]
dc.com/movies/batman-under-the-red-hood-2010​(անգլ.)

Բեթմեն։ Կարմիր գլխարկի տակ (անգլ.՝ Batman: Under the Red Hood), ամերիկյան սուպերհերոսական մուլտֆիլմ, որը արտադրվել է Warner Bros. Animation-ի, իսկ թողարկվել է Warner Home Video-ի կողմից[4] և DC-ի անիմացված ֆիլմերի ութերորդ ֆիլմն է։ Այն թողարկվել է 2010 թվականի հուլիսի 27-ին[5][6]։ Մուլտֆիլմի հնչյունավորողներն են՝ Բրյուս Գրինվուդը՝ Բեթմենի Բրյուս Ուեյնի, Ջենսեն Էքլսը՝ Կարմիր գլխարկի Ջեյսոն Թոդի, Ջոն Դիմաջոն՝ Ջոկերի, Նիլ Պատրիկ Հարիսը՝ Նայթուինի Դիք Գրեյսոնի, Ջեյսոն Այզեքսը՝ Ռա՛ս Ալ Գուլի և Ուեյդ Ուիլյամսը՝ Սև դիմակի դերերում։

Սցենար

[խմբագրել | խմբագրել կոդը]

Ռա՛ս Ալ Գուլը գիտակցում է, որ նա սխալ է գործել համագործակցելով Ջոկերի հետ, երբ Սարաևոյում, Ջոկերը առևանգում է Ջեյսոն Թոդին՝ երկրորդ Ռոբինին, և նրան լինգով դաժանորեն ծեծելուց հետո թողնում է պահեստում, որտեղ կար ռումբ։ Բեթմենը գալիս է, սակայն ուշ և ռումբը պայթում է՝ Ջեյսոնին սպանելով։

Հինգ տարի անց, Գոթեմում, Կարմիր գլխարկ անունով մեկը հավաքում է քաղաքի ամենահայտնի հանցագործներին և թմրանյութերի առևտրականներին։ Նա հայտարարում է, որ նա կառավարելու է թմրանյութերի առևտուրը և ստանալու է դրա շահույթի 40 տոկոսը՝ պաշտպանելով նրանց և՛ Սև դիմակից (Գոթեմի հանցագործները իշխողը), և՛ Բեթմենից։ Նաև ավելացնում է, որ նրանք գործ չունենան երեխաների հետ, այլապես նա նրանց կսպանի։ Բեթմենը դադարեցնում է Սև դիմակի կողմից ապրանքի գողության փորձը, որը կատարում էր Ամեյզոն։ Բեթմենը վերացնում է Ամեյզոյին, Նայթուինգի Դիք Գրեյսոնի օգնությամբ։ Հարցաքննելով գողերին, Բեթմենը պարզում է, որ նրանք աշխատում են Կարմիր գլխարկի համար, իսկ Կարմիր գլխարկը գալիս է և սպանում գողերին։ Բեթմենը հետապնդում է Կարմիր գլխարկին մինչև Ace Chemicals, որը Կարմիր գլխարկը պայթեցնում է, իսկ Բեթմենը հազիվ կարողանում է փախչել։

