Անդրկովկասյան լեռնային կուրամկնիկ
| Անդրկովկասյան լեռնային կուրամկնիկ | |
| Դասակարգում | |
| Կարգ | Կրծողներ (Rodentia) |
| Ենթակարգ | Մկնանմաններ (Myomorpha) |
| Վերնաընտանիք | Muroidea |
| Ընտանիք | Համստերանմաններ (Cricetidae) |
| Ենթաընտանիք | Դաշտամկներ (Arvicolinae) |
| Ցեղ | Կուրամկնիկներ (Ellobius) |
| Ենթացեղ | Afganomys |
| Տեսակ | Անդրկովկասյան լեռնային կուրամկնիկ (E. lutescens) |
| Միջազգային անվանում | |
| Ellobius lutescens | |
| Կարգավիճակ | |
Հատուկ պահպանության կարգավիճակ՝  Քիչ մտահոգող տեսակ | |
Անդրկովկասյան լեռնային կուրամկնիկ (լատ.՝ Ellobius lutescens), համստերանմանների ընտանիքի դաշտամկների ենթաընտանիքի կրծող կաթնասուն կենդանի։ Տարածված է ՀՀ կենտրոնական, հարավարևելյան մասերում (700-2500 մ բարձրություններում)։
Արտաքին կառուցվածք[խմբագրել | խմբագրել կոդը]
Մարմնի երկար, մինչև 128 մմ է, պոչինը՝ 18 մմ, կենդանի զանգվածը՝ միջինը 56 գ։ Մարմինը մոխրագույն է, գլուխը՝ դեղնավուն։ Ամենաբարձր խտությունը դիտվում է աշնանացանի և չօգտագործվող դաշտերում։ Ապրում է գետնափոր, երկու և ավելի մակարդակով, բարդ կառուցվածք ունեցող բնում, որը գետնի վրա հայտնաբերվում է բնից արտանետված հողակույտերի առկայությամբ։
Սննդառություն[խմբագրել | խմբագրել կոդը]
Սնվում է բույսերի արմատներով, սերմերով։ Ձմեռման համար բների կերային խցերում պահեստավորում է մինչև 5, 6 կգ պաշար։
Բազմացում և զարգացում[խմբագրել | խմբագրել կոդը]
Բազմանում է տարին 2-3 անգամ, յուրաքանչյուր անգամ ունենում է 3-6 ձագ։ Այս տեսակի մոտ հայտնաբերվել է սեռի ձևավորման տարօրինակ ձև և էգի, և արուի սեռական քրոմոսոմները X0 են, որը բերում է 50% սաղմնային մահացության։
Վարակակրությունը համաճարակաբանանական լուրջ նշանակություն չունի, քանի որ վարում է խիստ ստորգետնյա կյանք։ Մեծ վնաս է հասցնում հացաբույսերին։
Այս հոդվածի կամ նրա բաժնի որոշակի հատվածի սկզբանական տարբերակը վերցված է Հայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ 
|
|
Սա անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ Այս նշումը հարկավոր է փոխարինել համապատասխան թեմատիկ նշումով։ |