Անդրեյ Ղուկասյան

Վիքիպեդիայից՝ ազատ հանրագիտարանից
Jump to navigation Jump to search
Անդրեյ Ղուկասյան
Անդրեյ Ղուկասյան.png
Հայաստանի Լոռու մարզպետ
Նախորդող Հրանտ Մարգարյան
Հաջորդող ներկայումս պաշտոնավարում է
 
Կուսակցություն՝ Քաղաքացիական պայմանագիր
Կրթություն՝ Երևանի Մխիթար Հերացու անվան Պետական Բժշկական Համալսարան
Մասնագիտություն՝ ատամնաբույժ, պետական գործիչ և քաղաքական գործիչ
Ազգություն հայ
Ծննդյան օր օգոստոսի 12, 1980(1980-08-12) (39 տարեկան)
Ծննդավայր Կիրովական, Հայկական ԽՍՀ, ԽՍՀՄ
Քաղաքացիություն Flag of Armenia.svg Հայաստան

Անդրեյ Սերժիկի Ղուկասյան (օգոստոսի 12, 1980(1980-08-12), Կիրովական, Հայկական ԽՍՀ, ԽՍՀՄ), հայ քաղաքական, պետական գործիչ, ատամնաբույժ, Հայաստանի Լոռու մարզպետ (սկսած 2018 թվականի հոկտեմբերի 10-ից)[1]։

Կենսագրություն[խմբագրել | խմբագրել կոդը]

Ծնվել է 1980 թվականի օգոստոսի 12-ին Վանաձորում։ 1987-1995 թվականներին հաճախել է Վանաձորի թիվ 1 միջնակարգ դպրոցը: 1995-1997 թվականներին սովորել է Վանաձորի Ս. Աբովյանի անվան թիվ 1 վարժարանում: 1997-2002 թվականներին սովորել է Երևանի Մխիթար Հերացու անվան պետական բժշկական համալսարանի ստոմատոլոգիական ֆակուլտետում: 2002-2004 թվականներին ՌԴ Վորոնեժի Ն. Ն. Բուրդենկոյի անվան պետական բժշկական ակադեմիայի օրթոդոնտիայի ամբիոնում անցել է օրդինատուրա և ստացել է ստոմատոլոգ-օրթոդոնտի որակավորում:

2004-2006 թվականներին ծառայել է ՀՀ ԶՈւ որպես բուժծառայության սպա: 2006-2014 թվականներին աշխատել է Վան-Մեդ բժշկաստոմատոլոգիական կենտրոնում որպես բժիշկ-ստոմատոլոգ (օրթոդոնտ): 2009 թվականին անցել է վերապատրաստում ատամնային իմպլանտացիա մասնագիտությամբ և ստացել իմպլանտոլոգի որակավորում: 2007, 2011, 2013 թվականներին Գերմանիայում անցել է վերապատրաստում ատամնային իմպլանտացիա մասնագիտությամբ: 2014 թվականից մինչ օրս աշխատում է «Օպտիմում Դենտ» ստոմատոլոգիական կլինիկայում որպես հիմնադիր-տնօրեն և բժիշկ-ստոմատոլոգ (օրթոդոնտ, իմպլանտոլոգ)[2]:

Կուսակցական և քաղաքական գործունեություն[խմբագրել | խմբագրել կոդը]

2007 թվականից անդամակցել է ՀՅԴ-ին, որը լքել է 2016 թվականին[3]:

Քաղաքացիական պայմանագիր կուսակցության անդամ է:

2017 թվականի Խորհրդարանական ընտրություններին ԵԼՔ դաշինքի կողմից առաջադրվել է որպես ԱԺ պատգամավորի թեկնածու Լոռու մարզն ընդգրկող թիվ 9 ընտրատարածքում՝ ստանալով 287 ձայն:

2018 թվականին նշանակվել է Լոռու մարզպետի տեղակալ[4]: 2018 թվականի հոկտեմբերի 10-ին նշանակվել է Լոռու մարզպետ։

2018 թվականի դեկտեմբերի 9-ին մասնակցել է Հայաստան Հանրապետության Ազգային ժողովի արտահերթ ընտրություններին Լոռու մարզն ընդգրկող թիվ 9 ընտրատարածքում՝ ստանալով 4286 ձայն, ընրվել պատգամավոր, սակայն հրաժարվել մանդատից՝ պահպանելով Լոռու մարզպետի պաշտոնը:

Անձնական կյանք[խմբագրել | խմբագրել կոդը]

Ամուսնացած է, ունի երեք երեխա:

Ծանոթագրություններ[խմբագրել | խմբագրել կոդը]

Նախորդող
Հրանտ Մարգարյան
ՀՀ Լոռու մարզպետ
Անդրեյ Ղուկասյան

2018 թվականի հոկտեմբերի 10-ից
Հաջորդող
ներկայումս պաշտոնավարում է