Արկադի Ծատուրյան

Արկադի Ծատուրյան
Ծնվել է	փետրվարի 7, 1937(1937-02-07)
Ծննդավայր	Խնձորեսկ, Գորիսի շրջան, Հայկական ԽՍՀ, ԽՍՀՄ
Վախճանվել է	օգոստոսի 8, 2021(2021-08-08) (84 տարեկան)
Մասնագիտություն	գրող, բանահավաք, արձակագիր և ուսուցիչ
Քաղաքացիություն	ԽՍՀՄ և  Հայաստան
Կրթություն	Հայկական պետական մանկավարժական համալսարան
Անդամակցություն	ՀԳՄ
Պարգևներ
Արկադի Ծատուրյան Վիքիդարանում

Արկադի Երվանդի Ծատուրյան (փետրվարի 7, 1937(1937-02-07), Խնձորեսկ, Գորիսի շրջան, Հայկական ԽՍՀ, ԽՍՀՄ - օգոստոսի 8, 2021(2021-08-08)), գրող, արձակագիր, բանահավաք, Հայաստանի գրողների միության անդամ, Հայաստանի գրողների միության Սյունիքի մասնաճյուղի նախկին նախագահ։

Կենսագրություն

Արկադի Ծատուրյանը ծնվել է 1937 թվականի փետրվարի 7-ին, Գորիսի շրջանի Խնձորեսկ գյուղում։ Ավարտել է Երևանի Խ․ Աբովյանի անվան մանկավարժական ինստիտուտի բանասիրական բաժինը և ստացել մանկավարժական բարձրագույն կրթություն։ Ավելի քան 49 տարի եղել է հայոց լեզվի և գրականության ուսուցիչ։ Խնձորեսկ գյուղի Գարեգին Սևունցի անվան միջնակարգ դպրոցում երկար տաիրներ եղել է ուսմասվար։

1989-2004 թվականներին եղել է Ներքին Խնձորեսկի նորաբաց դպրոցի տնօրենը։ 2004-2006 թվականներին դպրոցի տնօրենի պաշտոնակատար է եղել Խնձորեսկի միջնակարգ դպրոցում։

1977-1978 թվականներին աշխատել է «Զանգեզուր» շրջանային թերթում՝ որպես նամակների բաժնի վարիչ։

1910 թվականից հասարակական կարգով գլխավորել է Հայաստանի գրողների միության Սյունիքի մասնաճյուղը։ ՀՀԳ Գրողների միության անդամ է։

Գրքեր

Ստեղծագործությունների մի մասը (5-6 գիրք) նվիրված է ղարաբաղյան ազատամարտի դեպքերին ու իրադարձություններին, որոնք հիմնականում տեղի են ունենում Գորիսի սահմանների վրա։

1. «Կատակում, զվարճախոսում, սրամտում է Խնձորեսկը», 1998 թվական (երգիծանք)
2. «Թուրուսի խութի գրավումը» (վիպակ), 1998 թվական
3. «Հողի սիրով» (բանաստեղծությունների ժողովածու), 2001 թվական
4. «Արքաների խիղճը» (առակներ), 2001 թվական
5. «Զանգեզուրյան տաղեր» (ժողովրդական քառյակներ), 2001 թվական
6. «Մի կրակեք հայերի վրա» (պատմվածքներ) 2002 թվական
7. «Ապրելու իրավունքով» (պատմվածքներ) 2003 թվական
8. «Առանց հայրենքի չի կարելի» (պատմվածքներ) 2004 թվական
9. «Հայրենիքը սկսվում է ծննդավայրից» (պատմվածքներ) 2005 թվական
10. «Մարդ էլ կա, մարդ էլ» (խառը բանաստեղծություններ) 2004 թվական
11. «Ծիծաղում է Խնձորեսկը» (երգիծապատում) 2006 թվական
12. «Ծուխ Ծխանի» (պատմվածքներ, նովելներ) 2007 թվական
13. «Գորիսապատում» Ա (Գորիսի մասին) 2010 թվական
14. «Խոզնավար» (գյուղի պատմություն) 2010 թվական
15. «Գորիսապատում» Բ (Գորիս քաղաքի պատմություն) 2011 թվական
16. «Մեր Այվազյանը» (գրողի դիմանկար) 2012 թվական
17. «Գորիսապատում» Գ (Գորիս քաղաքի մասին) 2012 թվական

Պարգևներ

Պարգևատրվել է Մովսես Խորենացու մեդալով։

Ծանոթագրություններ

Վիքիդարանն ունի նյութեր, որոնք վերաբերում են «Արկադի Ծատուրյան» հոդվածին։