Առավոտյան ժամը երեքին
Առավոտյան ժամը երեքին | |
---|---|
տեսակ | գեղանկար |
նկարիչ | Ջոն Սլոուն |
տարի | 1909 |
ստեղծման երկիր | ԱՄՆ |
նյութ | յուղաներկ[1] և կտավ[1] |
գտնվում է | Ֆիլադելֆիայի արվեստի թանգարան[1] |
հավաքածու | Ֆիլադելֆիայի արվեստի թանգարան |
Ծանոթագրություններ |
«Առավոտյան ժամը երեքին» (անգլ.՝ Three A.M.), ամերիկացի նկարիչ-իմպրեսիոնիստ, ռեալիստ Ջոն Սլոունի նկարներից[2]։ Այս ստեղծագործությունը հեղինակը վրձնել է 1909 թվականին։ Յուղաներկով կտավի չափերն են 81,6 × 66,7 սմ։
1946 թվականին կտավը մասնավոր հավաքածուից նվիրել են Ֆիլադելֆիայի արվեստի թանգարանին (Փենսիլվանիա, ԱՄՆ), որտեղ էլ պահպանվում և ցուցադրվում է մինչև օրս[3]։
Նկարագիր[խմբագրել | խմբագրել կոդը]
«Առավոտյան ժամը երեքին» ստեղծագործությունում պատկերված են երկու աղջիկ՝ համեստ խոհանոցում[4]․ վերջինս գտնվում է Մանհեթենի անառակաբարո թաղամասում[5]։ Աղջիկներից մեկը գիշերային վերնաշապիկով է, բոկոտն, աջ ձեռքին՝ սիգարետ, իսկ մյուս ձեռքով կերակուր է պատրաստում սալօջախի մոտ։ Մյուս աղջիկը հագնված է․ վերջինս նստած է սեղանի մոտ և սուրճ է խմում․ դիմացի աթոռակին դրված է գլխարկը։ Ըստ էության այս կինը սենյակ է մտել քիչ առաջ։ Աղջիկները միմյանց հետ անբռնազբոսիկ զրուցում են։ Վստահորեն չի երևում՝ նախաճաշո՞ւմ են նրանք, թե՞ ճաշում[6]։ Աղջիկների ստույգ զբաղվածությունը նկարում նույնպես չի երևում․ սակայն կա կարծիք, ըստ որի, հագնված կինը զբաղվում է պոռնկությամբ։ Պատկերված տանը հնարավոր է ապրեն և՛ մարմնավաճառներ, և՛ սովորական բանվորներ[7]։ Այսպիսով նկարն ունի նաև սոցիալ-քաղաքական ենթատեքս․ Սլոունը ուզեցել է ասել, որ միայնակ կինը մեծ քաղաքում կարող է լինել միջին վիճակագրական աշխատավոր, ոչ թե նաև մարմնավաճառ[4]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 http://www.philamuseum.org/collections/permanent/49982.html
- ↑ «Three A.M.». philamuseum.org (անգլերեն). Վերցված է 2024 թ․ հունվարի 3-ին.
- ↑ «Առավոտյան ժամը երեքին կտավը կայքում».
- ↑ 4,0 4,1 Schreiber, 2011, էջեր 106-108
- ↑ Janice Marie Coco John Sloan's Women: A Psychoanalysis of Vision. — University of Delaware Press, 2004. — P. 90. — 135 p. — ISBN 0874138663
- ↑ John Gross (1988 թ․ մայիսի 8). «NEW YORK; John Sloan's Bygone New York Depicted in All Its Splendor And Squalor» (անգլերեն). The New York Times. Արխիվացված օրիգինալից 2014 թ․ մարտի 9-ին. Վերցված է 2014 թ․ փետրվարի 4-ին.
- ↑ Elizabeth Alice Clement Love for Sale: Courting, Treating, and Prostitution in New York City, 1900-1945. — Univ of North Carolina Press, 2006. — P. 99. — 321 p. — (Gender & American culture). — ISBN 0807830267
Գրականություն[խմբագրել | խմբագրել կոդը]
- Rachel Schreiber Gender and Activism in a Little Magazine: The Modern Figures of the Masses. — Ashgate Publishing, Ltd., 2011. — P. 106-108. — 182 p. — ISBN 1409409457
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Առավոտյան ժամը երեքին կատեգորիայում։ |