Աննա Սֆորցա
| Աննա Սֆորցա | |
|---|---|
| Ծնվել է | հուլիսի 21, 1476 |
| Ծննդավայր | Միլան, Միլանի դքսություն |
| Մահացել է | նոյեմբերի 30, 1497 (21 տարեկան) |
| Մահվան վայր | Ֆեռարա, Duchy of Ferrara |
| Մասնագիտություն | ազնվական |
| Ամուսին | Ալֆոնսո I դ՛Էստե, Ֆերարայի դուքս |
| Ծնողներ | հայր՝ Գալեացո Մարիա Սֆորցա, մայր՝ Բոնա Սավոյացի |
| Երեխաներ | unknown son d'Este?[1] |
 Anna Maria Sforza Վիքիպահեստում | |
Աննա Մարիա Սֆորցա (անգլ.՝ Anna Maria Sforza, հուլիսի 21, 1476, Միլան, Միլանի դքսություն - նոյեմբերի 30, 1497, Ֆեռարա, Duchy of Ferrara), Ֆերարայի ապագա դուքս Ալֆոնսո I դ՛Էստեի առաջին կին, Ֆերարայի ժառանգական արքայադուստր։ Միլանի դուքս Գալեացո Մարիա Սֆորցայի ու վերջինիս երկրորդ կնոջ՝ Բոնա Սավոյացու երկրորդ օրինական դուստրն էր։
Կյանք[խմբագրել | խմբագրել կոդը]
Ծնվել է Միլանում ու հանդիսացել Միլանի դուքս Գալեացո Մարիա Սֆորցայի ու վերջինիս երկրորդ կնոջ՝ Բոնա Սավոյացու երկրորդ դուստրն ու վերջին օրինական երեխան։ Աննայի հայրական կողմի տատիկ-պապիկն են եղել Ֆրանչեսկո I Սֆորցան ու Բիանկա Մարիա Վիսկոնտին, որի պատվին էլ երեխան անվանակոչվել է։ Ունեցել է երկու ավագ եղբայր՝ Ջան Գալեացո Սֆորցան ու Տորտոնայի մարքիզ Հերմես Մարիա Սֆորցան, ինչպես նաև մեկ քույր՝ Բիանկա Մարիա Սֆորցան, որը սուրբ հռոմեական կայսր Մաքսիմիլիան I-ի երկրորդ կինն էր։
Երբ Աննան հինգ ամսական է եղել, 1476 թվականի դեկտեմբերի 26-ին՝ Ստեփանոս Նախավկայի հիշատակի օրը, նրա հայրիկին սպանել են Միլանի սուրբ Ստեփանոսի եկեղեցու ներսում․ միլանյան արքունիքի երեք բարձրաստիճան պաշտոնյաներ դանակահարել են նրան։
1477 թվականին պաշտոնապես նշանվել է Ֆերարայի դուքս Էրկոլե I դ՛Էստեի ժառանգորդ Ալֆոնսո I դ՛Էստեի հետ։ Արքայազն Ալֆոնսոյի հետ նրա հարսանիքը տեղի է ունեցել տասնչորս տարի անց՝ 1491 թվականի հունվարի 12-ին խնջույքների, ընդունելությունների և թատերական ներկայացումների ֆոնի վրա։ Սակայն ամուսնությունը երջանիկ չի եղել․ շիկահեր և կանացիությունից զուրկ Աննան՝ ամբողջ ժամանակ տղամարդու պես հագնված, հրաժարվել է կատարել ամուսնական պարտականությունները, նախընտրել այլ կանանց ընկերակցությունն ու ամեն գիշերն անցկացրել մի սևամորթ ստրուկի հետ[2]։
Ամուսնությունից միայն վեց տարի անց Աննան վերջապես հղիացել է, սակայն մահացել ծննդաբերության ժամանակ։ Որոշ աղբյուրներ նշել են, որ նրա որդին մահացել է մկրտությունից անմիջապես հետո, այլք[3][4][5][6] հաղորդել, որ նա ապրել է ու անունն Ալեսանդրո է եղել․ վախճանվել է 17 տարեկանում 1514 թվականին։ Աննային հուղարկավորել են Սան Վիտո վանքում, որի բարերարներից է եղել։ Ամուսինն ի վիճակի չի եղել մասնակցել հուղարկավորությանը, քանի որ այդ ժամանակ նրա դեմքն այլանդակված էր սիֆիլիսի պատճառով[7]։
Աննայի մահը վերջ է դրել Սֆորցա և Էստե տոհմերի միջև կապին։ 1502 թվականին Ալֆոնսոն կրկին ամուսնացել է․ նրա երկրորդ կինը Լուկրեցիա Բորջիան էր։
Ծանոթագրություններ[խմբագրել | խմբագրել կոդը]
- ↑ Lundy D. R. The Peerage
- ↑ Geneviève Chastenet: Lucrezia Borgia (Spanish version) 1995, Javier Vergara Editorial, p. 200. [retrieved 19 December 2014].
- ↑ Marek, Miroslav. «Complete Genealogy of the House of Este». genealogy.euweb.cz. Արխիվացված է օրիգինալից 2020 թ․ սեպտեմբերի 19-ին. Վերցված է 2014 թ․ դեկտեմբերի 17-ին.
- ↑ Alessandro d'Este in: geneanet.org [retrieved 17 December 2014].
- ↑ Alessandro d'Este in: geneall.net [retrieved 17 December 2014].
- ↑ Alessandro d'Este in: Genealogy Database by Herbert Stoyan Արխիվացված Դեկտեմբեր 18, 2014 Wayback Machine [retrieved 17 December 2014].
- ↑ Sarah Bradford, Lucrezia Borgia, Milano, Mondadori, 2005.
Արտաքին հղումներ[խմբագրել | խմբագրել կոդը]
 | Վիքիպահեստն ունի նյութեր, որոնք վերաբերում են «Աննա Սֆորցա» հոդվածին։ |
| ||||||
