Ալբերտ Աղաջանյան
- Վիքիպեդիայում կան հոդվածներ Աղաջանյան ազգանունով այլ մարդկանց մասին։
| Ալբերտ Արկադիի Աղաջանյան | |
|---|---|
| 1966 փետրվարի 15 - մարտի 11, 1992 (տարիքը 26) | |
| Ծննդավայր | .svg){kind=small} Խնձրիստան, Ասկերանի շրջան |
| Մահվան վայր |  Խրամորթ |
| Մարտեր/ պատերազմներ | Արցախյան ազատամարտ |
Ալբերտ Աղաջանյան (15 փետրվարի, 1966, Խնձրիստան, Ասկերանի շրջան - 11 մարտի, 1992, Խրամորթ), հայ ազատամարտիկ, Արցախյան ազատամարտի մասնակից։
Կենսագրություն
[խմբագրել | խմբագրել կոդը]Ալբերտ Աղաջանյանը ծնվել է 1966 թ. փետրվարի 15-ին Ասկերանի շրջանի Խնձրիստան գյուղում։ Ավարտել է Խնձրիստանի միջնակարգ դպրոցը, ապա՝ Ստեփանակերտի ԴՈՍԱԱՖ-ին կից ավտոդպրոցը։ Ծառայել է Խորհրդային բանակում։ Զորացրվելուց հետո աշխատել է Ասկերանի շրջանային կապի բաժանմունքում՝ որպես տեխնիկ։ 1989 թ. աշխատանքի է անցել «Մհեր» շինարարական կոոպերատիվում՝ որպես ներկարար։ Արցախյան շարժման տարիներին իր ընկերների հետ էր։ Կապի գծեր է անցկացրել Հովսեփավան, Քարագլուխ, Ասկերան տեղամասերում։ Մասնակցել է Աղբուլաղի, Նախիջևանիկի, Խրամորթի համար մղված մարտերին։ Զոհվել է 1992 թ. մարտի 11-ին՝ Խրամորթ գյուղի պաշտպանության ժամանակ։ Հետմահու պարգևատրվել է «Արիության համար» մեդալով։ Ամուսնացած էր, ունի երկու երեխա։ Հանգչում է Խնձրիստանի գերեզմանատանը[1]։
Ծանոթագրություններ
[խմբագրել | խմբագրել կոդը]- ↑ «Ալբերտ Աղաջանյանը Արցախյան պատերազմի թանգարանի կայքում». Արխիվացված է օրիգինալից 2016 թ․ մարտի 5-ին. Վերցված է 2014 թ․ փետրվարի 24-ին.