Բեթմենը և Նայթուինգը գնում են Արքեմ հոգեբուժարան Ջոկերին՝ Կարմիր գլխարկի մասին հարցաքննելու համար։ Նա սկզբից սկսում է ծաղրել Բեթմենին Ջեյսոնի մահվան պատճառով, ապա ասում է որ կապ չունի Կարմիր գլխարկի հետ։ Մինչդեռ, Սև դիմակը` զայրացած, որ Ամեյզոն ոչնչացել է, հրամայում է իր օգնական Միսիս Լիին Կարմիր գլխարկին հարված հասցնել։ Իմանալով Սև դիմակի հաջորդ առաքման մասին, Կարմիր գլխարկը գրավում է ինքնաթիռը, սակայն դադարեցվում է Բեթմենի և Նայթուինգի կողմից։ Կարմիր գլխարկը փախչում է և Բեթմենն ու Նայթուինգը հետապնդում են նրան։ Հետապնդման ժամանակ Կարմիր գլխարկը կատարում է Բեթմենին և Նայթուինգին ծանոթ շարժումներ, ինչպես նաև հատուկ դանակով կտրում է Բեթմենի լարերից մեկը, որը փաթաթվել էր նրա ոտքին։ Հետապնդումը ավարտվում է գնացքի կայարանում, որտեղ Կարմիր գլխարկը փախչում է պայթուցիկ ռումբից, որը վնասում է Նայթուինգին։ Բեթ-քարանձավում, և' Բեթմենը, և' Նայթուինգը հասկանում են, որ Կարմիր գլխարկը ոչ միայն մարզված է, այլ նաև ճանաչում է Բեթմենի մարտավարությունը։ Բեթմենը վերանայում է հետապնդման աուդիո կադրերը, պարզելով, որ Կարմիր գլխարկը գիտի իր գաղտնի ինքնությունը։ Այնուհետև նա հիշում է մի քանի շարժումներ, որը կատարում էր Ջեյսոնը, ինչպես նաև` Կարմիր գլխարկը։ Բացի այդ, ֆլեշբեքերում երևում է, որ Ջեյսոնը մեծանալու հետ միասին ավելի դաժան է դառնում, նույնիսկ մեկ անգամ կռվի ժամանակ ջարդում է հանցագործներից մեկի ոսկորը։

Ներկայումս, «The Fearsome Hand of Four» անունով հանցագործեների խմբավորումը հարձակվում է Կարմիր գլխարկի վրա։ Նրանք համարյա հաղթել էին Կարմիր գլխարկին, երբ Բեթմենը գալիս է և օգնում է նրան հաղթել խմբին։ Բեթմենը սարսափահար է լինում, երբ Կարմիր գլխարկը սպանում է նրանցից մեկին։ Բեթմենը փորձում է Կարմիր գլխարկին իր օգնությունը առաջարկել, սակայն նա մերժում է և հեռանում։ Բեթմենը ձեռք է բերում Կարմիր գլխարկի արյան նմուշը մարդասպաններից մեկի սրի վրայից։ Անալիզը ցույց է տալիս, որ դա Ջեյսոնի արյունն է։ Բեթմենը, Ջեյսոնի դիակը կեղծ լինելու մասին պարզելուց հետո գնում է Ռա՛ս Ալ Գուլին հարցաքննելու։ Կարմիր գլխարկին սպանելու անհաջող փորձից հետո, Սև դիմակը իր մարդկանց ուղարկում է Արքեմ հոգեբուժարան՝ Ջոկերին ազատելու, որպեսզի նա սպանի Կարմիր գլխարկին։

Միևնույն ժամանակ, Բեթմենը հանդիպում է Ռա՛ս Ալ Գուլին նրա տանը՝ պահանջելով իմանալ ճշմարտությունը Ջեյսոնի մասին։ Ռա՛ս Ալ Գուը խոստովանում է, որ իրեն համարել է պատասխանատու Ջեյսոնի մահվան համար, որը չէր մտել իր և Ջոկերի հմաձայնության մեջ։ Նա որոշել էր այլևս չպատերազմել Բեթմենի դեմ՝ խաղաղության դիմաց նա կեղծել էև Ջեյսոնի դիակը և նրան վերակենդանացրել էր Լազարուսի փոսում։ Սակայն նա հարությունից հետո խելագարում է և փախչում է ժայռով։ Ռա՛ս Ալ Գուլը և նրա մարդիկ կարծում էին, որ նա մահացել է ընկնելու ժամանակ։

