Ալբերտ Նալբանդյան

Վիքիպեդիայից՝ ազատ հանրագիտարանից
Jump to navigation Jump to search
Ալբերտ Նալբանդյան
Ծնվել էօգոստոսի 20, 1940(1940-08-20) (78 տարեկան)
ԾննդավայրՎլադիկավկազ, ՌԽՖՍՀ, ԽՍՀՄ
Մասնագիտությունբանաստեղծ, թարգմանիչ և խմբագիր
ԱնդամակցությունՀայաստանի գրողների միություն

Ալբերտ Մամիկոնի Նալբանդյան (օգոստոսի 20, 1940(1940-08-20), Վլադիկավկազ, ՌԽՖՍՀ, ԽՍՀՄ), հայ բանաստեղծ, թարգմանիչ, խմբագիր: Հայաստանի գրողների միության անդամ (1976):

Կենսագրություն[խմբագրել | խմբագրել կոդը]

Ալբերտ Նալբանդյանը ծնվել է 1940 թվականին ՌԴ Օրջոնիկիձե քաղաքում: 1948 թվականին ընտանիքով փոխադրվել է Մոզդոկ: 1958 թվականին ավարտել է Մոզդոկի N 1 միջնակարգ դպրոցը: 1963 թվականին ավարտել է Օրջոնիկիձե քաղաքի մանկավարժական ինստիտուտի բանասիրական ֆակուլտետը: Հյուսիս-Օսեթական հեռուստատեսության ստուդիայի գրական-դրամատիկական և երաժշտական հաղորդումների բաժնում աշխատել է որպես ավագ խմբագիր: 1969 թվականին փոխադրվել է Դոնբաս և աշխատել «Մակեևսկի ռաբոչի» թերթի խմբագրությունում որպես պատասխանատու քարտուղար: 1979 թվականին ավարտել է Մոսկվայի Մաքսիմ Գորկու անվան գրականության ինստիտուտի բարձրագույն դասընթացները: Աշխատել է Մոզդոկ, Օրջոնիկիձե, Մակեևկա քաղաքներում։ 1973 թվականից բնակվում է Երևանում։ 1983-1987 թվականներին եղել է «Սովետական գրող» հրատարակչության բաժնի վարիչ, 1987 թվականից՝ Հայաստանի գրողների միության «Լիտերատուրնայա Արմենիա» հանդեսի գլխավոր խմբագիրն է[1][2]։ Հեղինակ է շուրջ 35 թարգմանական գրքի[3]։

Ալբերտ Նալբանդյանի բանաստեղծությունների առաջին ժողովածուն՝ «Կիսաձայն», լույս է տեսել 1963 թվականին, Օրջոնիկիձեում: Վրացերենից ռուսերեն է թարգմանել Շ. Ռեխվիաշվիլու բանաստեղծությունների ժողովածուն (լույս է տեսել 1969 թվականին):

Թարգմանություններ (հայերենից)[խմբագրել | խմբագրել կոդը]

  • Անատոլի Հովհաննիսյան, Լռության խորքից, Երևան, 2011։
  • Վարդան Հակոբյան, Թևերի հեռուն, Ստեփանակերտ, 2008։
  • Վահան Տերյան, Քնարերգություն, Երևան, 2006
  • Հովհաննես Հովհաննիսյան, Քնարերգություն, Երևան, 1994։
  • Արմանդ, Մելնալկոնիս, Կապի ստուգում (լատիշերենից) Մոսկվա, 1981։

Պարգևներ[խմբագրել | խմբագրել կոդը]

  • «Վահան Տերյան» գրքի համար (ռուսերեն-հայերեն) արժանացել է ՀԳՄ և Մայր Աթոռ Սուրբ Էջմիածնի «Կանթեղ» թարգմանական մրցանակի, 2008

Ծանոթագրություններ[խմբագրել | խմբագրել կոդը]