Անդրեաս Քյոպկե

Վիքիպեդիայից՝ ազատ հանրագիտարանից
Անդրեաս Քյոպկե
Քաղաքացիությունը  Գերմանիա
Ծննդյան ամսաթիվ մարտի 12, 1962(1962-03-12)[1] (61 տարեկան)
Ծննդավայր Քիլ, Գերմանիայի Ֆեդերատիվ Հանրապետություն
Հասակ 182 սանտիմետր
Քաշ 80 կիլոգրամ
Դիրք դարպասապահ
Պատանեկան կարիերա
1967—1979 Գերմանիա Հոլշտայն
Մասնագիտական կարիերա*
Տարի Ակումբ Խաղ (Գոլ)
1979—1983 Գերմանիա Հոլշտայն 72 (-?)
1983—1984 Գերմանիա ՍԿ Շառլոտենբուրգ 38 (-68)
1984—1986 Գերմանիա Հերտա 71 (-107)
1986—1994 Գերմանիա Նյուրնբերգ 232 (-386/2)
1994—1996 Գերմանիա Այնտրախտ Ֆրանկֆուրտ 66 (-109)
1996—1998 Գերմանիա Օլիմպիկ Մարսել 64 (-61)
1998—2001 Գերմանիա Նյուրնբերգ 74 (-82)
Ազգային հավաքական
1990—1998 Գերմանիա Գերմանիա 59 (-34)
Մարզչական կարիերա
2004—2021 Գերմանիա Գերմանիա դարպ. մարզիչ
2019 Գերմանիա Հերտա դարպ. մարզիչ
2023— Հարավային Կորեա Հարավային Կորեա դարպ. մարզիչ
* Մասնագիտական կարիերայում ընդգրկված են միայն առաջնության խաղերը և գոլերը:

Անդրեաս Քյոպկե (գերմ.՝ Andreas Köpke, մարտի 12, 1962(1962-03-12)[1], Քիլ, Գերմանիայի Ֆեդերատիվ Հանրապետություն), գերմանացի ֆուտբոլիստ, դարպասապահ։ Հանդես է եկել Գերմանիայի հավաքականում։ 1990 թվականի աշխարհի չեմպիոն և 1996 թվականի Եվրոպայի չեմպիոն։ Ճանաչվել է 1993 թվականի Գերմանիայի լավագույն ֆուտբոլիստ, 1993 թվականի Գերմանիայի լավագույն դարպասապահ, 1996 թվականի աշխարհի լավագույն դարպասապահ։ Մասնակցել է 1990, 1994, 1998 թվականների աշխարհի և 1992 և 1996 թվականների Եվրոպայի առաջնություններին։ Եվրո-96-ից առաջ Անդրեաս Քյոպկեն եղել է հավաքականի դարպասապահ Բոդո Իլլգների փոխարինողը։ 1996 և 1998 թվականներին եղել է Գերմանիայի հավաքականի հիմնական դարպասապահը։

Ակումբային կարիերա[խմբագրել | խմբագրել կոդը]

Կարիերան սկսել է հայրենի քաղաքի «Հոլշտայն Քիլ» ակումբում։ Այնուհետև խաղացել է Մայնի Ֆրանկֆուրտի «Շառլոտենբուրգ», «Հերտա», «Նյուրնբերգ», «Այնտրախտ», «Մարսել» ակումբներում։ Ամենաշատ հանդիպումները Քյոպկեն անցկացրել է «Նյուրնբերգի» կազմում՝ 262[2]։ 1996 թվականի հուլիսին պայմանագիր է կնքել «Բարսելոնայի» հետ[3]։

2001 թվականի հունիսի 15-ին Քյոպկեն հրաժեշտի հանդիպում է ունեցել Նյուրնբերգի մարզադաշտում, որտեղ հավաքվել է 40 հազար հանդիսական[4]։ Ընդհանուր առմամբ 346 հանդիպում է անցկացրել Բունդեսլիգայում, 173-ը՝ երկրորդ Բունդեսլիգայում, 68-ը՝ Ֆրանսիայի ֆուտբոլի առաջնությունում։ 2010 թվականին «Նյուրնբերգ» ֆուտբոլային ակումբի կայքում ինտերնետային քվեարկության միջոցով Քյոպկեն ընտրվել է դարի լեգենդար դարպասապահ։

Կարիերան հավաքականում[խմբագրել | խմբագրել կոդը]

