Արամ Քալանթարյան

Վիքիպեդիայից՝ ազատ հանրագիտարանից
Jump to navigation Jump to search
Արամ Քալանթարյան
Արամ Քալանթարյան.JPG
Ծնվել է1937
Սուխում, Վրացական Խորհրդային Սոցիալիստական Հանրապետություն, ԽՍՀՄ
Մահացել էմարտի 30, 2010(2010-03-30)
Ազգությունհայ
Մասնագիտությունակադեմիկոս
Ալմա մատերԵրևանի պետական համալսարան
Գիտական աստիճանպրոֆեսոր

Արամ Աշոտի Քալանթարյան (1937, Սուխում, Վրացական Խորհրդային Սոցիալիստական Հանրապետություն, ԽՍՀՄ - մարտի 30, 2010(2010-03-30)), հայ հնագետ-պատմաբան: Պատմական գիտությունների դոկտոր (1990): ՀՀ ԳԱԱ թղթակից անդամ (2006), ակադեմիկոս, հայագիտության և հասարակական գիտությունների դոկտոր-պրոֆեսոր[1]:

Կենսագրություն[խմբագրել | խմբագրել կոդը]

Ծնվել է 1937 թվականին Սուխումի քաղաքում։ Բարձրագույն կրթությունը ստացել է Երևանի պետական համալսարանի պատմության ֆակուլտետում (1955-1959 թվականներ)։ Արդեն ասպիրանտական ուսումնառության տարիներին ձևավորվեց նրա գիտական հետաքրքրությունների շրջանակը, այն է՝ միջնադարյան Հայաստանի նյութական մշակույթի ուսումնասիրությունն իր բազմակողմ դրսևորումներով, իսկ նշանավոր մայրաքաղաք Դվինը դարձավ նրա հնագիտական ուսումնասիրությունների գլխավոր ու հիմնական օբյեկտը, մինչև 1977 թվականը լինելով արշավախմբի անդամ, պետի տեղակալ, իսկ այնուհետև, իր ուսուցիչ, հնագետ-պատմաբան, պրոֆեսոր Կարո Ղաֆադարյանի մահից հետո՝ արշավախմբի պետ։ Նրա թեկնածուական և դոկտորական ատենախոսությունները («Դվինի նյութական մշակույթը 5-8-րդ դարերում» - 1966 թվական, «Միջնադարյան Դվին քաղաքը» - 1990 թվական), մի շարք մենագրություններ՝ «Դվին I, Կենտրոնական թաղամասի պեղումները 1964-1970 թվականների հաշվետվություն-ուսումնասիրությունը (1976 թվական), «Դվինի վաղմիջնադարյան կնքադրոշմները» (ռուսերեն) մենագրությունը (1982 թվական), Փարիզում ֆրանսերեն լեզվով «Մերձավոր Արևելքի քաղաքակրթությունը» մատենաշարով լույս տեսած Դվինի պատմությանն ու հնագիտությանը նվիրված «Dvin. Historie et archéologie de la ville médiévale» ստվարածավալ մենագրությունը (1996 թվական), նվիրված են այդ վարչաքաղաքական ու մշակութային կենտրոնի համակողմանի հետազոտությանը։

Պաշտոն[խմբագրել | խմբագրել կոդը]

1986 թվականին Արամ Քալանթարյանը ղեկավարել է համալսարանի նորակառույցների հնագիտության բաժինը, որը մեծ աշխատանքներ է տարել Հայաստանի տարբեր շրջաններում՝՝ հուշարձաններն ավերումից փրկելու և բազմակողմանի գիտական ուսումնասիրություն կատարելու ուղղությամբ։ Նրա գործուն մասնակցությամբ հանրապետության նորակառույցներում պայմանագրային եղանակով կազմակերպվել և աշխատել է 40 արշավախումբ։ 1993-2006 թվականներին Արամ Քալանթարյանը վարել է համալսարանի տնօրենի պաշտոնը և իր կազմակերպչական հմուտ ղեկավարման շնորհիվ, հատկապես երկրի համար դժվարին տարիներին, համալսարանը կարողացավ պահպանել գիտական ու կադրային-հիմնական ներուժը, նույնիսկ արձանագրեց որոշակի հաջողություններ։ Առանձնակի ձեռքբերումներ համալսարանն արձանագրեց նրա տնօրինության վերջին տարիներին։ Արամ Քալանթարյանը եղել է համալսարանի գիտական, ինչպես նաև գիտական աստիճաններ շնորհող խորհուրդների նախագահ։ Անդամ էր նաև մի քանի այլ համալսարանների և բուհերի գիտական խորհուրդների, ղեկավարում էր հայագիտության գծով թեմաների փորձագիտական հանձնաժողովի աշխատանքները։

Արամ Քալանթարյանը մահացել է 2010 թվականի մարտի 30-ին։

Երկեր[խմբագրել | խմբագրել կոդը]

  • Դվինի նյութական մշակույթը 4-8-րդ դարեր, Երևան, 1970:
  • Դվին 2, Երևան, 2002 (համահեղինակ):

Ծանոթագրություններ[խմբագրել | խմբագրել կոդը]