Ահտո Լևի

Վիքիպեդիայից՝ ազատ հանրագիտարանից
Jump to navigation Jump to search
Ահտո Լևի
Ahto Levi.jpg
Ծնվել էհունիսի 18, 1931(1931-06-18)
ԾննդավայրԿուռեսաառե, Էստոնիայի Հանրապետություն
Վախճանվել էհունվարի 20, 2006(2006-01-20) (74 տարեկանում)
Վախճանի վայրՄոսկվա, Ռուսաստան
Մասնագիտությունգրող
Լեզուռուսերեն
ՔաղաքացիությունFlag of Estonia.svg Էստոնիայի Հանրապետություն
Flag of the Soviet Union.svg ԽՍՀՄ

Ահտո Լևի (էստ․՝ Ahto Levi), իսկական անունը՝ Լևի Լիպպու (էստ․՝ Levi Lippu) (18 հունիսի 193120 հունվարի 2006), էստոնացի խորհրդային գրող։ Ստեղծագործել է ռուսերեն։ «Գորշ գայլի նոթեր» վեպի հեղինակն է։

Կենսագրություն[խմբագրել | խմբագրել կոդը]

Լևի Լիպպուն ծնվել է Սաարեմաա կղզում՝ Կուռեսաառե քաղաքում։ 1944 թ. գերմանացիները նրան ստիպել են աշխատել օդանավակայանում։ Գերմանացիների նահանջի ժամանակ տարհանվել է Գերմանիա։ Պատերազմի ավարտից հետո ձերբակալվել է, տարվել ԽՍՀՄ ու տեղավորվել ճամբարում, որտեղից նա փախել է 1947 թ. և վերադարձել հայրենիք։ Այնտեղ նորից ձերբակալվել է, տարվել Տոմսկի շրջան, որտեղից փախչելուց ու Էստոնիա վերադառնալուց հետո միացել է անտառային եղբայրներին։ Վերջիններիս միանալու հիմնական պատճառն այն էր, որ նա իմացել էր հոր՝ չեկիստների կողմից սպանվելու մասին։ Սակայն հետագայում նա իմացել է, որ իր հորը սպանել է անտառային եղբայրների հրամանատարներից մեկը։ Սպանելով այդ հրամանատարին ու նրա գործակիցներից մեկին՝ Լևի Լիպպը հանձնվել է իշխանություններին, բանտարկությունն անցկացրել Ռուսաստանի մի քանի բանտերում։

Բանտից ազատվելուց հետո ապրել է Մոլդավիայում, 1965—1967 թթ. երկրաբանական արշավախմբի հետ աշխատել է Կարպատներում, այնուհետև մինչև 1968 թ. ձկնորսությամբ է զբաղվել Սախալինում[1]։

1968 թ. լույս է տեսել նրա ինքնակենսագրական վեպը՝ «Գորշ գայլի նոթեր», որ գրել էր բանտարկության տարիներին։ Այդ վեպի հիման վրա1972 թ. կինոռեժիսոր Վլադիմիր Բասովը նկարահանել է «Վերադարձ կյանք» ֆիլմը։

Նրա ստեղծագործությունները թարգմանվել են մի շարք լեզուներով։

Կյանքի վերջին տարիներն անցկացրել է Մոսկվայում ու Տարտուում։ Մահացել է 2006 թ. հունվարի 20-ին Մոսկվայում։

Ստեղծագործություններ[խմբագրել | խմբագրել կոդը]

  • Бежать от тени своей
  • Записки Серого Волка
  • Мор (роман о воровской жизни, резне и Воровском законе)
  • Посредине пути
  • Такой смешной Король!
    • Повесть первая։ Король
    • Повесть вторая։ Оккупация
    • Повесть третья։ Капкан

Էկրանավորում[խմբագրել | խմբագրել կոդը]

  • Վերադարձ կյանք (ֆիլմ, 1972)

Ծանոթագրություններ[խմբագրել | խմբագրել կոդը]

  1. Kes on kes? Kes on kus? Kaugete maade eestlased. Lühielulood. Vello Lään. Olion 2011.

Արտաքին հղումներ[խմբագրել | խմբագրել կոդը]