Ափոքալիփտիքա

Ափոքալիփտիքա
Ափոքալիփտիքա
Հիմնական տվյալներ
Երկիր	Հելսինկի, Ֆինլանդիա
Ժանրեր	թավջութակային մետալ, սիմֆոնիք մետալ, ինստրումենտալ ռոք, փրոգրեսիվ մետալ, հեվի մետալ
Գործունեություն	1996–ներկա
Լեյբլ	MCA Music, Inc., Zen Garden, GUN records,Mercury, 20-20, Jive Records, Zomba Label Group, Sony BMG
Կայք	apocalyptica.com
Անդամներ
Eicca Toppinen Paavo Lötjönen Perttu Kivilaakso Mikko Sirén
Նախկին անդամներ
Max Lilja Antero Manninen
Apocalyptica Վիքիպահեստում

Ափոքալիփտիքան (ֆիններեն՝ Apocalyptica) Ֆինլանդիայում հիմնված մետալի խումբ է, որն օգտվում է թավջութակներից։ Խմբի անդամները համագործակցել են դեռևս 1993 թվականից՝ Մետալլիքայի երաժշտությունները թավջութակով կրկնօրինակելով։

Պատմություն

Գործունեության սկիզբը (1993-1995)

Ապոկալիպտիկայի նախնական կազմում ընդգրկված էին չորս թավջութակահարներ՝ Էիկա Թոփինենը, մակս Լիլյան, Պաավո Lյոթիոնեն և Անտերո Մաննինենը, որոնք ստացել էին դասական երաժշտական կրթություն։ Երիտասարդները միասին սովորել էին կոնսերվատորիայում և «heavy metal»-ի (հեվի մետալ - ծանր մետալ) սիրահարներ էին։ Հետագայում Մակս Լիլյան հիշում էր. «Մենք՝ «Ապոկալիպտիկա»-ի երաժիշտներս, միմյանց ճանաչում ենք արդեն տասը տարի։ Մենք հաճախ հանդիպում էինք երաժիշտների ճամբարներում։ Մինչ մենք կսկսեինք նվագել Metallica խմբի երգերը, արդեն հնչեցրել էինք Ջիմի Հենդրիքսի ստեղծագործություններն ու էլի մի քանի նման բաներ՝ երկու-երեք թավջութակով։ Այնպես որ այս նվագարաններով ինչ-որ տարօրինակ ու անսովոր բան նվագելը մեզ համար արդեն բնավ նորություն չէր։ Մենք բոլորս ծանր մետալի սիրահարներ ենք, իսկ Metallica-ն բոլորիս ամենասիրելի խումբն է։ 1993 թվականի ամառն էր։ Մենք զվարճալի ծրագիր էինք կազմել ամառային մի ճամբարի ընթացքում նվագելու համար և ուզում էինք ունկնդրին ինչ-որ առանձնահատուկ բան մատուցել։ Այդպես, որոշեցինք մեր ընկերների, դասական երաժշտական կրթություն ունեցող երաժիշտների համար թավջութակներով նվագել մի քանի մետալ ստեղծագործություններ։ Պետք է խոստովանեմ, որ մենք այն ժամանակ շատ զվարճացանք։ Ավելին, նույնիսկ մեծ հաջողությամբ ընդունեցին մեզ»։ Այդ ելույթից հետո թավջութակահարները միտք հղացան մետալ երաժշտության էքսպերիմենտներին ավելի լուրջ վերաբերվել։ Նրանք երկու անգամ ելույթ ունեցան իրենց ակադեմիայի պատի տակ, իսկ հետո, երբ «Ապոկալիպտիկա»-ն դարձավ քառյակ, սկսեցին հանդես գալ Հելսինկիի ակումբներում։ Իրենց խմբի անունը երաժիշտները կազմեցին «ապոկալիպսիս» և «Մետալիկա» բառերի միացմամբ։ 1995 թվականից «Ապոկալիպտիկա»-ն սկսեց հանդես գալ մեծ բեմերին։ Մեկ տարի անց նրանց համերգային եկամուտն արդեն կազմում էր 50 հազար։

Քավերների ժամանակաշրջանը (1995-2000)

1995 թվականի դեկտեմբերին տեղական Zen Garden Records ֆիրմայի ներկայացուցիչը խմբին առաջարկեց թողարկել մի ամբողջ ալբոմ՝ Metallica-ի երգերի հիման վրա։ Դեբյուտային «Apocalyptica Plays Metallica by Four Cellos» («Ապոկալիպտիկա»-ն նվագում է «Մետալիկա» չորս թավջութակով) հրապարակվեց 1996 թվականին և մեկ տարվա ընթաքցում վաճառվեց 250 հազար օրինակով։ Սկավառակից երկու ստեղծագործություն հնչեց ամերիկյան «Your Friends and Neighbours» ֆիլմում։

