Որպես օպերային երգչուհի առաջին անգամ հանդես է եկել 1927 թվականին, Լակմեի դերերգով (Լ․ Դելիբի «Լակմե»)։ Լիլի Պոնսի գործունեությունը կապված է եղել հիմնականում Նյու Յորքի «Մետրոպոլիտեն օպերա»-ի հետ (1931-1955 թթ.)։ Կատարել է գլխավորապես քնարական դերերգեր իտալական և ֆրանսիական օպերաներում՝ Ջիլդա, Վիոլետա (Վերդիի «Ռիգոլետտո», «Տրավիատա»), Ռոզինա (Ռոսսինիի «Սևիլյան սափրիչ»), Ֆիլինա (Թոմայի «Մինյոն») են։ Հյուրախաղերով հանդես է եկել «Քովենտ Գարդեն» (Լոնդոն), «Կոլոն» (Բուենոս Այրես) և այլ թատրոններում։ Ելույթներ է ունեցել նաև որպես համերգային երգչուհի։ Լիլի Պոնսը 20-րդ դարի ականավոր երգչուհիներից էր՝ օժտված տեմբրի մաքրությամբ ու փայլով աչքի ընկնող թեթե, ճկուն և դինամիկ ձայնով։ Նկարահանվել է կինոյում։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 9, էջ 377)։
Ֆրանսիա և 
ԱՄՆ
Lily Pons Վիքիպահեստում
