Աստերոլինոն աստղաձև
| Աստերոլինոն աստղաձև | |
 Աստերոլինոն աստղաձև | |
| Դասակարգում | |
| Թագավորություն | Բույսեր (Plantae) |
| Տիպ/Բաժին | Անոթավոր բույսեր (Tracheophyta) |
| Ենթատիպ | Սերմնավոր բույսեր (Spermatophytes) |
| Կարգ | Հավամրգածաղկավորներ (Ericales) |
| Ընտանիք | Գնարբուկազգիներ (Primulaceae) |
| Ենթաընտանիք | Միրսինայիններ (Myrsinoideae) |
| Ցեղ | Lysimachia |
| Տեսակ | Աստերոլինոն աստղաձև (L. linum-stellatum) |
| Միջազգային անվանում | |
| Lysimachia linum-stellatum | |
Աստերոլինոն աստղաձև (լատին․՝ Asterolinon linum–stellatum), գնարբուկազգիների ընտանիքին պատկանող ծածկասերմ բույս, որը գրանցված է Հայաստանի Հանրապետության Կարմիր գրքում։
Նկարագրություն[խմբագրել | խմբագրել կոդը]
1-5 (10) սմ բարձրությամբ միամյա խոտաբույս է։ Երկարավուն ձվաձև տերևները դասավորված են հակադիր։ Մազանման ծաղկակոթերը պտղի ժամանակ աղեղաձև կորացած են։ Բաժակի մասերը աստղաձև են և չռված։ Պսակը դեղնասպիտակավուն է[1]։
Տարածվածություն[խմբագրել | խմբագրել կոդը]
Հայաստանում հայտնի է Մեղրու ֆլորիստիկական շրջանում (Ալդարա)։ Աճում է նաև Արևելյան Անդրկովկասում, Ղրիմում, միջերկրածովյան ավազանի երկրներում և Հարավարևմտյան Ասիայում[1]։
Էկոլոգիա[խմբագրել | խմբագրել կոդը]
Աճում է ծովի մակարդակից 900-1100 մ բարձրությունների վրա, ստորին լեռնային գոտում, քարքարոտ լանջերին և ֆրիգանանման բուսականության մեջ։ Ծաղկում է ապրիլ ամսին, պտղաբերում` ապրիլ-մայիսին[1]։
Պահպանություն[խմբագրել | խմբագրել կոդը]
Կրիտիկական վիճակում գտնվող տեսակ է։ Հայտնի է մեկ պոպուլյացիա 10 կմ²-ից պակաս տարածման և բնակության շրջաններով։ Տեսակին սպառնում է աճելավայրերի պայմանների փոփոխություն՝ կապված գյուղատնտեսական հանդակների ընդարձակման և ենթակառուցվածքի զարգացման հետ։ Ընդգրկված չէ CITES–ի և Բեռնի կոնվենցիայի հավելվածներում։
Պահպանություն չի իրականացվում[1]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.
 | Վիքիցեղերն ունի նյութեր, որոնք վերաբերում են «Աստերոլինոն աստղաձև» հոդվածին։ |
|
|