Արսեն Պետրոսյան (մարզիկ)
| Արսեն Պետրոսյան | |
|---|---|
 | |
| Անձնական տեղեկություն | |
| Սեռ՝ | արական |
| Մասնագիտացում՝ | մարզիկ |
| Երկիր՝ |  ԽՍՀՄ և  Հայաստան |
| Ծննդյան ամսաթիվ՝ | նոյեմբերի 11, 1958 (65 տարեկան) |
| Ծննդավայր՝ | Կապան, Հայկական ԽՍՀ, ԽՍՀՄ |
Արսեն Ալբերտի Պետրոսյան (նոյեմբերի 11, 1958, Կապան, Հայկական ԽՍՀ, ԽՍՀՄ), հայ թեթև ատլետ, Կապանի աթլետիկայի մասնագիտացված մանկապատանեկան մարզադպրոցի տնօրեն[1], Հայաստանի վաստակավոր մարզիչ[2]։
Կենսագրություն[խմբագրել | խմբագրել կոդը]
Ծնվել է 1958 թվականին Սյունիքի մարզի Կապան քաղաքում, բանվորի ընտանիքում։ 1976 թվականին ավարտել է Կապանի Հունան Ավետիսյանի անվան միջնակարգ դպրոցը։ 1977-1979 թվականներին ծառայել է խորհրդային բանակում։ 1981 թվականին ընդունվել և 1986 թվականին ավարտել է Ֆիզիկական կուլտուրայի հայկական պետական ինստիտուտը։
Պատանեկան տարիներից զբաղվել է սպորտով, հատկապես թեթև աթլետիկայով։ 15 տարեկանից ընդգրկվել է Հայաստանի աթլետիկայի պատանիների, ապա երիտասարդների ու մեծահասակների հավաքականների կազմում։ Բազմիցս եղել է Հայաստանի աթլետիկայի պատանիների, երիտասարդների և մեծահասակների հաղթող և մրցանակակիր, մասնակցել է համամիութենական մրցումների և գրավել մրցանակային տեղեր։ 1984 թվականից անցել է մարզչական գործունեության։ 2004 թվականին նշանակվել է Կապան քաղաքի աթլետիկայի մասնագիտացված մանկապատանեկան մարզադպրոցի տնօրեն։
Մարզչական նվաճումներ[խմբագրել | խմբագրել կոդը]
Մարզչական գործունեության ընթացքում ունեցել է մեծ հաջողություններ՝
- Խորհրդային Միության պատանիների չեմպիոն՝ Մարատ Սարգսյան (1991)
- ԱՊՀ ժողովուրդների սպարտակիադայի չեմպիոն՝ Մերուժան Սարգսյան, (1995)
- Միջազգային պատանեկան խաղերի չեմպիոն՝ Հայկանուշ Բեկլարյան, (ԱՄՆ, Քլիվլենդ, 2004)
- Եվրոպայի պատանիների առաջնություն՝ 3-րդ տեղ, աշխարհի պատանիների առաջնություն՝ 4-րդ տեղ՝ Հայկանուշ Բեկլարյան, (2005)
- Եվրոպայի ավագ տարիքի պատանիների առաջնություն՝ 1-ին տեղ, Լևոն Աղասյան, (Իտալիա, 2013)[3]
- Լևոն Աղասյանը, Կապանից առաջինը լրացնելով միջազգային կարգի սպորտի վարպետի նորման, իրավունք ստացավ և մասնակցեց Ռիո դե Ժանեյրոյի օլիմպիական խաղերին, (2016)[4]
- Աշխարհի ավագ տարիքի պատանիների առաջնություն՝ 4-րդ տեղ, Արամայիս Սարգսյան, (2018 )[5][6][7]
Պարգևներ[խմբագրել | խմբագրել կոդը]
Սպորտի բնագավառում ունեցած վաստակի,ակտիվ գործունության և ներդրած ավանդի համար պարգևատրվել է տարբեր պատվոգրերով և շնորհակալագրերով՝
- Հայաստանի վաստակավոր մարզիչ (2002)
- Կապան քաղաքի 75-ամյակի առթիվ՝ «Կապան» ոսկե մեդալ (2013)[8]
- Հայաստանի սպորտի և երիտասարդության հարցերի նախարարի կողմից շնորհվել է Ֆիզիկական կուլտուրայի և սպորտի պատվավոր աշխատողի կոչում (2018)
Ընտանիք[խմբագրել | խմբագրել կոդը]
Ամուսնացած է, ունի 2 զավակ՝ ուստր և դուստր։
Ծանոթագրություններ[խմբագրել | խմբագրել կոդը]
- ↑ One, Studio. «Կապանից մարզիկ Արամայիս Սարգսյանը հայտնվել է 12 լավագույնների ցանկում». www.zangezur.tv. Վերցված է 2019 թ․ հունվարի 14-ին.
- ↑ Կապանցի հեռացատկորդը աշխարհի առաջնությունից առաջ մարզվելու տեղ չունի
- ↑ «Աթլետները նախապատրաստվում են». www.ankakh.com (անգլերեն). Արխիվացված է օրիգինալից 2018 թ․ հոկտեմբերի 7-ին. Վերցված է 2019 թ․ հունվարի 14-ին.
- ↑ «Լևոն Աղասյան. 19 տարեկանում 19 մեդալ ունենալը իմ ու մարզիչիս աշխատանքի արդյունքն է | NEWS.am Sport - Ամենը՝ սպորտի մասին». sport.news.am. Վերցված է 2019 թ․ հունվարի 14-ին.
- ↑ «Կապանցի եռացատկորդի աննախադեպ նվաճումը | Syunacerkir.am». www.syuniacyerkir.am. Վերցված է 2019 թ․ հունվարի 14-ին.
- ↑ «Կապանցի եռացատկորդի աննախադեպ նվաճումը». tesaket.info. Արխիվացված է օրիգինալից 2019 թ․ հունվարի 20-ին. Վերցված է 2019 թ․ հունվարի 14-ին.
- ↑ «Աթլետները կմասնակցեն մինչև 20 տարեկանների աշխարհի առաջնության». ankakh.com (անգլերեն). Արխիվացված է օրիգինալից 2019 թ․ հունվարի 2-ին. Վերցված է 2019 թ․ հունվարի 14-ին.
- ↑ Վաղը մեծ տոնակատարությամբ կնշվի Կապան քաղաքի 75-ամյակը
Աղբյուրներ[խմբագրել | խմբագրել կոդը]
- Վաստակած կոչում Արխիվացված 2018-12-27 Wayback Machine
- ԳՆԱՀԱՏՎԵՑ ՎԱՍՏԱԿԱՎՈՐ ՄԱՐԶԻՉԸ
- Կապանի աթլետիկայի մասնագիտացված մանկապատանեկան մարզադպրոցի արխիվ