Աննա Պերեննա
| Աննա Պերեննա | |
|---|---|
| Տեսակ | հռոմեական դիցարանի աստվածություն |
| Սեռ | իգական |
| Երևի համընկնում է | Աննա |
 Anna Perenna Վիքիպահեստում | |
Աննա Պերեննա (լատին․՝ Anna Perenna, annus՝ տարի և perennis՝ հավերժ, անընդհատ, տևական բառերից), հռոմեական դիցաբանության մեջ գալիք նոր տարվա աստվածուհին։
Ըստ հռոմեական օրացույցի՝ տոնը տեղի է ունեցել մարտյան իդերին (մարտի 15-ին)[1]։ Այդ օրը պետական և մասնավոր անձինք զոհաբերություն են արել աստվածուհու պատվին, աղոթել նրան[2]։ Տոները կազմակերպվում էին Մարսի դաշտում։ Տիբերի ափին թարմ խոտից վրաններ էին պատրաստում, տեղավորվում էին նրանց մեջ կամ բաց երկնքի տակ, մարդիկ գրկախառնվում էին, շատ խմում, երգում ծիծաղելի և անպարկեշտ երգեր։ Գոյություն ունի զզվելի պառավի կերպարով Աննա Պերեննային այրելու ավանդույթ, որը մինչև այսօր պահպանվել է Իտալիայի հին քաղաքներում։
Աստվածուհու ծագումը հստակ չէ։ Ենթադրվում է, որ նա առաջացել է որոշ ոչ հնդեվրոպական ժողովուրդների հավատալիքներից, ովքեր բնակվել են թերակղզում մինչև լատինացիների, իլլիրիացիների, ումբրների և հույների բնակեցումից։
Աննա Պերեննան համարվում է լուսնի մարմնավորումներից մեկը, նա տարին լրացնում է ամսվա կտորներով։ Լուսինը կամ Դիանան համարվում էին Յանուսի կանացի համարժեքները։
Պուբլիուս Օվիդիուս Նասոն Աննա Պերենոայի հետ կապված երեք առասպել է ներկայացնում.
- Աննա Պերեննան նույնականացվել է Դիդոնի քրոջ՝ Աննայի հետ։ Նա սիրում էր Էնեային և Կարթագենից եկել է նրա մոտ՝ Իտալիա։ Փախչելով նրա կնոջ՝ Լավինայի զայրույթից, խնդրում է գետերի Աստված Նումիայի հովանավորությունը, հետո խեղդվում Նումիցիա գետում և դառնում գետի հավերժահարսը՝ Պերեննա անունով։ Մարտին գետը վարարում է։
- Հռոմեական կայսրության վաղ շրջանում պլեբեյները պայքարում էին ազնվականների դեմ իրենց իրավունքների համար։ Արդյունքում հասարակ մարդիկ հեռանում էին քաղաքից, գնում Սրբազան լեռան մոտ և սոված մնում։ Պառավ Աննան ամեն օր Բովիլ կալվածքից նրանց համար թարմ թխած հաց էր բերում։ Նրա պատվին պաշտամունք է ձևավորվում։
- Աստվածուհի Աննա Պերեննային, որը պառավ կին էր, դիմում է Մարսը և խնդրում նրան օգնել ստանալ երիտասարդ և անմեղ Միներվայի բարեհաճությունը։ Աննան խոստանում է օգնել։ Մի որոշ ժամանակ անց Միներվան իսկապես գալիս է Մարսի մոտ՝ հասնացուի պես հագնված։ Մարսը շտապում է համբուրել նրան, ծածկոցն ընկնում է, և նրա առջև կանգնում է Աննան, որն սկսում է ծաղրել Մարսին՝ չհետևելով արտահայտություններին։ Մարտի 15-ին նրա պատվին հռոմեացի աղջիկները անպարկեշտ երգեր էին երգում։
Ծանոթագրություններ
[խմբագրել | խմբագրել կոդը]- ↑ Մինչև մ.թ.ա. 46 թվականին Հուլիոս Կեսարի կողմից օրացուցային բարեփոխումները տարին սկսվում էր մարտից։ Ըստ Հուլյան օրացույցի, տարվա սկիզբը դարձել է հունվարի մեկը
- ↑ Saturnalia 1.12.6
Արտաքին հղումներ
[խմբագրել | խմբագրել կոդը] | Վիքիպահեստն ունի նյութեր, որոնք վերաբերում են «Աննա Պերեննա» հոդվածին։ |
| ||||||
