Ալստի բեֆրուա
Ալստի բեֆրուա Schepenhuis van Aalst | |
---|---|
Երկիր | Բելգիա |
Հիմնական թվականներ՝ | 1225 |
Ալստի բեֆրուա, քաղաքային խորհրդի շենք Բելգիայի Արևելյան Ֆլանդրիա նահանգի Ալստ քաղաքի կենտրոնական հրապարակում։ Քաղաքային խորհրդի շենքը բաղկացած է երեք մասից` քաղաքային խորհրդի շենք, ենթամաս և աշտարակ[1]։ Մյուս բելգիական և ֆրանսիական այլ բեֆրուաների հետ միասին Աալստի բեֆրուան ընդգրկված է ՅՈՒՆԵՍԿՕ-ի Համաշխարհային ժառանգության օբյեկտների ցանկում[2]։ Ներկայիս շենքը թվագրվում է 15-րդ դարին։
Քաղաքային խորհրդի առաջին շենքը կառուցվել է 1225 թվականին՝ Լեդեի մոտ գտնվող հանքավայրից արդյունահանվող կրաքարից։ 1380 թվականին, երբ Աալստը քանդվել է Գենտի բնակիչների կողմից, Ֆլանդրիայի կոմս Լյուդովիկոս II-ի ղեկավարությամբ, քաղաքի ավագանու շենքը այրվել է։ Պահպանվել է էր միայն արևելյան ճակատը։ Արևմտյան ճակատի վերականգնումը սկսվել է 1407 թվականին։ 1879 թվականի հուլիսի 7-ին Կերմերսե քրիստոնեական տոնակատարության ժամանակ շենքը նորից է այրվել և վերականգնվել է 1886 թվականին։
Բեֆրուայիի շինարարությունը սկսվել է 1460 թվականին, և նույն տարում կառուցվել է կարիլյոնը։ մեխելենյան վարպետ Վրանկի առաջին կարիլյոնը փոխարինվել է 1714 թվականինին, իսկ զանգերը վերականգնվել են 1879 թվականին տեղի ունեցած հրդեհից հետո։ Այսօր կարիլյոնը ունի 52 զանգ։ Բեֆրուայի ճակատը զարդարված է երկու քանդակներով։ Դրանց միջև 1460-1879 թվականները տեղադրված է եղել արևային ժամացույց։ Ճակատի վրա նաև արձանագրված էր Ֆիլիպ II-ի կարգախոսը` «NEC SPE NEC METU» (լատիներենից` «Ոչ հույսով, ոչ էլ վախով»)։
Քաղաքային խորհրդի շենքին հարող ենթաթևը ծառայել է որպես օրենքների հռչակման վայր և ղեկավարների քաղաքային ազատություններին հավատարիմ մնալու երդման վայր։ Ենթաթևի ճակատը զարդարված է հինգ քանդակներով։ Դրանք են՝
- Թեմիս՝ արդարության աստվածուհի
- Կառլոս V կայսր, որի օրոք կառուցվել է ենթաթևը
- «Աալստի երեխաներ», Դիտրիխ, Աալստի վերջին կոմսը (մահացել է 1166 թվականին)
- Պիտեր Կուկե վան Ալստ, նկարիչ
- Կոռնելիոս Դե Սխրեյվեր, բանաստեղծ և գրող
Ծանոթագրություններ
[խմբագրել | խմբագրել կոդը]Արտաքին հղումներ
[խմբագրել | խմբագրել կոդը]- Het Oud-Schepenhuis 'Belfort van Aalst', Aalst city website (retrieved 20 November 2006)
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Ալստի բեֆրուա կատեգորիայում։ |