Գոթեմ գալու ճանապարհին Բեթմենը պարզում է, որ Ջոկերը գողացել է Կարմիր գլխարկի պաշտպանության տակ գտնվող հանցագործներին և Սև դիմակին և պատրաստվում էր այրել նրանց։ Բեթմենը գալիս է և փրկում է գերիներին և ցանկանում է իր հետ տանել Ջոկերին, սակայն Կարմիր գլխարկը առաջին էր գողացել նրան։ Մի լքված բնակարանում Կարմիր գլխարկը լինգով ծեծում է Ջոկերին՝ իր մահվան համար վրեժ լուծելու համար։ Հետո նա հանդիպում է Բեթմենին և հեռացնում է իր դիմակը՝ ապացուցելով որ նա Ջեյսոնն է։

Վերադառնալով բնակարան Ջեյսնոը պահում է ատրճանակը Բեթմենի վրա, ասելով, որ նա ներում է նրան՝ իրեն չփրկելու համար, սակայն չի կարողանում ներել Ջոկերին չսպանելու համար։ Ջեյսոնը տալիս է ատրճանակը Բեթմենին և ասում է, որ նա սպանի կա՛մ իրեն, կա՛մ Ջոկերին։ Բեթմենը նետում է ատրճանակը և հեռանում։ Զայրանալով, Ջեյսոնը կրակում է Բեթմենի վրա, սակայն Բեթմենը կարողանում է խուսափել գնդակից և բեթերանգով դեն է գցում Ջեյսոնի ատրճանակը՝ առաջացնելով մի փոքրիկ պայթյուն, որը վնասում է Ջեյսոնի ձեռքը։ Ջեյսոնը օգտագործում է իր մյուս ձեռքը ռումբը ակտիվացնելու համար, որը նա նախապես տեղադրել էր սենյակում։ Ցանկանալով, որ նրանք բոլորը միասին մահանան, Ջոկերը զբաղեցնում է Բեթմենին՝ վատնելով այն ժամանակը, որով Բեթմենը կկարողանար անջատել ռումբը։ Բեթմենը թողնում է Ջոկերին մահանալու, որպեսզի կարողանա փրկի Ջեյսոնին։ Սակայն ռումբի պայթելուց հետո փրկվում են միայն Բեթմենն ու Ջոկերը, իսկ Ջեյսոնն անհետանում է՝ թողնելով իր ճակատագիրը անորոշ։

Հնչյունավորողներ

[խմբագրել | խմբագրել կոդը]
Վերևի տողում։ Բրյուս Գրինվուդ, Ջենսեն Էքլս
Ներքևի տողում։ Ջոն Դիմաջո, Նիլ Պատրիկ Հարիս
  • Բրյուս Գրինվուդ` Բրյուս Ուեյն/ Բեթմեն
  • Ջենսեն Էքլս` Ջեյսոն Թոդ/ Կարմիր գլխարկ[7]
    • Ալեքսանդր Մարտելա` փոքրիկ Ջեյսոն Թոդ[7]
    • Վինսենթ Մարտելա` դեռահաս Ջեյսոն Թոդ[8]
  • Ջոն Դի Մաջո` Ջոկեր[7]
  • Նիլ Պատրիկ Հարիս` Դիք Գրեյսոն/ Նայթուինգ[7]
  • Ջեյսոն Այզեքս` Ռա'ս Ալ Գուլ[7]
  • Ուեյդ Ուիլիյամս` Ռոման Սիոնիս/ Սև դիմակ[9]
  • Գերի Քոուլ` Հանձնակատար Ջեյմս Գորդոն[7], Բոբո[7], Շաթ
  • Ջիմ Փիդոք` Ալֆրեդ Փենիուորթ[7]
  • Կառլոս Ալազրակի` Չի Չի[7], ավազակ #1
  • Ռոբերտ Քլոթուորթի` Լեոն[7]
  • Բրայան Ջորջ` Ռա'ս Ալ Գուլի օգնական
  • Քելի Հու` Միս Լի
  • Ֆիլ ԼեՄար` Ռիք[7], Բալք
  • Քևին Մալքլ Ռիչարդսոն` Թայլեր Բրամֆորդ[7]
  • Դուայթ Շուլց` Ֆրեդի[7], Յարփ
  • Ֆրեդս Տատասկոր` վարձկան #1[7], Ամեյզո, պահակ
  • Քերի Թոմբազյան` «Fearsome Hand»-ի առաջնորդը, լրագրող #2
  • Անդրեա Ռոմանո` լրագրող #2
  • Բրյուս Թիմ` Հանելուկասաց[7]
  • Մայքլ Վիլանի` լրագրող #3

