Ալեքսանդր Ալփասլան

Ալեքսանդր Ալփասլան
Ծննդյան անուն	հայ․՝ Ալեքսանդր Փանոսյան
Ծնվել է	1859
Ծննդավայր	Կոստանդնուպոլիս, Օսմանյան կայսրություն
Վախճանվել է	1919
Մասնագիտություն	բանաստեղծ
Լեզու	արեւմտահայերէն
Ալեքսանդր Ալփասլան Վիքիդարանում

Ալեքսանդր Ալփասլան (իսկական ազգանունը՝ Փանոսյան, 1859-1919), հայ բանաստեղծ։

Կենսագրություն

Ծնվել է Կ. Պոլսում, ավարտել Նուպար-Շահնազարյան դպրոցը։ Հրատարսւկել է բանաստեղծությունների երեք ժողովածու՝ «Շողեր և ցողեր» (1884), «Այգեկութ» (1908) և «Ազատ քնար» (1908)։

Երկեր

Ալեքսանդրի երկերին հատուկ են հղկված լեզուն, մատչելի արտահայտչաձևը։ Երբեմն տուրք է տվել ձևապաշտությանը, բայց հրաժարվել է ռոմանտիկական վերացական պաթոսից, անդրերկրային թեմաներից։ Ալեքսանդրը ներբողել է կյանքի գեղեցկություններն ու վայելքը («Ի՜նչ փույթ», «Բաժակներ», «Աո Արուսյակ» և այլն), բնության և սիրո զարթոնքը («Մատունք կուսին», «Աչերը», «Բերան կուսին»)։

Մանկական բանաստեղծություններում ձգտել է մատաղ սերնդին սիրել տալ կյանքն ու բնությունը, սովորեցնել մայրենի լեզուն («Աստծո մոմերը», «խրթին հարցում», «Արդար բողոք», «Կաղանդն, որ չի գար»)։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։