Բաբկեն Բազունց
Ծննդավայր | Խնձորեսկ |
---|---|
Քաղաքացիություն | ԽՍՀՄ |
Կրթություն | Երևանի Մխիթար Հերացու անվան Պետական Բժշկական Համալսարան (1941) |
Մասնագիտություն | բժիշկ |
Աշխատավայր | Վ.Ա. Ֆանարջյանի անվան ուռուցքաբանության ազգային կենտրոն |
Անդամակցություն | ԽՄԿԿ |
Կուսակցություն | ԽՄԿԿ |
Պարգևներ |
Բաբկեն Հարությունի Բազունց (, Խնձորեսկ), հայ բժիշկ, Հայրենական մեծ պատերազմի մասնակից, ԽՄԿԿ անդամ (1942):
Կենսագրություն[խմբագրել | խմբագրել կոդը]
Սկզբնական կրթությունն ստացել է հայրենի Խնձորեսկում։ 7-րդ դասարանն ավարտելուց հետո ընդունվել է Գորիսի մանկավարժական տեխնիկում և ավարտել 1933 թվականին։ Մեկ տարի շրջանի Խոտ գյուղում դպրոցի վարիչ էր։ 1935 թվականին մեկնում է զինվորական պարտադիր ծառայության։ 1936 թվականին զորացրվել է բանակից, հաջորդ տարի ընդունվել Երևանի բժշկական ինստիտուտ։ Այն ավարտել է 1941 թվականին նոյեմբերին։ Դեկտեմբերին զորակոչվել է և ծառայության ուղարկվում հայկական 408-րդ դիվիզիան։ Նշանակվել է 530-րդ հրետանային գնդի սանծառայության պետ։
1942 թվականին դիվիզիան տեղափոխվել է Փոթի, այստեղից նավերով՝ Տուապսե, որտեղից էլ՝ ռազմաճակատ։ Շուրջ երկու ամիս մասնակցել է ծանր մարտերի։ 1942 թվականի օգոստոսին նշանակվել է № 1075 հոսպիտալի պետ։ Հոսպիտալը գերմանական զորքերի նահանջից հետո հետապնդող զորքերի հետ գնացել է դեպի արևմուտք՝ Դոնբաս, Արևմտյան Ուկրաինա, Լեհաստան, Չեխոսլովակիա։
Զորացրվել է 1946 թվականի մայիսին։ Աշխատանքի է անցել Երևանի ռենտգենաբանության և ուռուցքաբանության ինստիտուտում որպես վիրաբույժ։ Գործուղվել է Լենինգրադ, որտեղ երեք տարի օրդինատոր է աշխատել ու որակավորվել ուռուցքաբանության կլինիկայի վիրաբուժության բաժանմունքում։ 1949 թվականին նշանակվել է Գորիսի շրջանային հիվանդանոցի վարիչ և վիրաբույժ։ 1952-1967 թվականներին գլխավորել է այդ հիվանդանոցի վիրաբուժության բաժանմունքը։ 1968 թվականին նշանակվել է Երևանի հեմատոլոգիայի և արյան փոխներարկման գիտահետազոտական ինստիտուտի Գորիսի արյան փոխներարկման կայանի գլխավոր բժիշկ։
Երեք անգամ վիրավորվել է։
Պարգևատրվել է Հայրենական պատերազմի 2-րդ աստիճանի շքանշանով և ութ մեդալներով[1]։
Ծանոթագրություններ[խմբագրել | խմբագրել կոդը]
- ↑ Ա. Վ. Գրիգորյան, Բ. Գ. Մելքումյան, Հայաստանի բժիշկները Մեծ հայրենականում, գիրք 2, Ե., 1987, էջ 54-55։