Ալբերտ Սարգսյան (ֆուտբոլիստ)

Անվան այլ կիրառումների համար տե՛ս՝ Ալբերտ Սարգսյան (այլ կիրառումներ)

Վիքիպեդիայում կան հոդվածներ Սարգսյան ազգանունով այլ մարդկանց մասին։

Ալբերտ Սարգսյան Альберт Саркисян
Անձնական տվյալներ
Ամբողջական անուն	Ալբերտ Էլվադիկի Սարգսյան
Քաղաքացիությունը	Ռուսաստան Հայաստան
Ծննդյան ամսաթիվ	մայիսի 15, 1975(1975-05-15) (49 տարեկան)
Ծննդավայր	Նալչիկ, ՌԽԴՍՀ
Հասակ	182 սմ
Դիրք	Կիսապաշտպան
Ակումբային տեղեկություններ
Ներկա ակումբ	Ավարտել է կարիերան
Մասնագիտական կարիերա*
Տարի	Ակումբ	Խաղ	(Գոլ)
1992—1997 Սպարտակ (Նալչիկ) 115 (25) 1997—2001 Լոկոմոտիվ 76 (8) 1997—1998 →  Լոկոմոտիվ-2 20 (7) 2002 Տորպեդո 16 (1) 2002—2003 →  Արսենալ Կիև 11 (1) 2003—2004 Ալանիա 19 (3) 2005—2006 Ամկար 35 (1) 2007 Թերեք 10 (0) 2008 Նիկա Մոսկվա 6 (0) 2008—2009 ՄՎԴ Ռոսիի 23 (8) 2009 Աթըրաու 8 (1) 2010 Լոկոմոտիվ-2 17 (1)}
Ազգային հավաքական
1990 ԽՍՀՄ 1 (0) 1997—2005 Հայաստան 33 (3)
* Մասնագիտական կարիերայում ընդգրկված են միայն առաջնության խաղերը և գոլերը:

Ալբերտ Էլվադիկի Սարգսյանը (ռուս.՝ Альберт Эльвадикович Саркисян, մայիսի 15, 1975, Նալչիկ, Կաբարդա–Բալկարական ԻԽՍՀ, ՌԽԴՍՀ) ռուսաստանյան ծագումով հայ նախկին ֆուտբոլային կիսապաշտպան է։

Ալբերտ Սարգսյանը 1997—2005 թվականներին հանդես է եկել Հայաստանի հավաքականի կազմում, դառնալով 3 գոլի հեղինակ, բոլորն էլ` Ուկրաինայի հավաքականի դեմ խաղերում։ Ֆուտբոլիստը Լոկոմոտիվ ակումբի կազմում դարձել է Ռուսաստանի կրկնակի գավաթակիր, Աթըրաու ակումբի կազմում` Ղազախստանի գավաթակիր։

Ակումբային կարիերա

Ալբերտ Սարգսյանը պրոֆեսիոնալ ֆուտբոլային կարիերան սկսել է 1992 թվականին՝ Նալչիկի Սպարտակ ակումբում։ Ակումբի կազմում ֆուտբոլիստը խաղադաշտ է դուրս եկել 119 խաղերում (մեկնարկային կազմում` 115 խաղերում) և հեղինակել է 25 գոլ։

Իր արդյունավետ խաղի համար Ալբերտ Սարգսյանը 1997 թվականին տեղափոխվել է Մոսկվայի Լոկոմոտիվ, որի կազմում անցկացրել է չորս ու կես մրցաշրջան։ 1990-ականների երկրորդ կեսին այդտեղ էր հանդես գալիս նաև Հայաստանի հավաքականի մեկ այլ ֆուտբոլիստ` Սարգիս Հովհաննիսյանը։ Թիմի կազմում Ալբերտ Սարգսյանը դարձել է Ռուսաստանի կրկնակի գավաթակիր (2000 և 2001 թվականներին), Ռուսաստանի առաջնության եռակի արծաթե մեդալակիր և երկու անգամ հասել է Գավաթակիրների գավաթի կիսաեզրափակիչ։ Եղել է թիմի առանցքային ֆուտբոլիստներից։

2002 թվականին Ալբերտ Սարգսյանը տեղափոխվել է Տորպեդո, սակայն շուտով վարձավճարով տեղափոխվել է Կիևի Արսենալ։

2003-2009 թվականներին Ալբերտ Սարգսյանը հանդես է եկել Ալանիա, Ամկար, Թերեք, Մոսկվայի Նիկա, ՄՎԴ Ռոսիի, Աթըրաու ակումբներում։ Վերջինի կազմում ֆուտբոլիստը դարձել է Ղազախստանի գավաթակիր։ 2009 թվականին ֆուտբոլիստը գոլ է հեղինակել Լոկոմոտիվ ակումբի և Ռուսաստանի հավաքականի «Լեգենդների հանդիպման» ժամանակ։

2010 թվականին Ալբերտ Սարգսյանը վերադարձել է Լոկոմոտիվ-2։ 2011 թվականին ֆուտբոլիստը հայտարարել է ֆուտբոլային կարիերան ավարտելու մասին։

Մրցելույթներ հավաքականում

Ալբերտ Սարգսյանը հավաքականներում իր մրցելույթներն սկսել է 1990 թվականին՝ մեկ խաղ անցկացնելով ԽՍՀՄ հավաքականի կազմում։

Հայաստանից դուրս ծնված շատ ֆուտբոլիստների նման, Ալբերտ Սարգսյանը ևս Հայաստանի ֆուտբոլի ֆեդերացիայի կողմից հրավիրվել է Հայաստանի հավաքական։ Հավաքականի կազմում իր առաջին հանդիպումը ֆուտբոլիստն անցկացրել է 1997 թվականի մայիսի 7-ին` Ուկրաինայի հավաքականի դեմ խաղում։

Հայաստանի ֆուտբոլի հավաքականի կազմում ֆուտբոլիստը հանդես է եկել մինչև 2005 թվականը և անցկացրել է 33 հանդիպում` ընդամենը խփելով 3 գոլ, երեքն էլ` Ուկրաինայի հավաքականի դարպասը։ Բոլոր երեք գոլերը ֆուտբոլիստը հեղինակել է երկու խաղերում, դրանցից 2-ը խփելով տասնմեկ մետրանոց հարվածներով։

Վիճակագրություն

Հավաքական

Հայաստան
Տարի	Խաղ	Գոլ
1997	5	0
1998	3	0
1999	6	0
2000	1	0
2001	5	0
2002	3	1
2003	5	2
2004	4	0
2005	1	0
Ընդամենը	33	3

Ձեռքբերումներ

Լոկոմոտիվ

թիմային.

• Ռուսաստանի առաջնության արծաթե մեդալակիր (3)։ 1999, 2000, 2001:
• Ռուսաստանի առաջնության արծաթե մեդալակիր։ 1998:
• Ռուսաստանի գավաթակիր (2). 2000, 2001:
• Ռուսաստանի գավաթի ֆինալիստ. 1998.
• Գավաթակիրների գավաթի կիսաեզրափակչի մասնակից (2). 1998, 1999:

անձնական.

• Ռուսաստանի լավագույն 33 ֆուտբոլիստների ցուցակ. № 2 — 1999 թ. Ռուսաստանի առաջնության։

Աթըրաու

• Ղազախստանի գավաթակիր. 2009: