Անխռովություն (լուսանկար)

Վիքիպեդիայից՝ ազատ հանրագիտարանից
Jump to navigation Jump to search
Picto infobox artiste.png
Անխռովություն
Newbyte S10 Mini-Note(Black) (2571533957).jpg
տեսակcomputer wallpaper? և Լուսանկար
նկարիչCharles O'Rear?
տարի1996
ժանրբնանկար
Ծանոթագրություններ
Commons-logo.svg Bliss Վիքիպահեստում
«After Microsoft» լուսանկար։ Նույն վայրը 2006 թվականի նոյեմբերին

«Անխռովություն», «Երանություն» (անգլ.՝ Bliss), BMP ձևաչափով պատկերի անվանումը, որը ներառվել է Microsoft Windows XP-ում և արվել է 1996 թվականին Կալիֆոռնիա նահանգի Սոնոմա շրջանում՝ Սոնոմական հովտից հարավ-արևելք՝ հին Clover Stornetta կաթնամթերքի ֆերմայի գտնվելու վայրից ոչ հեռու[1]։ Պատկերում արտացոլված են կանաչ բլուրները և կապույտ երկինքը՝ փետրավոր և շերտակույտային ամպերով։ Պատկերը կիրառվել է որպես Windows XP-ում Luna-ի ձևավորման ստանդարտ պաստառ։ 21-րդ դարի առաջին տասնամյակում այս լուսանկարը համարվել է աշխարհում ամենաշատ դիտվածը[2]։

Լուսանկարը արել է պրոֆեսիոնալ նկարիչ Չարլզ Օ՚Ռիերը[1][3]՝ Սեյնթ Հելենի բնակիչը (Կալիֆոռնիա նահանգ), HighTurn թվային դիզայն-ընկերության համար։ Օ՚Ռիերը նաև լուսանկարներ է արել Corbis մասնավոր ընկերության համար, որը պատկանում էր Բիլ Գեյթսին և Սիեթլում զբաղվում էր սթոք լուսանկարչությամբ և Նապա հովտի լուսանկարներով National Geographic ամսագրի՝ հովտի մասին մայիսյան թողարկման համար։ Չնայած Օ՚Ռիերը հիմնականում լուսանկարում էր Նապա հովտում գինեգործությունը, «Երանության» բլրի վրա խաղող չկար․ 90-ական թվականների սկզբին այդ խաղողի այգիները վարակվել էին խաղողի որդնալվիճով, ինչը դրանք դարձրել էր ոչ պիտանի և դրանք վերացվել են մի քանի տարով․ այն պահին, երբ Չարլզը արել է լուսանկարը (1996 թվականի հունվարին), բլուրները պատված էին խիտ կանաչ խոտով[4]։ «Դա այն է, ինչ պետք է։ Օ Աստված իմ, այս խոտը հիանալի է։ Այն կանաչ է։ Փայլում է արևը, միայն մի քիչ ամպեր»,- այսպես է հիշում իր մտքերի ընթացքը լուսանկարիչը։ Նա կանգ է առել Նապա-Սոնոմա տեղանքից ոչ հեռու և հեռացել է ճանապարհից, որպեսզի Mamiya RZ67-ի միջին ֆորմատի տեսախցիկը տեղադրի եռոտանու վրա և այն լիցքավորի Fujifilm ' s Velvia ժապավենով, որը հաճախ օգտագործվում է վայրի բնության լուսանկարիչների կողմից և հայտնի է գույների որոշակի սպեկտրի հագեցվածությամբ[5]։

Օ՚Ռիերը կարծում է, որ տեսախցիկի կոմբինացիան և ժապավենները ինչ-որ չափով նպաստել են լուսանկարի հաջողությանը. «Դա ստեղծում է բավականին մեծ տարբերություն, և ես կարծում եմ, որ դա օգնել է «Երանությանը» էլ ավելի շատ առանձնանալ, վստահ չեմ, որ այսպիսի արդյունք կստացվեր, եթե լուսանկարն արված լիներ 35-միլիմետրանոց ժապավենի վրա[6]»։ Նա ասել է, որ մինչ ինքը տեղադրում էր իր տեսախցիկը, կար հնարավորություն, որ երկինքը կպատվի ամպերով․ «Այդ ժամանակ ամեն ինչ փոխվում էր շատ արագ», նա արել է չորս նկար և վերադարձել մեքենայի մոտ։ Օ՚Ռիերի խոսքերով՝ լուսանկարը չի բարելավվել կամ թվային ճանապարհով ինչ-որ կերպ տեսափոխվել[6][7]։ Նկարը արվել է 12/121 մայրուղուց այն կողմ։ Մոտավոր տեղանքը՝ 3050 Ֆրեմոնտ Դրայվ, Սոնոմա, Կալիֆոռնիա։

