Աբհիմանյու Միշրա
| Աբհիմանյու Միշրա | |
|---|---|
 | |
| Պետություն(ներ) |  ԱՄՆ |
| Ծննդյան ամսաթիվ | փետրվարի 5, 2009[1] (14 տարեկան) |
| Ծննդավայր | Նյու Ջերսի, ԱՄՆ |
| Կոչում | Վարպետության թեկնածու, միջազգային վարպետ[2][3] և գրոսմայստեր |
| Ներկայիս վարկանիշ | 2548 |
| ՖԻԴԵ համար | 30920019 |
| 365chess | Abhimanyu_Mishra |
| Chesstempo համար | 414264 |
| ICCF համար | 414264 |
 Abhimanyu Mishra Վիքիպահեստում | |
Աբհիմանյու Միշրա (Աբհի}}, անգլ.՝ Abhimanyu Mishra, փետրվարի 5, 2009[1], Նյու Ջերսի, ԱՄՆ), արմատներով հնդիկ Նյու Ջերսի նահանգից ամերիկացի շախմատիստ, շախմատային հրաշամանուկ, գրոսմայստեր, ամենաերիտասարդ շախմատիստը, որն արժանացել է շախմատիստին շնորհվող բարձրագույն կոչմանը և գերազանցել Սերգեյ Կարյակինին, որն այդ տիտղոսը կրել է 2003 թվականից։
Կենսագրություն[խմբագրել | խմբագրել կոդը]
Աբհիմանյու Միշրան ծնվել է 2009 թվականի փետրվարի 5-ին, Նյու Ջերսի նահանգում։ Շախմատ խաղալ սովորել է 2,5 տարեկան հասակից։ Դրան ավելի նպաստել են հոր՝ Հեմանտի հետաքրքրաշարժ պատմությունները շախմատի մասին։
Յոթ տարեկանում նա դարձել է ամենաերիտասարդ ազգային չեմպիոնը, ինը տարեկանում՝ ԱՄՆ ամենաերիտասարդ ազգային վարպետը։ Աբհիմանյուն 10 տարեկանում դարձել է միջազգային վարպետ[4]։
|
Նա ընդամենը ինը տարեկան էր, երբ բախվեց 70-ամյա վետերան-մրցակցի հետ։ Նա հաղթել է նրան մեկ ակնթարթում։ Ես մտածում էի, որ նրա կայացման գործընթացը պատմություն է։ Շուտով ես հասկացա, որ նա խելագար է՝ հիանալի իմաստով։ Նա հիշում է այն ամենը, ինչ տեսնում է։ Նա հիշում է 2014 և 2015 թվականների խաղացած պարտիաների քայլերը։ Նրա միտքը կլանում է ամեն ինչ։ - Արուն Պրասադ, Աբհիմանյու Միշրայի մարզիչ
|
|
2018-ի նոյեմբերին Կասպարովի շախմատային հիմնադրամի հողմից հրավիրվել է եռօրյա քննության, որտեղ նա եղել է ամենաերիտասարդ շախմատիստը[5]։
2021 թվականի հունիսի 30-ին, 12 տարեկան, 4 ամսական և 25 օրական հասակում նա լրացրել գրոսմայստերի նորմը և դարձել պատմության մեջ ամենաերիտասարդ շախմատիստը, որը ստացել է այս կոչումը։ Մինչ այդ այդ տիտղոսը կրել է Սերգեյ Կարյակինը, որը գրոսմայստերի կոչման է արժանացել 12 տարեկան և 211 օրական հասակում[6]։
|
|
Այո, չեմ խաբի, փոքր-ինչ տխուր եմ, որ այլևս ռեկորդակիր չեմ, բայց միաժամանակ կարող եմ միայն շնորհավորել երիտասարդ գրոսմայստերին։ Հուսով եմ, որ նա կդառնա աշխարհի ուժեղագույն շախմատիստներից մեկը, և սա նրա մեծ կարիերայի միայն առաջին քայլն է։ Նրան մաղթում եմ ամենայն բարիք։ - Սերգեյ Կարյակին[7]
|
|
Վարկանիշի փոփոխության գրաֆիկ[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ 1,0 1,1 chessgames.com — 2001.
- ↑ FIDE FIDE Standard Ratings as of 31 March 2020 — 2020.
- ↑ Titles approved by 2020 Executive Board in Abu Dhabi, UAE — 2020.
- ↑ «12-летний мальчик стал самым юным гроссмейстером в истории шахмат — Крылья TV» (ru-RU)։ Վերցված է 2021-07-11
- ↑ «Абхиманью Мишра - самый молодой гроссмейстер в истории шахмат» (ru-RU)։ Վերցված է 2021-07-11
- ↑ «Абхиманью Мишра побил рекорд Карякина и стал самым молодым гроссмейстером в истории»։ chess24.com (ռուսերեն)։ Վերցված է 2021-07-11
- ↑ Կարյակինի հաղորդագրությունը Chess.com կայքին։
- ↑ Էլոյի վարկանիշը ՖԻԴԵ ցանկերից։ Աղբյուրներ՝ fide.com, benoni.de, olimpbase.org
Արտաքին հղումներ[խմբագրել | խմբագրել կոդը]
- Անձնական քարտը ՖԻԴԵ-ի կայքում
- Պարտիաները chessgames.com կայքում
- Abhimanyu Mishra chess games at 365Chess.com Անձնական քարտը 365chess.com կայքում
| ||||||
