Արքայադստեր թատրոն (Լոնդոն)
Արքայադստեր թատրոն կամ Արքայադուստր թատրոն, թատրոն Լոնդոնի Օքսֆորդ փողոցում։ Շենքը բացվել է 1828 թվականին՝ որպես «Թագուհու շուկա», որի ներսում տեղադրված էր Կլարկսոն Ստենֆիլդի և Դեյվիդ Ռոբերթսի կողմից ստեղծված շարժական բեմ։ Վերափոխվել է թատրոնի և բացվել 1836 թվականին Արքայադստեր թատրոն անվամբ․ անվանվել է արքայադուստր Վիկտորյայի պատվին՝ նախքան վերջինիս թագուհի դառնալը[1]։ Մի շարք անհաջող համերգներից հետո ինտերիերի վրա փոփոխություններ են արվել, որից հետո թատրոնը վերաբացվել է 1842 թվականի դեկտեմբերի 26-ին՝ Վինչենցո Բելինիի «Լուսնոտը» օպերայով։ Թատրոնը, որն այժմ գտնվում էր Ջոն Մեդեքս Մադդոքսի ղեկավարության ներքո, բեմադրում էր օպերաներ և այլ ժամանցային ներկայացումներ, այդ թվում՝ Գեներալ Թոմ-Թամը։
Թատրոնն առավել լավ հիշվում է Չարլզ Քինի՝ շեքսպիրյան վերաբեմադրություններով, որոնք սկսվել են 1849 թվականից և շարունակվել տասը տարի։ Քինը դրանք ներկայացրել է շռայլ բեմադրություններով[2], ինչպես նաև ներմուծել ֆրանսիական դրաման։ Դայեն Բուսիկոն դարձել է թատրոնի առաջատար դերասանը, իսկ Էլեն Արիս Տերրին ու Հենրի Իրվինգը իրենց կարիերան են սկսել այս թատրոնում։ Որոշ ժամանակ թատրոնում միայն մելոդրամա է բեմադրվել։ Սկսած 1859 թվականից Հենրի Ջեյմս Բայրոնը թատրոնի համար գրել է Սուրբ Ծննդյան երաժշտական կոմեդիաների շարք, որոնցից էին «ack the Giant Killer», «Harlequin», «King Arthur» և «ye Knights of ye Round Table»[3], որոնց հաջորդել են «Ռոբինզոն Կրուզո», «the King of the Caribee Islands!» կոմեդիաները[4]։ 1863 թվականին Քեյփթաունից վերջերս վերադարձած Սեֆթոն Փերին «The Rough Diamond» ֆարսում կատարել է զարմիկ Ջոյի դերը[5]։ 1864 թվականին թատրոնում բեմադրվել է առանձնապես սիրված «Լոնդոնի լույսերը» դրաման։
Թատրոնը քանդվել և վերակառուցվել է 1879–80 թվականներին, որից հետո շարունակել ներկայացնել մելոդրամաներ, այդ թվում՝ «Լոնդոնի լույսերը» (1881) և «Արծաթե թագավորը» (1882)։
1902 թվականին հաջողությամբ բեմադրած «Ճակատագրական հարսանիք» վերջին ներկայացումից հետո թատրոնը մշտապես փակվել է, և շենքը պահեստ է դարձել։ Ապամոնտաժվել է 1931 թվականին․ տեղում կառուցվել է Woolworth խանութ-սրահը, այնուհետև՝ Oxford Walk առևտրի կենտրոնը։ Տարածքն այժմ զբաղեցնում է սպորտային խանութ։
Ծանոթագրություններ
[խմբագրել | խմբագրել կոդը]- ↑ Thomason, p. 883.
- ↑ Bruegge, Andrew Vorder "W. S. Gilbert: Antiquarian Authenticity and Artistic Autocracy" (Associate Professor, Department Chair, Department of Theatre and Dance, Winthrop University). Professor Bruegge presented this paper at the Victorian Interdisciplinary Studies Association of the Western United States annual conference in October 2002 Արխիվացված 10 Մայիս 2011 Wayback Machine, accessed 26 March 2008
- ↑ Lee, Amy Wai Sum. "Henry J. Byron"(չաշխատող հղում), Hong Kong Baptist University
- ↑ Script for Robinson Crusoe, or Harlequin Friday(չաշխատող հղում) (1860)
- ↑ Leeds Intelligencer 19 September 1863 p.3
- Hartnoll, Phyllis (1983). The Oxford Companion to the Theatre (4th ed.). Oxford: Oxford University Press. ISBN 0-19-211546-4.
- Thomas, Peter (1995). «Princess's Theatre». In Banham, Martin (ed.). The Cambridge Guide to Theatre. London: Cambridge University Press. ISBN 0-521-43437-8.
- «Princess's Theatre». Վերցված է 2007 թ․ օգոստոսի 24-ին.
 | Վիքիպահեստն ունի նյութեր, որոնք վերաբերում են «Արքայադստեր թատրոն (Լոնդոն)» հոդվածին։ |