1998 թվականին «Ապոկալիպտիկա»-ի երաժիշտները ձեռնամուխ եղան «Inquisition Symphony» ալբոմի ձայնագրման աշխատանքներին, որը թողարկվեց ապրիլ ամսին։ Առաջին անգամ, ի թիվս Metallica, Sepultura, Pantera և Faith No More խմբերի երգերի կատարումների, խումբը սկավառակում ներկայացրեց սեփական ստեղծագործությունները, որոնց հեղինակն էր Էիկա Թոփինենը։ Այս ալբոմը սպառվեց մեծ քանակությամբ և Ֆինլանդիայում ընդգրկվեց ամենաշատը վաճառված սկավառակների առաջատար տասնյակում։

Կազմ

Ընթացիկ անդամներ

• Eicca Toppinen -- թավջութակ (1995-ներկա)
• Paavo Lötjönen -- թավջութակ (1996-ներկա)
• Perttu Kivilaakso -- թավջութակ (1999-ներկա)
• Mikko Sirén -- հարվածային գործիքներ (2003-ներկա)

Անցյալ անդամներ

• Max Lilja -- թավջութակ (1995-2002)

Ժամանակավոր անդամներ

• Dave Lombardoն Slayerից – հարվածային գործիքներ (2003–2007)
• Sami Kuoppamäki - հարվածային գործիքներ (2003-2006)
• Antero Manninen – թավջութակ (1996–1999, 2002-ներկա)
• Toryn Green - շրջագայող վոկալիստ (2008-ներկա)
• Tony Kakko - շրջագայող վոկալիստ (2008) (միայն Ֆինլանդիայում)
• Corey Taylor - շրջագայող վոկալիստ (2008) (միայն Հյուսիսային Ամերիկայում)

Երաժիշտ հյուրեր

Վոկալիստ

• Adam Gontier-ը Three Days Grace-ից (“I Don't Care”)
• Corey Taylor-ը Stone Sour/Slipknot-ից(“I'm Not Jesus”)
• Cristina Scabbia-ն Lacuna Coil-ից (“SOS (Anything But Love)”)
• Emmanuelle Monet-ը Dolly-ից (“En Vie”)
• Lauri Ylönen-ը The Rasmus-ից (“Life Burns!”, “Bittersweet”)
• Linda Sundblad-ը Lambretta-ից (“Faraway Vol.2”)
• Մարթա Յանդովա-ն Die Happy-ից (“Wie weit” / “How Far”)
• Mats Levén-ը Therion, Krux-ից (“SOS”, “I Don't Care”) (Backing Vocals)
• Matt Tuck-ը Bullet for My Valentine-ից (“Repressed”)
• Matthias Sayer-ը Farmer Boys-ից (“Hope Vol.2”)
• Max Cavalera-ն Soulfly, Cavalera Conspiracy, Nailbomb, նախկին-Sepultura-ից (“Repressed”)
• Նինա Հագեն-ը (“Seemann”)
• Sandra Nasic-ը Guano Apes-ից (“Path Vol.2”)
• Թիլ Լինդեմանը Ռամշտայնից (“Helden”)
• Վիլե Վալոն HIM-ից ("Bittersweet")

Երաժշտական գործիքներ

• Tomoyasu Hotei (“Grace”) (կիթառ)
• Dave Lombardo-ն Slayer-ից (“Last Hope”, “Betrayal/Forgiveness”, "Reflections" (Ալբոմ)) (հարվածային գործիքներ)

Սկավառակագրություն

Ստուդիական ալբոմներ

• 1996։ Plays Metallica by Four Cellos
• 1998։ Inquisition Symphony
• 2000։ Cult
• 2003։ Reflections
• 2005։ Apocalyptica
• 2006։ Amplified // A Decade of Reinventing the Cello
• 2007։ Worlds Collide
• 2010։ 7th Symphony
• 2015: Shadowmaker
• 2020: Cell-0

Տեսաերիզներ

• Live (2001)
• Reflections Revised (2003)
• The Life Burns Tour (2006)

Սինգլներ

• Apocalyptica (Christmas Single) (1996)
• Harmageddon (1998)
• Path Vol.2 (2001)
• Hope Vol.2 (2002)
• Faraway Vol.2 (2003)
• Seemann (2003)
• Bittersweet (2004)
• Wie Weit/How Far/En Vie (2005)
• Life Burns (2005)
• Repressed (2006)
• I’m not Jesus (2007)
• S.O.S. (Anything But Love) (2007)
• I Don’t Care (2008)
• End Of Me (2010)
• Not strong Enough (2010)
• Broken Pieces (2010)

Արտաքին հղումներ

• «Apocalyptica official site (անգլերեն)»։ Վերցված է 2009 թ․ հունվարի 20 
• «MySpace: Apocalyptica (անգլերեն)»։ Վերցված է 2009 թ․ հունվարի 20