Արմեն Աղաբաբյան (գիտնական)

Անվան այլ կիրառումների համար տե՛ս՝ Արմեն Աղաբաբյան (այլ կիրառումներ)

Արմեն Աղաբաբյան
Ծնվել է	հունիսի 15, 1925(1925-06-15) Մարտակերտի շրջան, Արցախ
Մահացել է	հունվարի 27, 1974(1974-01-27) (48 տարեկան) Երևան, Հայկական ԽՍՀ, ԽՍՀՄ
Քաղաքացիություն	ԽՍՀՄ
Մասնագիտություն	գիտնական
Ալմա մատեր	Երևանի անասնաբուծական-անասնաբուժական ինստիտուտ (1953)
Կոչում	պրոֆեսոր և պրոֆեսոր
Գիտական աստիճան	գյուղատնտեսական գիտությունների դոկտոր (1972)
Երեխա(ներ)	Աշոտ Աղաբաբյան

Արմեն Հայրապետի Աղաբաբյան (հունիսի 15, 1925(1925-06-15), Մարտակերտի շրջան, Արցախ - հունվարի 27, 1974(1974-01-27), Երևան, Հայկական ԽՍՀ, ԽՍՀՄ), կաթնագործության բնագավառի հայ գիտնական։ Գյուղատնտեսական գիտությունների դոկտոր (1972), պրոֆեսոր (1972)։

Աշոտ Արմենի Աղաբաբյանի հայրը։

Կենսագրություն

Արմեն Աղաբաբյանը ծնվել է 1925 թվականի հունիսի 15-ին Լեռնային Ղարաբաղի Մարտակերտի շրջանի Հայադ գյուղում։ 1953 թվականին ավարտել է Երևանի անասնաբուծական-անասնաբուժական ինստիտուտը։ 1956-1960 թվականներին եղել է ԼՂԻՄ Մարտունու շրջանի գյուղվարչության պետական գործկոմի նախագահ, 1961-1974 թվականներին՝ Երևանի անասնաբուծական-անասնաբուժական ինստիտուտի կաթի տեխնոլոգիայի հիմնախնդրային լաբորատորիայի կաթի ֆիզքիմիայի բաժնի վարիչ։

Ուսումնասիրել է (առաջինը Հայաստանում) շվեյցարական, չանախ և հայկական պանիրների հասունացման շարժընթացում էլեկտրոնային դաշտի ազդեցության տակ սպիտակուցային ֆրակցիաների անջատումը, աղաջրային պանիրների հասունացման վրա միկրոտարրերի տարբեր խառնուրդների ազդեցությունը։

Մահ

Արմեն Աղաբաբյանը մահացել է 1974 թվականի հունվարի 27-ին, Երևանում։

Երկեր

• Աղաբաբյան Ա. Հ., Կաթի և կաթնամթերքների կենսաքիմիան, Երևան, 1973 (համահեղինակ)։
• Աղաբաբյան Ա. Հ., Կաթի բաղադրության և հատկությունների փոխադարձ կապը, Երևան, 1974։