Քյոպկեի կարիերայի գագաթնակետը եղել է 1996 թվականը։ Եվրոպայի չեմպիոն դարձած Գերմանիայի հավաքականում նա ոչ միայն հիմնական դարպասապահն է եղել, այլև թիմի առաջատարներից մեկը։ Խմբային մրցաշարի վերջին խաղում Ջանֆրանկո Ձոլայից 11-մետրանոց է վերցրել, իսկ կիսաեզրափակչում Անգլիայի հավաքականի դեմ հետ է մղել Գարեթ Սաութգեյթի 11-մետրանոց հարվածը և ապահովել իր թիմի մասնակցությունը Եվրոպայի առաջնության եզրափակչին։ Քյոպկեն ճանաչվել է 1996 թվականի աշխարհի լավագույն դարպասապահ։

Եղել է Գերմանիայի հավաքականի հիմնական դարպասապահը նաև 1998 թվականի աշխարհի առաջնությունում։ Ավելի վաղ ընդունված որոշման համաձայն՝ հավաքականում ելույթներն ավարտել է այս մրցաշարից հետո։ Նրա հեռանալը ճանապարհ է բացել Օլիվեր Կանի համար։ Ընդհանուր առմամբ Քյոպկեն Գերմանիայի հավաքականի կազմում անցկացրել է 59 հանդիպում[5]։

Հավաքականում կարիերան շարունակել է 2004 թվականին՝ այս անգամ մարզչի դերում։ Այդ տարի գլխավորելով Բունդեսթիմը՝ Յուրգեն Կլինսմանը առաջին հերթին փոխել է դարպասապահների մարզչին. Թոնի Շումախերի փոխարեն դարպասապահների նոր մարզիչ է դարձել Անդրեաս Քյոպկեն։

2017 թվականի ապրիլին Գերմանիայի ֆուտբոլային միությունը երկարաձգել է պայմանագիրը Քյոպկեի հետ մինչև 2020 թվականի Եվրոպայի առաջնությունը[6]։

Անհատական ձեռքբերումներ[խմբագրել | խմբագրել կոդը]

  • Գերմանիայի տարվա ֆուտբոլիստ - 1993
  • Աշխարհի լավագույն ֆուտբոլիստ ՖՊՎՄՖ վարկածով - 1996
  • Եվրոպայի 1996 թվականի առաջնության լավագույն դարպասապահ (UEFA վարկածով)
  • Ընդգրկվել է Եվրոպայի 1996 թվականի առաջնության խորհրդանշական հավաքականի կազմում (ՈՒԵՖԱ վարկածով)

Ընտանիք[խմբագրել | խմբագրել կոդը]

Որդին՝ Պասկալ Քյոպկեն (ծնվել է 1995 թվականին), հարձակվող է[7]։

Ծանոթագրություններ[խմբագրել | խմբագրել կոդը]

  1. 1,0 1,1 Transfermarkt.com(բազմ․) — 2000.
  2. "Статистика Андреаса Кепке в матчах за клубы". Արխիվացված է the original 2021 թ․ դեկտեմբերի 29-ին. Retrieved 2023 թ․ նոյեմբերի 17.
  3. "У «БАРСЕЛОНЫ» ДBA ВРАТАРЯ. И КАКИХ!". Արխիվացված from the original on 2023 թ․ հունվարի 16. Retrieved 2023 թ․ հունվարի 16.
  4. "15 июня 2001 года прощальный матч Андреаса Кёпке собрал 40 тысяч зрителей". Արխիվացված է the original 2017 թ․ հոկտեմբերի 3-ին. Retrieved 2023 թ․ նոյեմբերի 17.
  5. "Статистика Андреаса Кепке в матчах за национальную сборную". Արխիվացված է the original 2019 թ․ նոյեմբերի 12-ին. Retrieved 2023 թ․ նոյեմբերի 17.
  6. "Немецкий футбольный союз продлил контракт с Кёпке (23.04.2017)". Արխիվացված է the original 2017 թ․ հոկտեմբերի 20-ին. Retrieved 2023 թ․ նոյեմբերի 17.
  7. "«Герта» подписала Паскаля Кепке — лучшего бомбардира «Эрцгебирге» и сына Андреаса Кепке (11.06.2018)". Արխիվացված է the original 2020 թ․ մայիսի 2-ին. Retrieved 2023 թ․ նոյեմբերի 17. {{cite web}}: no-break space character in |title= at position 32 (help)

Արտաքին հղումներ[խմբագրել | խմբագրել կոդը]