Այրոց

Վիքիպեդիայից՝ ազատ հանրագիտարանից
Այրոց
Տեսակ ախտանիշ
Ենթադաս կրծքավանդակի ցավ
ՀՄԴ-9 787.1
ՀՄԴ-10 R12
MedlinePlus 003114
MeSHID D006356
Heartburn Վիքիպահեստում

Այրոց[1] կամ այրուցք[2], կերակրափողի երկարությամբ այրման զգացում[3], որն ավելի է արտահայտվում ստորին հատվածում։

Այրոցի առաջացում[խմբագրել | խմբագրել կոդը]

Այրոցն առաջանում է ստամոքսի թթու պարունակությունը կերակրափող ընկնելիս։ Նշանակություն ունեն նաև վերջինիս լորձաթաղանթի բարձր զգայնությունը, ստամոքսի ֆունկցիայի խանգարումը և այլ գործոններ։ Առավել հաճախ այրոց նկատվում է ստամոքսահյութի բարձր թթվայնության, երբեմն այդ հյութում աղաթթվի պարունակության նվազման կամ նույնիսկ բացակայության դեպքում։

Այրոցն ուղեկցում է ստամոքսի տարբեր հիվանդությունների (խոցային հիվանդություն, ստամոքսաբորբ), նկատվում է նաև լեղապարկի բորբոքման, ստոծանու ճողվածքի և այլ դեպքերում։

Տարբեր դեղամիջոցներ, որոնք ընդունում են հիվանդության ժամանակ

Պատճառ[խմբագրել | խմբագրել կոդը]

Պատճառը որկորի մեջ թթու ստամոքսահյութ ընկնելն է, ինչպես և որկորի լորձաթաղանթի գերզգայուն դառնալը։ Առաջանում է ստամոքսի, տասներկումատնյա աղիքի խոցերի, լեղապարկի բորբոքումների, երբեմն հղիության ժամանակ։

Բուժում[խմբագրել | խմբագրել կոդը]

Բուժումը պետք է ուղղված լինի հիմնական հիվանդության վերացմանը։ Հիմնային միջոցների երկարատև, անկանոն օգտագործումը կարող է վնասակար լինել։ Դրանք հարկավոր է ընդունել բժշկի խորհրդով։ Սննդի օրաբաժնից պետք է հանել կծու և տապակած ուտելիքները։

Ծանոթագրություններ[խմբագրել | խմբագրել կոդը]

  1. «Gastroesophageal Reflux (GER) and Gastroesophageal Reflux Disease (GERD) in Adults»։ The National Institute of Diabetes and Digestive and Kidney Diseases։ Վերցված է 2015-07-24 
  2. «Pyrosis definition - Medical Dictionary definitions of popular medical terms easily defined on MedTerms» 
  3. «heartburn» Դորլանդի բժշկական բառարանում

Արտաքին հղումներ[խմբագրել | խմբագրել կոդը]

Այս հոդվածի կամ նրա բաժնի որոշակի հատվածի սկզբանական տարբերակը վերցված է Հանրամատչելի բժշկական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 1, էջ 356 CC-BY-SA-icon-80x15.png