Ագատում (լատին․՝ Agathaumas, հին հունարենից ἀγα- +θαύμας «չափազանց զարմանալի»), ցերատոպսիդների ընտանիքին պատկանող դինոզավրերի ցեղ, ապրում էր մաաստրիխի դարում՝ կավճային դարաշրջանի սկզբում Հյուսիսային Ամերիկայի տարածքում։ Երկարությունը 9 մետրի էր հասնում, հասակը՝ 3 մետրի, քաշը՝ 5 տոննայի։ Սուիթուոթերի շրջանում (Sweetwater County)՝ Վայոմինգի նահանգում գտնվել են ագատումի քարացած մնացորդներ։ Առաջին անգամ նկարագրել է հնէաբան Կոուպը 1872 թվ.-ին։ Ներկայանում էր մեկ տեսակով՝ Agathaumas sylvestris[1][2].:
Ագատումի աճյունը հայտնաբերել է ամերիկյան գիտնական Ֆ. Մեկը 1873 թվ.-ին Վայոմինգ նահանգում պեղումների ժամանակ(ԱՄՆ)։ Նա այս մասին հայտնել է հայտնի հնէաբան Էդվարդ Կոուպին, ով արագ եղավ նույն տեղում և սկսեց զբաղվել գյուտի հետազոտություններով։ Ագատումը լատիներեն անունը ստացել է, որովհետև գիտնականները մոլորված էին կենդանու ահռելի չափերի պատճառով։ 1897 թվ.-ին նկարիչ Չարլզ Նայտը Է. Կոուպի պատվերով հսկա մողեսների նկարների շարք է ստեղծել, որոնք էլ 1925 թվ.-ին Ուիլս Օ՛Բրայնի «Լքված աշխարհ» ֆիլմի ագատումի կերպարի համար հիմնական նյութ է ծառայել։
