Անհայտ հերոսի հուշարձան (Սերբիա)
 | |
|---|---|
 Անհայտ հերոսի հուշարձանը | |
 | |
 | |
| Տեսակ | հուշարձան, tomb of the unknown soldier?, հատուկ նշանակության մշակույթային հուշարձան, զինվորական գերեզմանատուն և դամբարան |
| Ճարտարապետ | Իվան Մեշտրովիչ |
| Ստեղծում | 1938 |
| Երկիր |  Սերբիա |
| Քաղաք | Բելգրադ |
| Բնակավայր | Բելգրադ |
| Ոճ | նեոդասական ճարտարապետություն |
| Ներկա վիճակ | կանգուն |
 Monument to the Unknown Hero (Avala) Վիքիպահեստում | |
Անհայտ հերոսի հուշարձան (սերբ.՝ Споменик Незнаном јунаку), Առաջին համաշխարհային պատերազմին նվիրված հուշարձան, որը գտնվում է Ավալա լեռան վրա՝ Սերբիայի մայրաքաղաք Բելգրադից հարավ-արևելք։
Հուշարձանի ճարտարապետական կառուցվածքի հեղինակն է Վիեննայի գեղարվեստի ակադեմիայի սան, խորվաթ ճարտարապետ Իվան Մեշտրովիչը։
Հուշահամալիրը կառուցվել է 1934-1938 թվականներին, այն վայրում, որտեղ թաղված է Առաջին համաշխարհային պատերազմում Սերբիայի համար կռված անհայտ մի զինվոր[1]։
Նման շատ փոքրիկ հուշարձաններ են կառուցվել նաև Սերբիայի այլ բնակավայրերում։ Անհայտ հերոսի հուշարձանի հարևանությամբ գտնվում է նաև Ժրնով բերդը։
Պատմություն
[խմբագրել | խմբագրել կոդը]Ներկայիս հուշարձանը կառուցվել է 1922 թվականին կառուցված անհայտ զինվորի հուշարձանի տեղում։ Ավելի վաղ, այդ հուշարձանը կառուցվել էր ի հիշատակ այն անհայտ զինվորի, որը սպանվել էր 1915 թվականին Ավստրո-Հունգարիայի դեմ մղվով մերտերից մեկում[2]:
1938 թվականին նոր հուշահամալիրի ստեղծումից հետո սերբ զինվորի մարմնի մնացորդները տեղափոխել են նոր հատկացված վայր։
Անհայտ հերոս-զինվորի նոր հուշահամալիրի շինարարությունը սկսվել է 1934 թվականին՝ Ժրնով բերդի մոտ, Ավալա սարի գագաթին։ Այդ ընթացքում քանդվել է տեղի հին հուշարձանը, որպեսզի տեղ ազատվի նոր հուշարձանի համար[3]։
Նոր հուշարձանի առաջին քարը դրել է Հարավսլավիայի թագավոր Ալեքսանդր I-ը։ Դրանից հետո մի քանի ամիս անց Հարավսլավիայի թագավորը սպանվում է Ֆրանսիայի Մարսել քաղաքում[3]։
Հուշարձանի շինարարությունը սկսվել է Առաջին համաշխարհային (1914-1918) և Բալկանյան պատերազմների (1912-1913) մասնակից, Հարավսլավիայի թագավոր Ալեքսանդր I-ի հրամանագրով։ Հուշարձանի արտաքին տեսքը մշակել է խորվաթ քանդակագործ Իվան Մեշտրովիչը, իսկ գլխավոր ինժեները եղել է Ստևան Ժիվանովիչը։
Հուշարձանի մշակմանը մասնակցել են նաև Հարավսլավիայի թագավորական բանակի և նավատորմի անդամները։ Հուշարձանը իր տեսքով նման է սարկոֆագի և պատրաստված է սև գրանիտից։ Հուշարձանի շուրջ գտնվում են Հարավսլավիայի բոլոր երկրների՝ Բոսնիա և Հերցեգովինայի, Չեռնոգորիայի, Դալմաթիայի, Խորվաթիայի, Սլովենիայի և Սերբիայի պաշտոնական լեզուներով ներկայացված գրություններ։
Հուշարձանի վերևում գտնվում է Ալեքսանդր I-ի մակագրությունը։ Հուշարձանը ունի 14,5 մետր (48 ֆուտ) բարձրություն և 36 մետր (118 ոտքերի) երկարություն։
2006 թվականին հուշարձանի շուրջը բարեկարգվել է[1][4]։ Ներկայումս այն գտնվում է Սերբիայի Հանրապետության վերահսկողության ներքո։
Ծանոթագրություններ
[խմբագրել | խմբագրել կոդը]- ↑ 1,0 1,1 «Անհայտ հերոսի հուշարձան». Սերբիայի հուշարձաններ (սերբերեն). Թվայնացման ազգային կենտրոն. Վերցված է 2013 թ․ սեպտեմբերի 16-ին.
{{cite web}}: External link in|publisher= - ↑ նիկոլիկ (2013 թ․ հուլիսի 31). «Սերբիայի անհայտ հերոսի հուշարձան». Novosti.rs (սերբերեն). Վեչերնե Նովոստի. Վերցված է 2013 թ․ սեպտեմբերի 16-ին.
- ↑ 3,0 3,1 «Անհայտ հերոսի հուշարձան, Ավալա լեռան ստորոտ». Novosti.rs (սերբերեն). 2013 թ․ օգոստոսի 7. Վերցված է 2013 թ․ սեպտեմբերի 16-ին.
{{cite web}}:|first1=missing|last1=(օգնություն) - ↑ JDP (2006 թ․ հուլիսի 14). «Անհայտ հերոսի հուշահամալիրի բարեկարգում». Novosti.rs (սերբերեն). Վերցված է 2013 թ․ սեպտեմբերի 16-ին.
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Անհայտ հերոսի հուշարձան (Սերբիա) կատեգորիայում։ |