Ալեման

Ալեման
Քաղաքացիությունը	Բրազիլիա
Ծննդյան ամսաթիվ	նոյեմբերի 22, 1961 (62 տարեկան)
Ծննդավայր	Lavras, Մինաս Ժերաիս, Բրազիլիա
Հասակ	182 սանտիմետր
Քաշ	76 կիլոգրամ
Դիրք	կիսապաշտպան

Ալեման (իրական անունը՝ Ռիկարդո Ռոժերիո դե Բրիտո, պորտ.՝ Ricardo Rogerio de Brito, նոյեմբերի 22, 1961(1961-11-22)^[1]^[2], Lavras, Մինաս Ժերաիս, Բրազիլիա), բրազիլացի ֆուտբոլիստ, կիսապաշտպան^[3]։

Կենսագրություն[խմբագրել | խմբագրել կոդը]

Ռիկարդո Ռոժերիո դե Բրիտոն, որ ավելի հայտնի է Ալեման անունով (թարգմանաբար՝ «Գերմանացի») ծնվել է 1961 թվականի նոյեմբերի 22-ին Մինաս Ժերայս նահանգի Լավրաս քաղաքում։ Նրա մականունը պորտուգալերենից թարգմանաբար նշանակում է «գերմանացի», և նա այն ստացել է մազերի և մաշկի բաց գույնի համար, որը հատուկ է եղել Գերմանիայից ներգաղթածներին^[4]։ Ալեման կարիերան սկսել է 1980 թվականին Մինաս Ժերայս նահանգի «Ֆաբրիլ» թիմի կազմում։ Երբ լրացավ նրա 19 տարեկանը, նա տեղափոխվել է Ռիո դե Ժանեյրոի հայտնի «Բոտաֆոգո»։

Ալեմանը «Բոտաֆոգոյում» խաղացել է մինչև 1987 թվականը, դրանից հետո տեղափոխվել է Եվրոպա, որտեղ հիմնական հաջողությունների է հասել «Նապոլիի» կազմում Կարեկայի և Մարադոնայի հետ։ 1989 թվականին Ալեմանը մասնակցել է Իտալիայի գավաթի և ՈՒԵՖԱ-ի գավաթի եզրափակիչներին, իսկ մեկ տարի անց հաղթել է Իտալիայի առաջնությունում և Սուպերգավաթի խաղարկությունում։

Ալեմանի անձնական մրցանակներից նշանակալի է «Արծաթե գնդակ» մրցանակը «Բոտաֆոգոյի» կազմում, որն ստացել է որպես խաղացող, որը «Պլակար» ամսագրի վարկածով ընդգրկվել է 1985 թվականի Բրազիլիայի առաջնության խորհրդանշական հավաքականում, ինչպես նաև 1988 թվականին Իսպանիայի առաջնությունում հանդես եկող հարավամերիկյան լավագույն ֆուտբոլիստի մրցանակը, որին արժանացել է «Ատլետիկո Մադրիդի» կազմում խաղալիս։

1994 թվականին Ալեմանը վերադարձել է Բրազիլիա, որտեղ երկու մրցաշրջան է անցկացրել «Սան-Պաուլուում», իսկ հետո տեղափոխվել է «Վոլտա-Ռեդոնդա», որտեղ էլ ավարտել է իր պրոֆեսիոնալ կարիերան։

Ձեռքբերումներ[խմբագրել | խմբագրել կոդը]

Ակումբային

ՈՒԵՖԱ-ի գավաթի դափնեկիր (1989)
Իտալիայի չեմպիոն (1990)
Իտալիայի գավաթի խաղարկության եզրափակչի մասնակից (1989)
Իտալիայի սսուպերգավաթակիր (1990)
ԿՈՆՄԵԲՈԼ-ի գավաթի դափնեկիր (1994)
Հարավային Ամերիկայի Ռեկոպայի դափնեկիր (1994)

Հավաքականում

Ամերիկայի գավաթի դափնեկիր (1989)
Աշխարհի առաջնությունների մասնակից (1986), (1990)

Անձնական

Արծաթե գնդակի դափնեկիր («Պլակար» ամսագրի վարկածով)՝ (1985)
Հարավային Ամերիկայի լավագույն խաղացողի մրցանակի դափնեկիր (EFE Trophy) («Ատլետիկո Մադրիդ», 1988)

Մարզչական կարիերա[խմբագրել | խմբագրել կոդը]

2007 թվականին գլխավորել է «Տուպունամբաս» ակումբը։ 2008 թվականին գլխավորել է «Ատլետիկո Մինեյրոն», սակայն երկար չի մնացել այդ պաշտոնում։

Ծանոթագրություններ[խմբագրել | խմբագրել կոդը]

↑ ^1,0 ^1,1 Transfermarkt.com(բազմ․) — 2000.
↑ ^2,0 ^2,1 Արգենտինական ֆուտբոլի տվյալների շտեմարան (իսպ.)
↑ «Alemão (ex-volante do Botafogo e São Paulo)» (Portuguese). Milton Neves. 2008 թ․ օգոստոսի 14. Արխիվացված է օրիգինալից 2011 թ․ հոկտեմբերի 2-ին. Վերցված է 2008 թ․ օգոստոսի 29-ին.{{cite web}}: CS1 սպաս․ չճանաչված լեզու (link)
↑ «Alemao, c'era anche lui nel Napoli dello scudetto». Il Corriere dello Sport (Italian). 2011 թ․ նոյեմբերի 21. Արխիվացված է օրիգինալից 2014 թ․ հունվարի 1-ին. Վերցված է 2020 թ․ հունիսի 26-ին.{{cite news}}: CS1 սպաս․ չճանաչված լեզու (link)

[_42044f1da09dd544-1] 1,0 ^1,1 Transfermarkt.com(բազմ․) — 2000.

[_2331246326717f8e-2] 2,0 ^2,1 Արգենտինական ֆուտբոլի տվյալների շտեմարան (իսպ.)

[miltoneneves-3] «Alemão (ex-volante do Botafogo e São Paulo)» (Portuguese). Milton Neves. 2008 թ․ օգոստոսի 14. Արխիվացված է օրիգինալից 2011 թ․ հոկտեմբերի 2-ին. Վերցված է 2008 թ․ օգոստոսի 29-ին.{{cite web}}: CS1 սպաս․ չճանաչված լեզու (link)

[anche_lui-4] «Alemao, c'era anche lui nel Napoli dello scudetto». Il Corriere dello Sport (Italian). 2011 թ․ նոյեմբերի 21. Արխիվացված է օրիգինալից 2014 թ․ հունվարի 1-ին. Վերցված է 2020 թ․ հունիսի 26-ին.{{cite news}}: CS1 սպաս․ չճանաչված լեզու (link)

[1]

[2]

[3]

[4]