Արուկաս (իսպ.՝ Arucas), մունիցիպալիտետ Կանարյան կղզիներիԼաս Պալմաս պրովինցիայում։ Տեղակայված է Գրան Կանարիա կղզու հյուսիսային հատվածում։ Արուկասը Լաս Պալմաս քաղաքից 9 կմ դեպի արևմուտք է։ Նրա բնակչությունը կազմում է 36,852 մարդ (2013 թվականի տվյալներով), իսկ տարածքը՝ 33,01 քառ. կմ։ GC-2 ավտոճանապարհն անցնում է քաղաքի հյուսիսային մասով։
Սան Խուան Բոուտիստա եկեղեցին առաջատար ճարտարապետական և սոցիալական հուշարձան է տվյալ մունիցիպալիտետում։ Այն ամբողջովին կառուցվել է Արուկասի քարերով՝ տեղական վարպետ քարտաշների կողմից և սկսել է գործել 1909 թվականից։ Բացի փորագրված քարե սյուներից կան նաև մի քանի գեղեցիկ վիտրաժային ապակե պատուհաններ, որոնց հեղինակը Կանարյան կղզիների նկարիչ Կրիստոբալ Էռնանդես դե Կինտանան, ինչպես նաև «Քրիստոսի հոգին» արտասովոր քանդակը Մանուել Ռամոսի նախաձեռնությամբ.[3]։ Հյուսիսում Մոնտանա դե Արուկասն է, որը համարվում է այն տարածքը, որտեղ 1418 թվականին՝ Արուկասի ճակատամարտում սպանվել է քաջարի Դորամաս Գուանչեի առաջնորդը՝ Պեդրո դե Վերայի կողմից։ Արուկասը հայտնի է ռոմի արտադրությամբ[4]։ Կա նաև մի բուսաբանական այգի, որը կոչվում է Jardín de la Marquesa de Arucas։
Արուկասը վերակառուցվել է 1480 թվականից հետո, քանի որ 1478 թվականին ամբողջովին ավերվել էր։ Սկսած 15-րդ դարից Արուկասի հիմնական բերքը շաքարեղեգն էր։ Ռոմն այստեղ արտադրվել է շաքարեղեգի մշակումից հետո։ Արդի հիմնական ձեռնարկություններից մեկը ռոմի գործարանն է[5]։ 19-րդ դարի երկրորդ կեսին Արուկասում բուռն կերպով բուծում էին որդի տեսակ կակտուսների վրա, որից ներկ էին ստանում (որդան կարմիրի պես)։
Իսպանիա
.svg)
