Արմենիա հյուրանոց (Ստեփանակերտ)

Արմենիա հյուրանոց
	«Արմենիա» հյուրանոցը և Արցախի Հանրապետության Ազգային ժողովի շենքը
Տեսակ	հյուրանոց
Երկիր	Արցախ
Տեղագրություն	Ստեփանակերտ
Հասցե	Փետրվարի 20-ի փողոց, 4 շենք
Փողոց	Փետրվարի 20-ի փողոց
Անվանված է	Հայաստան
Սեփականատեր	«Ալյուս Գրուպ» ՓԲԸ
Հիմնադրված է	2007
Դադարել է աշխատել	2023
Պաշտոնական կայք

«Արմենիա» հյուրանոց, ոչ պետական և ներկայումս չգործող 4 աստղանի հյուրանոց Արցախի Հանրապետության մայրաքաղաք Ստեփանակերտի Վերածննդի հրապարակում^[1]^[2]^[3]։ Հյուրանոցի շենքը գտնվում է Ստեփանակերտի Փետրվարի 20-ի փողոցում, կառուցվել է 2007 թվականին^[2]։ Հյուրանոցը պատկանում է «Ալյուս Գրուպ» ՓԲԸ-ին^[4]։

Պատմություն[խմբագրել | խմբագրել կոդը]

«Արմենիա» հյուրանոցը գտնվում է Արցախի Հանրապետության Վերածննդի հրապարակում, Ազգային ժողովի շենքի հարևանությամբ^[1]։ Հյուրանոցի շենքը կառուցվել է 2007 թվականին^[2]։ Ունեցել է 75 հոգանոց անձնակազմ, ովքեր Կանադայի գործադիր ծառայության կազմակերպության՝ «CESO International»-ում անցել էին վերապատրաստություն^[1]։

Ներքին հարդարանք[խմբագրել | խմբագրել կոդը]

Հյուրանոցն ունի մեծ նախասրահ, 55 հարմարավետ սենյակներ, որոնք նախատեսում են ինչպես մի տեղանոց, այնպես էլ երկտեղանոց, լյուքս, ընտանեկան և ապարտամենտ^[1]^[2]։ Բոլոր սենյակներում կային ինտերնետ, միջազգային հեռախոսագիծ և արբանյակային հեռուստատեսություն^[2]։ Հյուրանոցում կար նաև սաունա, մարզասրահ, կոնֆերանսների դահլիճ և «Արմենիա» ռեստորանը^[2]։ Ունեցել է բոլոր այն հարմարությունները, որը տրամադրվում է 4 աստղանի հյուրանոցներում^[1]։

Ծառայություններ[խմբագրել | խմբագրել կոդը]

Հյուրանոցն ունեցել է հետևյալ ծառայությունները^[2]․

հյուրերի ընդունում (24 ժամ)
կայանում
ուղեբեռների պահասենյակ
անլար Ինտերնետ
բար
ռեստորան
հանդիսությունների դահլիճ
լաունջ Բար
շոգեբաղնիք
ֆիթնես կենտրոն
բիլիարդի սրահ
փակ լողավազան
կոնֆերենց / հանդիպումների դահլիճ
նվերների խանութ
լվացքատուն

Ներկա վիճակ[խմբագրել | խմբագրել կոդը]

2024 թվականի մարտին Տելեգրամյան ալիքներում կադրեր են հայտնվում Ադրբեջանի կողմից բռնազավթված Ստեփանակերտից, որտեղ երևում է, թե ինչպես են ադրբեջանցիները քանդում Վերածննդի հրապարակում գտնվող Ազգային ժողովի շենքը, որը գտնվում է «Արմենիա» հյուրանոցի կողքին^[5]։ Բացի Արցախի Ազգային ժողովի շենքը քանդելուց, ադրբեջանցիները հիմնովին քանդում են նաև «Ազատամարտիկների» շենքը, որը գտնվում էր Ազգային ժողովի շենքի հարևանությամբ^[5]։

Պատկերասրահ[խմբագրել | խմբագրել կոդը]

Վերածննդի հրապարակում գտնվող «Արմենիա» հյուրանոցը և Ազգային ժողովի շենքը
Վերածննդի հրապարակ․ «Արմենիա» հյուրանոցը և Ազգային ժողովի շենքը
«Արմենիա» հյուրանոցը, Ազգային ժողովի շենքը և Ազատամարտիկների միության շենքը
Արմենիա հյուրանոցը և Ազգային ժողովի շենքը
Արմենիա հյուրանոցի մուտքը
Արմենիա հյուրանոցի մուտքը
Արմենիա հյուրանոցը և Ազգային ժողովի շենքը
Արմենիա հյուրանոցը և Ազգային ժողովի շենքը
Ստեփանակերտի մշակույթի և երիտասարդության պալատը, Արմենիա հյուրանոցը և Ազգային ժողովի շենքը