Անձնակազմ

[խմբագրել | խմբագրել կոդը]
  • Անդրեա Ռոմանո` հնչյունային ռեժիսոր

Երաժշտություն

[խմբագրել | խմբագրել կոդը]
«Բեթմեն։ Կարմիր գլխարկի տակ» մուլտֆիլմի սաունդթրեք
-ի ֆիլմի երաժշտություն
Թողարկվածհուլիսի 27, 2010
Ժանրֆիլմ սուպերհերոսների մասին, մարտաֆիլմ, քրեական ֆիլմ, դրամա և միստիկ ֆիլմ
Տևողություն57:24
ԼեյբլWaterTower Music
ՊրոդյուսերԲրյուս Թիմ, Ալան Բրնեթ, Սեմ Ռեջիստթեր, Բենջամին Մելնիկեր և Մայքլ Ուսլան

«Բեթմեն:Կարմիր գլխարկի տակ» ֆիլմի սաունդթրեքը գրել է Քրիստոֆեր Դրեյքը[10], ով նախկինում գրել է DC-ի տիեզերքի այլ մուլտֆիլմերի սանունդրեքեր։ Այն ոգեշնչված է 1993 թվականի «Բեթմեն։ Ֆանտազմի դիմակը» մուլտֆիլմի սաունդթրեքից, որն ունի ավանդական նվագախմբային երաժշտություն, և 2008 թվականի «Խավարի ասպետը» ֆիլմի սաունդթրեքից, որը ունի էլեկտրոնիկ երաժշտություն[11]։ Դրեյքը երաժշտության համար օգտագործել է էլետրոնիկ երաժշտության տարրեր` օգտագործելով սինթեզ և էլեկտրոնային կիթառ, մինչդեռ պահպանելով նվագախմբի տարերը։ Դրեյքի ասելով, քանի որ «Բեթմեն։ Կարմիր գլխարկի տակ» մուլտֆիլմը ունի ավելի մուգ տոն քանի DC-ի տիեզերքի այլ մուլտֆիլմերը` նա որոշել է չնտրել էպիկ և մելոդրամիկ երաժշտություն, այլ ավելի հանգիստ և զուսպ[11]։ Նա նաև նշել է, որ այն առաջին ֆիլմն է, որի երաժշտությունն ինքն է գրել և այն չի հենվում մեծ երգչախմբի օգտագործման վրա, որպեսզի կռվի տեսարանները ավելի լավ երևան։

«Բեթմեն։ Կարմիր գլխարկի տակ» ֆիլմի սաունդթրեքը թողարկվել է WaterTower Music-ի կողմից 2010 թվականի հուլիսի 27-ին և ունի 18 երգ[12]։

Երգացանկ

[խմբագրել | խմբագրել կոդը]
# Անվանում Տևողություն
1. «A Death in the Family»   4:51
2. «Main Titles»   2:43
3. «Mob Boss Meeting»   1:47
4. «Amazo»   4:21
5. «Batwing»   3:15
6. «Batmobile To Arkham»   0:50
7. «Interrogation»   1:19
8. «Rooftop Chase»   4:21
9. «Flashback»   2:19
10. «Black Mask Strikes Back»   1:17
11. «Techno Ninjas»   5:41
12. «Break Out»   2:14
13. «Deal With The Devil»   0:48
14. «Ra's Story»   5:47
15. «The Bridge»   5:12
16. «Final Confrontation»   4:44
17. «The Choice»   2:16
18. «End Titles»   3:34
57:27

