Ագեսիլաոս (Քսենոփոն)

Ագեսիլաոս հին հունարեն՝ Ἀγησίλαος
Հեղինակ	Քսենոֆոն
Անվանվել է	Ագեսիլաոս II
Տեսակ	գրական ստեղծագործություն
Ժանր	պատմագրություն
Թեմա	Ագեսիլաոս II
Բնօրինակ լեզու	հին հունարեն
Agesilaus (Xenophon) Վիքիպահեստում

Ագեսիլաոս (հին հունարեն՝ Αγησίλαος), ծնունդով աթենացի հին հույն գրող, պատմաբան, զորավար և քաղաքական գործիչ Քսենոփոնի փոքրածավալ ստեղծագործությունը՝ գրված մեր թվականությունից առաջ 360 թվականի (Ագեսիլաոսի մահվան տարին է) և մ. թ. ա. 356 թվականի (Քսենոփոնի մահվան տարին է) միջակայքում։ Բաղկացած է 11 գլխից և իրենից ներկայացնում է պանեգիրիկ կամ մահախոսական / նեկրոլոգ՝ ձոնված Սպարտայի Ագեսիլաոս II թագավորին, ով, ըստ Քսենոփոնի, մարդու և զորավարի կատարելատիպ էր, քաղաքացիական ու զինվորական բոլոր առաքինությունները մարմնավորողի անգերազանցելի օրինակ։

Աշխատության անգլերեն հրատարակության տիտղոսաթերթը

Աշխատության առաջին երկու գլուխներում Քսենոփոնը ներկայացնում է Ագեսիլաոսի (մ. թ. ա. 440 – մ. թ. ա. 360) կենսագրությունը՝ հատկապես շեշտելով նրա տարած հաղթանակները և շրջանցելով Լևկտրաքիի մոտ տեղի ունեցած ճակատամարտը, որտեղ սպարտացիների զորքը ջախջախիչ պարտություն էր կրել։ Արքայի կյանքի պատմությունը շարադրված է ժամանակագրական կարգով, և դրանով իսկ այդ աշխատությունը կարող է համարվել կենսագրական բնույթի առաջին նմուշօրինակ գրվածքներից մեկը։

Հաջորդ գլուխներում հեղինակը նկարագրում է Ագեսիլաոսի կյանքից զանազան դեպքեր՝ նրան օժտելով կատարյալ զորավարի, ղեկավարի և մարդու որակներով։

Աշխատության որոշ հատվածներ Քսենոփոնը քաղել է իր մեկ այլ աշխատությունից՝ Hellenica-ից (Պատմություն Հունաց)՝ անհրաժեշտ դեպքերում ենթարկելով լեզվական ոչ մեծ փոփոխությունների։

Արտաքին հղումներ

• Agesilaus full text in English from Project Gutenberg
• Агесилай [Текст] / Перевод В. Г. Боруховича // Киропедия / Ксенофонт; издание подготовили В. Г. Борухович, Э. Д. Фролов; ответственный редактор С. Л. Утченко. — М. : Наука, 1976. — Дополнения. — С. 218—239. — 335 с. — (Литературные памятники / Академия наук СССР; председатель ред. коллегии Д. С. Лихачёв).

Վիքիպահեստն ունի նյութեր, որոնք վերաբերում են «Ագեսիլաոս (Քսենոփոն)» հոդվածին։