Արիս Ղազինյան

Արիս Ղազինյան;
Ծնվել է	հոկտեմբերի 25, 1967 (57 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	ԽՍՀՄ և Հայաստան
Կրթություն	Ջոն Կիրակոսյանի անվան թիվ 20 դպրոց (1984) և ԵՊՀ աշխարհագրության և երկրաբանության ֆակուլտետ (1991)
Մասնագիտություն	լրագրող, աշխարհագրագետ, պատմաբան և հրապարակախոս
Աշխատավայր	Ազգ և Երկիր
	Aristakes Ghazinyan Վիքիպահեստում

Արիս Ղազինյան (հոկտեմբերի 25, 1967(1967-10-25), Երևան, Հայկական ԽՍՀ, ԽՍՀՄ), հայ լրագրող, պոետ, պատմաբան, աշխարհագետ, հրապարախոս։ Զբաղվում է տարածաշրջանային քաղաքականության, պատմության և մշակույթի հարցերով^[1]։

Կենսագրություն

Ծնվել է 1967 թվականի հոկտեմբերի 25-ին Երևանում։ 1974-1984 թվականներին սովորել է Երևանի Ձերժինսկու անվան դպրոցում։ 1986–1991 թվականներին ուսանել է ԵՊՀ աշխարհագրության և երկրաբանության ֆակուլտետում, նեղ մասնագիտացումը՝ գեոմորֆոլոգ^[1]։

Աշխատանային գործունեություն

1993–1994 թվականներին աշխատել է ԵՊՀ «Ատլաս» լաբորատորիայում, որպես քարտեզագետ, իսկ Քարտեզագրության ու գեոդեզիայի ինստիտուտում աշխատել է որպես խմբագիր–քարտեզագետ։ 1994–1998 թվականներին աշխատել է «Ազգ» օրաթերթում որպես թղթակից^[1]։ 1999-2000 թվականներին աշխատել է «Երկիր» թերթում որպես թղթակից։ 2000 թվականից «Գոլոս Արմենիի» թերթի քաղաքական մեկնաբանն է^[1]։ 1998-2005 թվականներին որպես «Ազգ», «Երկիր» և «Գոլոս Արմենիի» թերթերի քաղաքական տեսաբան լուսաբանել է Արցախյան հակամարտության բանակցությունների ընթացքը։ Երկար տարիներ հանդիսացել է ռուսաստանյան «Կովկաս» վերլուծական կենտրոնի և «Ռեգնում» գործակալության փորձագետ^[1]։

Որպես հայ և միջազգային տեղեկատվական-վերլուծական հրատարակությունների սեփական և հատուկ թղթակից աշխատել է Անդրկովկասում, Ռուսաստանի մի շարք սուբյեկտներում (Հարավային Օսիա, Կաբարդա-Բալկարիա, Ինգուշիա, Չեչնիա, Դաղստան, Կալմիկիա, Թաթարստան, Բաշկորտոստան), Առաջավոր Ասիայի, Մերձավոր Արևելքի, Աֆրիկայի մի շարք երկրներում^[1]։

Աշխատություններ

Մի շարք գեղարվեստական գրքերի, ինչպես նաև մենագրությունների հեղինակ է, որոնց թվում են^[1].

Մենագրություններ

«Ադրբեջան» փորձադաշտը» («Полигон «Азербайджан»)
«Երևան. խաչով կամ խաչի վրա» («Ереван: с крестом или на кресте»)
«Ազգ» («Нация»)
«Ազգերի ֆանտոմային ցավերը կամ առողջ նախապաշարմունքները. դատողություններ հայերի ազգային բնավորության մասին երեք հատորով» («Фантомные боли наций или здоровые предрассудки: рассуждения об армянском национальном характере в трех книгах»)

Ծանոթագրություններ

↑ ^1,0 ^1,1 ^1,2 ^1,3 ^1,4 ^1,5 ^1,6 Արիս Ղազինյան. Ճանաչենք մեր պատմությունը և ձևակերպենք ազգային կյանքի բանաձևը(չաշխատող հղում)

[Օրեր-1] 1,0 ^1,1 ^1,2 ^1,3 ^1,4 ^1,5 ^1,6 Արիս Ղազինյան. Ճանաչենք մեր պատմությունը և ձևակերպենք ազգային կյանքի բանաձևը(չաշխատող հղում)

[1]