Ընդունում

[խմբագրել | խմբագրել կոդը]

«Բեթմեն։ Կարմիր գլխարկի տակ» ֆիլմը ունեցել է դրական ազդեցություն[13]։ IGN-ը ֆիլմի տվել է 10-ից 8 միավոր[14]։ Rotten Tomatoes կայքում, հենվելով յոթ արձագանքների վրա ֆիլմը ստացել է 100% վարկանիշ, միջինը 7.3/10 վարկանիշով։ Ֆիլմը վաստակել է 10,249,509 դոլար[15]։

Ծանոթագրություններ

[խմբագրել | խմբագրել կոդը]
  1. ↑ 1,0 1,1 Aleph (երբ.)
  2. ↑ http://www.filmaffinity.com/es/film145737.html
  3. ↑ http://www.free-movies.me/v-1080p-movies/1553_batman_under_the_red_hood
  4. ↑ «Batman: Under the Red Hood». Amazon. Վերցված է 2014 թ․ օգոստոսի 7-ին.
  5. ↑ «"Batman: Under the Red Hood" Trailer». Comic Book Resources. 2010 թ․ ապրիլի 27. Վերցված է 2010 թ․ հունիսի 20-ին.
  6. ↑ «Warner Premiere Formally Announces 'Batman: Under the Red Hood' - ComicMix news». Comicmix.com. 2010 թ․ ապրիլի 27. Արխիվացված օրիգինալից հունիսի 29, 2010-ին. Վերցված է 2010 թ․ հունիսի 20-ին.
  7. ↑ 7,00 7,01 7,02 7,03 7,04 7,05 7,06 7,07 7,08 7,09 7,10 7,11 7,12 7,13 7,14 «Complete Cast And Crew, Features Details For "Batman: Under The Red Hood"». worldsfinestonline.com. 2010 թ․ հուլիսի 9. Վերցված է 2010 թ․ հուլիսի 11-ին.
  8. ↑ «The World's Finest - New Cast Details For Upcoming "Batman: Under The Red Hood"». Worldsfinestonline.com. 2010 թ․ մարտի 11. Վերցված է 2010 թ․ դեկտեմբերի 29-ին.
  9. ↑ «The World's Finest - New Cast Details For Upcoming "Batman: Under The Red Hood" Animated Feature». Worldsfinestonline.com. Վերցված է 2011 թ․ հունվարի 2-ին.
  10. ↑ «Christopher Drake». IMDb. Վերցված է 2014 թ․ հոկտեմբերի 15-ին.
  11. ↑ 11,0 11,1 «Backstage - Christopher Drake Interview (WF Conducted)». The World's Finest. Վերցված է 2014 թ․ օգոստոսի 16-ին.
  12. ↑ «Batman: Under the Red Hood - Soundtrack to The Animated Original Movie». iTunes. 2010 թ․ հուլիսի 27. Վերցված է 2010 թ․ օգոստոսի 16-ին.
  13. ↑ «Batman: Under the Red Hood Film Review». The World's Finest. Վերցված է 2013 թ․ ապրիլի 3-ին.
  14. ↑ White, Cindy (2010 թ․ հուլիսի 8). «Batman: Under the Red Hood Blu-ray Review». IGN. Արխիվացված օրիգինալից 2010 թ․ հուլիսի 12-ին. Վերցված է 2010 թ․ հուլիսի 9-ին.
  15. ↑ «Batman: Under the Red Hood (2010) - Financial Information». The Numbers. Վերցված է 2012 թ․ մարտի 21-ին.

Արտաքին հղումներ

[խմբագրել | խմբագրել կոդը]
 ⛭ 
  Թեմատիկ կայքեր
Ստացված է «https://hy.wikipedia.org/w/index.php?title=Բեթմեն։_Կարմիր_գլխարկի_տակ&oldid=9616807» էջից