Անտոնիու Սամպայնու դա Նովոա

Վիքիպեդիայից՝ ազատ հանրագիտարանից
Jump to navigation Jump to search
Անտոնիու Սամպայնու դա Նովոա
António de Sampaio da Nóvoa 2013 2.jpg
 
Կուսակցություն՝ անկախ քաղաքական գործիչ
Կրթություն՝ Ժնևի համալսարան, Լիսաբոնի համալսարան և Փարիզ Սորբոնի համալսարան
Մասնագիտություն՝ համալսարանի պրոֆեսոր, քաղաքական գործիչ և գրող
Ծննդյան օր դեկտեմբերի 12, 1954(1954-12-12) (65 տարեկան)
Ծննդավայր Valença
Քաղաքացիություն Flag of Portugal.svg Պորտուգալիա
 
Կայք՝ sampaiodanovoa.pt
 
Պարգևներ

Ռիու Բրանկու շքանշան, Grand Cross of the Order of Public Instruction? և honorary doctor of the University of Brasília?

Անտոնիու Սամպայնու դա Նովոա (պորտ.՝ António Manuel Seixas Sampaio da Nóvoa, դեկտեմբերի 12, 1954(1954-12-12), Valença), Պորտուգալիայի հոգեբանության և մանկավարժության ամբիոնի պրոֆեսոր, Լիսաբոնի համալսարանի նախկին ռեկտոր, Պորտուգալիայի 2016 թվականի նախագահական ընտրություններում անկախ թեկնածու[1]։

Կենսագրություն[խմբագրել | խմբագրել կոդը]

Անտոնիու Սամպայնու դա Նովոան ծնվել է 1954 թվականի դեկտեմբերի 12-ին Պորտուգալիայի Վալենսա քաղաքում[2]։ Իր գիտական կարիերան սկսել է 1982 թվականին Ժնևի համալսարանում, 1986 թվականին դոկտորական աստիճան է ստացել բնագիտական կրթության բնագավառում։ 1986-1987 թվականներին սերտորեն համագործակցել է Լիսաբոնի համալսարանի հետ։ 1987 թվականին շնորհվել է դոցենտի գիտական կոչում, 1990 թվականին՝ ադյունկտ-պրոֆեսորի և 1996 թվականին՝ Լիսաբոնի համալսարանի հոգեբանության և մանկավարժության ամբիոնի պրոֆեսորի կոչում: Գիտական խորհրդի նախագահ (1999, 2001), Լիսաբոնի համալսարանի պրոռեկտոր և ռեկտոր:

Անտոնիու Սամպայու դա Նովոան աշխատել է Մեդիսոնի Վիսկոնսինի համալսարանում (1993/1994) և Կոլումբիայի համալսարանում (2002): 1995 թվականին, կիսամյակի ընթացքում եղել է Փարիզի համալսարանի հրավիրյալ հետազոտող և 2001 թվականին Օքսֆորդի համալսարանում, 1996-1999 թվականներին Պորտուգալիայի նախագահի կրթության գծով խորհրդատու: 2005 թվականին արժանացել է Ժողովրդական լուսավորության Մեծ Խաչի շքանշանի։

Անտոնիու Սամպայու դա Նովոան եղել է 17 դոկտորական ատենախոսությունների ղեկավար կամ խորհրդատու, տարբեր բարձրագույն ուսումնական հաստատություններում, որոնց թվում են Լիսաբոնի համալսարանը, Պորտուի համալսարանը, Մինյուի համալսարանը, Ավեյրուի համալսարանը, Լիսաբոնի տեխնիկական համալսարանը, Սան Պաուլոյի համալսարանը և Բաիա նահանգի համալսարանը: 1986 թվականից գիտական խորհուրդների անդամ է գրեթե բոլոր պորտուգալական համալսարաններում, ինչպես նաև Բրազիլիայի, Կանադայի, Իսպանիայի, Ֆրանսիայի, ԱՄՆ-ի և Շվեյցարիայի մի շարք համալսարաններում, հանդիսանում է մի շարք ազգային և միջազգային գիտական ամսագրերի խմբագրական խորհրդի անդամ[3]։

Անտոնիու Սամպայու դա Նովոան ավելի քան 150 հրապարակումների հեղինակ է, այդ թվում՝ գրքերի և հոդվածների, որոնք հրապարակվել են աշխարհի 12 երկրներում[4]։

2016 թվականին Անտոնիու Սամպայու դա Նովոան իր թեկնածությունն է առաջադրել 2016 թվականի Պորտուգալիայի նախագահական ընտրություններում, որպես անկախ թեկնածու[5]։ Ստացել է Սոցիալիստական կուսակցության մի մասի, ինչպես նաև աշխատավորների մաոիստական Կոմունիստական կուսակցության և էկոսոցիալիստական ԼԻԲՐԵԻ աջակցությունը՝ հանդես գալով «խիստ խնայողական» քաղաքականությունից հրաժարվելու կարգախոսներով։ Անցած ընտրություններում 23% ձայներով զբաղեցրել է երկրորդ տեղը՝ զիջելով իր հիմնական մրցակցին՝ Մարսելո Ռեբելու դի Սոզային[6]։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]