Nuvola apps kview.png Արտաքին պատկերներ
Searchtool.svg То же место в мае 2010 года


Օ՚Ռիերի լուսանկարը ոգեշնչել է 200 մլն դոլար արժողությամբ «Այո, դու կարող ես» անվանումով գովազդային արշավին, որը կազմակերպել է Նյու Յորքի McCann Erickson գովազդային ընկերության Սան Ֆրանցիսկոյի ստորաբաժանումը։ Արշավը հեռարձակվել է ABC հեռուստաընկերությամբ 2001 թվականի НФЛ-ի խաղերից մեկի ժամանակ։ Հեռուստագովազդում օգտագործվել է Մադոննայի «Ray of Light» երգը, որի հեռուստատեսային իրավունքները Microsoftին արժեցել են 14 մլն դոլար[8][9][10][11]։

2006 թվականի նոյեմբերին Goldin+Senneby նկարչական նախագիծը այցելել է Սոնոմայի հովտի այն վայրը, որտեղ արվել է լուսանկարը՝ անելով «After Microsoft» լուսանկարը գրեթե նույն դիրքից 10 տարի անց[12]։

2006 թվականին շվեցյարացի լուսանկարիչ Սեբաստեն Մետրոն հանրությանն է ներկայացրել «Կանաչող բլուրներ՝ Բիլ Գեյթսի մոտիվներով» լուսանկարը։ Չնայած բնապատկերների հայտնի նմանությանը, Մետրոյի լուսանկարը արվել էր Շվեյցարիայում, ոչ թե Կալիֆոռնիայում[13]։

Ծանոթագրություններ[խմբագրել | խմբագրել կոդը]

  1. 1,0 1,1 Turner Paul (2004-02-22)։ «No view of Palouse from Windows»։ The Slice։ Արխիվացված է օրիգինալից 2008-01-20-ին։ Վերցված է 2011-03-20 
  2. «Say goodbye to ‘Bliss’ : St. Helena Star»։ Napa Valley Register։ Վերցված է 2015-12-08 
  3. Younger Carolyn (2010-01-18)։ «Windows XP desktop screen is a Napa image»։ Napa Valley Register։ Արխիվացված է օրիգինալից 2012-02-27-ին։ Վերցված է 2010-01-18 
  4. «Goldin+Senneby » Blog Archive » After Microsoft»։ goldinsenneby.com։ Արխիվացված է օրիգինալից 2014-02-20-ին։ Վերցված է 2015-12-08 
  5. «'Bliss' photog shares story of famous Windows XP image»։ NY Daily News։ Վերցված է 2015-12-08 
  6. 6,0 6,1 «The story behind the wallpaper we'll never forget» (անգլերեն)։ YouTube։ 2014-04-08։ Վերցված է 2015-12-08 
  7. Wayne Freedman։ «Iconic Windows XP background is photo of Sonoma County hillside»։ ABC7 San Francisco։ Վերցված է 2015-12-08 
  8. Saunders Christopher (16 October 2001)։ «Microsoft Hopes "Ray of Light" Makes XP Shine»։ ClickZ։ Արխիվացված է օրիգինալից 2012-02-27-ին։ Վերցված է 15 February 2010 
  9. «Windows XP takes to the air; Microsoft pushes new operating system with ads targeting both business and consumer markets»։ Goliath։ Արխիվացված է օրիգինալից 2012-02-27-ին 
  10. Thurrott Paul (11 October 2001)։ «Windows XP Marketing: Yes You Can»։ Windows IT Pro։ Արխիվացված է օրիգինալից 2012-02-27-ին։ Վերցված է 15 February 2010 
  11. The Complete Windows XP
  12. «After Microsoft»։ Goldin+Senneby։ 2007-04-05։ Արխիվացված է օրիգինալից 2012-02-27-ին։ Վերցված է 2010-02-15 
  13. Sébastien Mettraux (2014-12-19)։ «Безмятежность» (անգլերեն)։ sebastien-mettraux.ch։ Վերցված է 2016-09-21 

Արտաքին հղումներ[խմբագրել | խմբագրել կոդը]