Ալան Մելիքջանյան

Վիքիպեդիայից՝ ազատ հանրագիտարանից
Jump to navigation Jump to search
Ալան Մելիքջանյան
Melikdjanian.JPG
Ալան Մելիքջանյանը Կապիտան Ապապատրանքի կերպարում
Ծննդյան թիվ՝ապրիլի 13, 1980(1980-04-13) (39 տարեկան)
Ծննդավայր՝Ռիգա, Լատվիական Խորհրդային Սոցիալիստական Հանրապետություն, ԽՍՀՄ
Քաղաքացիություն՝Flag of Latvia.svg Լատվիա
Մասնագիտություն՝կինոռեժիսոր, կոմպոզիտոր, յություբեր և պատասխանատու հատուկ էֆեկտների համար
IMDb։ID 1007648
captaindisillusion.com

Ալան Մելիքջանյան[1], (ապրիլի 13, 1980(1980-04-13), Ռիգա, Լատվիական Խորհրդային Սոցիալիստական Հանրապետություն, ԽՍՀՄ), որը հայտնի է նաև Կապիտան Ապապատրանք (Captain Disillusion) կեղծանունով, Լատվիայում ծնված անկախ կինոարտադրող է: Նա Հարավային Ֆլորիդայում տեղակայված Amelik Entertainment ՍՊԸ-ն հիմնադիրն է: Կազմակերպությունը մասնագիտանում է եզակի և հնարամիտ ֆիլմերի, համացանցային սերիալների, գովազդների և երաժշտական տեսահոլովակների արտադրությունում: Մելիքջանյանը իր գործուն մասնակցությունն է ունեցել տեսանյութերի համօգտագործման Openfilm եւ Filmnet.com կայքերի ստեղծման մեջ, ինչպես նաև YouTube-ում ներկայացվող Կապիտան Ապապատրանք հաղորդման ստեղծողն է: Այն իրենից ներկայացնում է կատակերգական տեսանյութերի շարք, որը խրախուսում է քննադատական մտածողությունը և թերահավատությունը: Հաղորդման ընթացքում հերքվում է և բացատրվում է լայն տարածում և մեծ քանակությամբ դիտումներ հավաքած երևակայական կամ գերբնական տեսանյութերի ճշմարտացիությունը:

Նա նաև պարբերաբար մասնակցել է The Amaz!ng Meeting (Զարմանալի Հանդիպում), ամենամյա համաժողովին, որը կենտրոնացած է գիտության, թերահավատության և քննադատական մտածողության վրա (2008 թվականից մինչև վերջին համաժողովը 2015-ին):

Վաղ կյանքը[խմբագրել | խմբագրել կոդը]

Մելիքջանյանը ծնվել է խորհրդային դարաշրջանի կրկեսորդների ընտանիքում: Նրա հայրը՝ Վիլենը, հատկապես հայտնի կատարող էր: Ալանը շրջել է Սովետական Միությունով մեկ իր ծնողների հետ մինչև 6 տարեկանը՝ դպրոց հաճախելու տարիքը, այդ ժամանակ նա ապրում էր իր տատիկի հետ Ռիգայում: Մելիքջանյանը հայկական և ռուսական ծագում ունի[2]: Այդ ընթացքում, նա ենթադրում էր, որ երբ մեծանա նույնպես կրկեսորդ է դառնալու՝

Ես մտածում էի, որ հավանաբար աճպարարությամբ եմ զբաղվելու: Որ ծանոթանալու էի բոլոր աճպարարների հետ: Նրանք ինձ ցույց կտային ձեռքերի ճարպկության միջոցով կատարվող հնարքերը, և 5, միգուցե 6 տարեկանում ես պատրաստ էի այդ ուղղով գնալ:

Ռիգայում, ուսումնական տարվա ընթացքում, Մելիքջանյանը անցկացնում էր իր ազատ ժամանակի մեծ մասը փորձելով պատճենել Դիսնեյի անիմատորների ոճերը: Ամռանը նա վերսկսում էր իր կրկեսային ճանապարհային կյանքը[3]։

Չորս տարեկանում Մելիքջանյանը հայտնվում է 1984 թվականի արտադրության ռուսական ֆիլմում, ու չնայած նրան, որ իր մասնակցությամբ դրվագները ֆիլմի վերջնական տարբերակից ջնջվել էին, նրա կերպարը մնացել էր ֆիլմի պաստառի վրա[4]։ 12 տարեկանում, Մելիքջանյանը իր ընտանիքի հետ արտագաղթել է ԱՄՆ:

Նա հաճախել է William H. Turner Tech միջնակարգ դպրոց Մայամիում, և սովորել է վիդեոարտադրություն և 3-D անիմացիա: Նա շարունակել էր զբաղվել դրանով Կերպարվեստի Միջազգային Ուսումնարանում, որը այժմ հայտնի է որպես Մայամիի արվեստի ու դիզայնի միջազգային համալսարան:

Նա ավարտել է ուսումնարանը կինոարտադրության ոլորտի կերպարվեստի բակալավրի կոչումով[5]։

Ծանոթագրություններ[խմբագրել | խմբագրել կոդը]

  1. "A Patreonizing Announcement" ՅուԹյուբում
  2. «Captain Disillusion's Escape From the USSR»։ H3 Podcast (h3h3productions)։ February 10, 2018։ Արխիվացված օրիգինալից June 18, 2018-ին։ Վերցված է February 11, 2018 – via YouTube 
  3. Thorp Brandon K. (December 24, 2009)։ «South Florida superhero Captain Disillusion talks ghosts, superpowers, and skepticism»։ Արխիվացված օրիգինալից February 1, 2014-ին։ Վերցված է January 27, 2014 
  4. «Alan Melikdjanian»։ IMDb։ Արխիվացված օրիգինալից 2016-03-23-ին 
  5. Melikdjanian Alan։ «About Amelik»։ Amelik.com։ Վերցված է January 27, 2014