Ալ-Խազնա

Ալ-Խազնա; արաբ․՝ الخزنة‎‎‎‎
Հիմնական տվյալներ
Տեսակ	հնագիտական հուշարձան և դամբարան
Երկիր	Հորդանան
Տեղագրություն	Al-Betrā'?
Հիմնական ամսաթվերը	1-ին դար
Մասն է	Պետրա
Հիմնադիր	Արետաս 4-րդ Ֆիլոպատրիս
Ճարտարապետական ոճ	հելլենական
Հիմնադրված	1-ին դար
Շինանյութ	ավազաքար
	Al Khazneh Վիքիպահեստում

Ալ-Խազնա (արաբ․՝ الخزنة‎‎‎‎, բառացի՝ գանձարան), հելլենականության դարաշրջանի նաբաթեական տաճար Պետրայում՝ ժամանակակից Հորդանանի տարածքում։

Ճարտարապետական կառույց է ամբողջական հսկա ժայռից՝ կառուցված 1-ին դարում։ Շինության դիմային հատվածն ունի 40 մ բարձրություն և 25 մ լայնություն։ Մի վարկածի համաձայն՝ տաճարը կառուցել է նաբաթեացի արքա Արեֆա 4-րդ Ֆիլոպատրը որպես սեփական դամբարան^[1]։

Ժամանակի հետ տաճարի նախնական անունը մոռացության է տրվել։ Արաբները ենթադրել են, որ Մովսես մարգարեի ժամանակ այստեղ իր գանձերն է պահել եգիպտական փարավոնը. հենց այդտեղից էլ ծագել է անունը։ Մեկ ուրիշ վարկածի համաձայն՝ տաճարում իրենց գանձերը թաքցրել են քարավաններ թալանող ավազակները։

Ալ-Խազնան ամբողջ աշխարհին մեծապես հայտնի է Սթիվեն Սփիլբերգի «Ինդիանա Ջոնսը և խաչակրաց վերջին արշավանքը» ֆիլմից. տաճարը համարվում է տարածքի ամենահանրաճանաչ տեսարժան վայրը։ Այն երբեմն շփոթում են նաբաթեական մեկ այլ տաճարի՝ Ադ-դեյրի հետ։